من رأى الشخصى الموضوع صعب شوية على اساس لو انه بتدور على نادى اجتماعى رياضى يبقى فى الحالة ديه تعمل حسابك على 50 الف جنيه على الاقل و تنتهى من هذه المشكلة تماما و تلاقى نشاط اجتماعى و صييفى و شتائى كمان


اما لو بس بتحاول تدور على مكان يقوم فيه الاولاد بمزاولة نشاط رياضى لمدة شهرين او ثلاثة بس يبقى فى هذه الحالة عليك التفكير فى انتقاء مركز شباب يكون قريب من المنزل - و طبعا فيه كلية التربية الرياضية فى ش فيصل - هل فكرت تسأل اذا كان فيه فرصة نشاط رياضى للاطفال او الناشئين من خارج طلاب الكلية مثلا زى ما بعض الكليات الجامعية بتعمل انشطة دورات تعليمية و ممكن تجرب كمان مركز شباب التعاون بما انه فى نفس المنطقة ،


و فيه سكة تانية - ايه رأيك تحاول تخلى الاولاد يشتركوا فى الكشافة حيث انهم يقوموا بتاهيل الاطفال من الناحية الاجتماعية و البدنية و عندهم انشطة كثيرة و بالنسبة للكشافة يوجد الكشافة المصرية و دول فى منطقة الجلاء رمسيس - و فيه كمان الكشافة العربية و دول فى اول ش يوسف عباس عند مدخل الاستاد من ناحية صلاح سالم و انا ارجح الاختيار التانى لو فضلت موضوع الكشافة

للاسف ليس عندى اى معلومات حقيقية عن الافكار السابقة و ربنا يوفقك

تحياتى