مليت من شغلك ..طيب تعمل ايه ؟؟

**زينة الله** · 23-05-2010 12:15 PM

السلام عليكم ورحمة الله وبركاته
يا جماعة لو الواحد مل من شغله يعنى بيلاقى نفسه زى المكنه اللى شغاله كده وخلاص كام حاجة كدة حفظها من التكرار
ولو مش قادر يطور نفسه فيه او يبتكر حاجة جديدة
ممكن لانه مافيش امكانيات أو ما فيش حد مقتنع باى تطوير من رؤسائك
أو حتى اللى بيرحك فى الكلام مش مستعد يساعد فى اى اجراءات و خطوات ايجابية !!
يعنى يسيبك تلف حوالين نفسك لحد ما تزهق وتبطل من نفسك
تعمل ايه ؟؟
تدور على شغل فى مكان تانى
تفكر فى مشروع جنب شغلك
تحاول تشغل نفسك بهويات تقضى فيها وقتك
افيدونا افادكم الله .....

**hamedo0** · 23-05-2010 12:23 PM

بصي يا اختي العزيزة
1- لتعملي مشروع
2- هوايات
3- تشوفي مركز بيدى كورسات في المجال بتاعك وربنا يكرمك ويكرمنا باذن الله

**زينة الله** · 23-05-2010 01:27 PM

شكرا لك
انا فعلا عندى هويات لكن المفروض الهويات تفرج عنك بعض الوقت لما تتعب من الشغل
لكن لما تكون زهقان من 6 أو سبع ساعات بتوع الشغل كل يوم و ممكن ما تلاقيش شغل ايام كتير
وحكاية الكورسات المكان اللى انا فيه مش محتاج اى مهارات حاليا شغل موظفين صرف
اما المشروع فكرت فيها كتير بس مشروع ايه بالضبط
فكرت فى مكنة البلاستك صغيرة ومش غالية وما بتاخدش مكان
أو الطباعة على الخشب بالليزر محتاجة كمبيوتر وطابعة مخصوص للخشب بس محتاجة سوق
وغيره بس خايفة من حكاية المشروع دي يمكن ماعنديش الجرأة الكافية أو مقلقة زيادة عن اللزوم
مش عارفة ...

**hamedo0** · 23-05-2010 01:35 PM

ربنا معاكي بس لو في حاجه معينه في دماغيك اطرحيها في المنتدى تقريبا كل التخصوصات

**زينة الله** · 23-05-2010 01:37 PM

ان فى دماغى فعلا افكار عن مشاريع
ان شاء الله احاول ارتبها واخد رأيكوا فيها

**زينة الله** · 23-05-2010 03:56 PM

ياجماعة لو حد عنده افكار ممكن يساعدنا بيها
بس لو افكار مشاريع يبقى حاجة تنفع البنات مش لازم البنات وبس
لكن مش كار كاير مثلا ولا مغسلة أو ورشة
وتحياتى...