فى مصر نقمه لاننا لا ندرب الكوادر الصحيحه و الميكانيكى بتاع الـ128 بيحاول يطور نفسه لكن ماينفعش مهما عمل انه يصلح ميجان او اوبل فيكترا سى او حتى لادا 21010 . مراكز الصيانه برضه تدريبها مش أد كده و نظام شيل و حط جديد و ريح دماغك و الزبون يشيل
عرض للطباعة
فى مصر نقمه لاننا لا ندرب الكوادر الصحيحه و الميكانيكى بتاع الـ128 بيحاول يطور نفسه لكن ماينفعش مهما عمل انه يصلح ميجان او اوبل فيكترا سى او حتى لادا 21010 . مراكز الصيانه برضه تدريبها مش أد كده و نظام شيل و حط جديد و ريح دماغك و الزبون يشيل
طبعا نعمة
لأنها بتساهم فى جعل السيارة إقتصادية أكتر و مريحة أكتر و أكتر أمانا
بس فى مصر و لأننا مهرجلين و أى حاجة و السلام أو كما يقال سلم الله هيه فالتكنولوجيا نقمة كبيرة
للاسف التكنولوجيا فى مصر نقمة كبيرة جدا فى ظل مستوى المعيشة المهبب اللى احنا بنعيشة
تقدرو تقولولى لو الفتيس الdsgالجديد الى نازل فى الفولكس باظ بعد الضمان ماخلص مثلا صاحب العربية هايعمل ايه ؟
خصوصا لو ان هوة جيبها بالتقسيط والتمحيط والذى منة وطالع عينة على بال معرف يركب عربية زى دى
الموضوع دة حصل مع استاذ محترم زميل لنا هنا فى المنتدى والحمد لله ان الفيتيس فى الضمان
لما سال التوكيل على تمن الفيتيس خارج الضمان عارفين طلع بكام؟
ب75000ج
يبقى فعلا سلملى على التونوكولوجيا الحديثة فى بلدنا اللى لسة فيها عربيات موديل 60 وطالع
والله اناعمى عايش فى هولندا عندو جولف فوق موديل تسعين مشغلها ديلفرى فى المطعم بتاعة
لما بتبوظ بيوديها المكبس وياخد تمنها 300 يورو ويجيب غيرها
لو هانكره التكنولوجيا يبقى نخلينا فى عربيات السبعينات لانها مناسبة قوى لظروفنا
اكيد التكنولوجيا حلوة لكن كل شئ وله تمن
نقمة طبعا والله انا عاوز ابيع العربية الكورسا السيدان بسبب الموضوع ده حساسات وكمبيوتر ومش شايف فايدة يعني مثلا الانسر 98 او 99 مفهاش كمبيوتر اعطال او حساسات لكن تكيف 100 100 سحب رهيب رفاهية جميلة يبقى الاحسن الانسر طبعا هوه ده الي بفكر فيه لاني بصراحة مش مستفيد خالص من التكنولوجيا الاستفادة كلها للميكانيكي ومراكز الصيانة وقطع الغيار وتحياتي للجميع.
ايه يا حسام عايز تبيع ؟؟؟!!
ماله الكمبيوتر بتاعها
يا باشا انت لو رحت لميكانيكى او لأى حد و قلتله ايه رأيك فى dsg7 هيقولك حلو قوى بس بلاش على غيار الريق الصبح عشان بيرفع الضغط و السكر و بيأثر على الكبد و الكلى
خليك فى حاجة خفيفه و ياريت لو مصمم عليه قوى افطر كويس
هى دى بقى مصر
تلاقى واحد رايح لميكانيكى بعربية رشاشات بس رشاش واحد و بتنتش يقولك الكاربتير ده عايز اكس وباب و جوانات و جلب جديده تقوله دى انجكشن يضحك و يقولك ضحكوا عليك يا بيه عشان انت راجل طيب و لبست فى الحيطه و يقولك معلش تعيش و تاكل غيرها
لو رحت بعربية ايزى ترونيك لميكانيكى و تقوله عايز اغير اسطوانه و دسك طقم دبرياج يعنى يقولك يا بيه دى اتوماتيك شغاله بكابل و مفيهاش اسطوانه و لا دسك و ان اللى قالك كده حمار
يبقى عايز ايه تانى
طيب قسماً بالله العظيم فى توكيل هوندا الفطيم بعربية بتاعت واحد معرفه العربية بتقطع و قلتله بوجيهات هات طقم و انا اغيره ليك دلوقتى قاللى يا عم التوكيل اضمن عارفين العربية رحنا عارفين قالوا ايه حضرتك العربية زى الفل انت اللى مش عارف تسوقها و النتشة دى عادى و ان العيب لو فى عيب يبقى فى الموبينه و المشط و التسريحه و اقعد على الكرسى عدل و ظبط رجلك يا حمار و ان التكييف لو مشغله اكتر من اسبوع متواصل يعمل كده يعنى اى كلام و اى حوار و نرجع نقلهم بتقطع و هما يضحكوا على الأفندية اللى جايين يعلموهم الشغل و فى الأخر روحنا و فكيت بوجية و جبت طقم اصلى و ركبته بايدى
دى بقى اسمها ايه
لو التكنولوجيا نقمة يبقى بنركب عربيات لية من اصلة؟؟
اية اللى مقعدكوا على الكمبيوتر دلوقتى وفاتحين النت لية؟؟؟؟
بصراحة احنا اللى نقمة على التكنولوجيا مش العكس
المصريين عموما مرتبطين بالماضى وبيكرهوا اى تطور او بمعنى اصح مش بياخدوا عليها بسرعة
ززى قصة قدماء المصريين اللى بقالهم 7000 سنة , عمرى ماسمعت حدثاء المصريين عملوا حاجة !!
المشكلة المصرى بيحب الفهلوة بالرغم اننا مش بنصنع حاجة بس لازم نفتى ونعدل على اللى عمل وكمان ماشيين ورا كلام ناس جهلة
المشكله مش فى التكنولوجيا الأهم طريقة تطبيقها و الأستفاده منها
تقدر تقولى كام واحد راكب عربية فيها تريب كمبيوتر و تكنولوجيا عالية زى البى ام الأى درايف و بيستفيد منه غير انه بيتفرج على التليفزيون و مشغله دى فى دى