كلامك سليم تماماً ... العربيات ذات التكنولوجيا العالية مكانها في الدول المتقدمة مش هنا ....
عرض للطباعة
كلامك سليم تماماً ... العربيات ذات التكنولوجيا العالية مكانها في الدول المتقدمة مش هنا ....
هنا حتى التوكيل مش فاهم العربية
شفت بلوه اكتر من كده
السلام عليكم و رحمه الله و بركاته
انا هصيغ كل كلامكم اللى كلة كلام صح فى شوية نقاط
1- العربية نعمة و التكنولوجيا بتاعتها نعمة برضوا
2- مصرنا الحبيبة برة الحسبان لان عايشين فى بلد فلاحين " قصدى فلاحين فى الصنعة "
3- برة هناك فى حاجة اسمها التخصص يعنى دة بتاع موتور اوبل بس & دة بتاع تكييف اوبل بس & لكن سمك لبن عصير قصب دا فى مصر بس
كلامى يا جماعة زى اللى انا دايما بقولة " العربية بتاعتى ورتنى الادب و خلتنى امشى على العجين ملخبطوش - بس للامانة العيب مش فى العربية - العيب فى الحمار اللى بيخلينى ادفع دم قلبى و اغير تلات اربع حاجات و فى الاخر العيب يكون حتة سلك بوبينة و الحكاية دى حصلت فعلا قبل كدة "
لكن ست الحسن و الجمال اللى معايا لو كانت فى المانيا كان اقل اسطى فيكى يا المانيا خلى العربية على الزيرو و حط ايدة على الحاجة البايظة من اولها لانة بيعتمد على الفحص مش الهنجمة
احنا فى مصر بالظبط المثال الواضح بتاعنا لما بيكون واحد عيان بيسال زميلة
انت كنت عيان و اخدت دوا اية ؟
و خفيت و الحمد لله ؟
طب هاتلى اسم الدوا علشان اشترية و اخف بسرعة زيك
هههههههههههههههههه
يا رجالة مشكلتنا تتلخص فى
الهنجمة ثم الهنجمة ثم الهنجمة
و اسف على الاطالة
العلاج الأمبريقى الفاشل
العلاج الأمبريقى هو العلاج على اسس غير علمية و تطبيق مبدأ التجربة و الخطأ و الأستفاده من أخطاء الغير و محاولة تفاديها عن طريق تطبيق طرق علاج اخرى لحين الوصول الى الحل المطلوب
symptomatic treatment
اى العلاج على اساس الاعراض بدون التطرق الى الفحوص الشاملة
دة التفسير للى بيحصل عندنا
يعنى دة بيكح يبقى فلان الفلانى استعمل دوا كذا و جاب نتيجة - يبقى الكل يشترى نفس الدوا و ان شاء الله هجيب النتيجة و كل دة بدون النظر الى اسباب الكحة اية و لا اى تفاصيل تانية
و شكرا للجميع
فى حد من طرفك كلمنى النهارده يا دكتور
ايوة يا طنانى
احتمال كبير دكتور ثابت محمد كمال
دة زميلى من القاهرة و انا قتلتلة على العربية بتاعته اللى عايز يشتريها " استرا 1200 سى سى موديل 2000 " قلتلة كلم الباشا اللى من طرف الحكومة اللى عندى . لانة فاهم فى الاوبل و هيدلك على مركز مقار اللى فى الدقى و يعرف احسن منى
و اديتة الرقمين بتوعك
على فكر يا محمد ثابت دة ابو الرجولة بجد
و لو عايز اى حاجة فى سوق الدوا مش هيتاخر معاك و لا عنك
و تسلملى يا ابو على
يا باشا من طرفك يبقى خلصت مش عايز كلام