الشعوب العربية مستهلكة وليست مصنعة ولاتالى متستناش منهم غير كدة
عرض للطباعة
الشعوب العربية مستهلكة وليست مصنعة ولاتالى متستناش منهم غير كدة
ما ده اللى انا بقوله
هو الموضوع مش فى العربيات بس ... دة حدث ولا حرج, كام واحد عرف يصلح موبايل حديث ومش بيتباع فى مصر, كام واحد راح لدكتور وشخص المرض صح من اول مره (مع احترامى للدكاترة اللى موجودين فى المنتدى).
من ضمن المشاكل الكبيرة كمان ان فى ناس كتير مبتعرفش تقول مبعرفش.
انا من تعاملى فى الشغل مع ناس استشاريين اجانب كتير "consultant" بجد معظم الوقت الحاجة اللى مش متاكد منها بيكون ردو انا مش متاكد "Iam not sure, i have to check" بس تقول لمين عندنا هنا عيب اقول معرفش بس هشوف .... يلا ما علينا.
طبعا كلام غلط غلط غلط اه الي دخل موضوع تكنولوجيا السيارات في الكمبيوتر احنا بنكلم في تكنولوجيا عالية مع عدم وجود مراكز صيانة كويسة تباشر تصليح الاعطال بمعني ان متدنيش تكنولوجيا وتسبني مع ميكانيكي مش فاهم حاجة وتقولي التكنولوجيا حلوه طيب ما انا مش هحبها طبعا , لكن احنا بنكلم في جزء معين مش بنكلم على التكنولوجيا بشكل عام انا بكلم على تكنولوجيا السيارت لا دخلت في كمبيوتر ولا انترنت ولا صواريخ فضائية ولا كلام من ده , انا مغرم بالتكنولوجيا جدا على فكرة ومشكلتي اني بجري وراء كل جديد للاسف وهو ده الي مضيعني , بس بالنسبة للسيارت في مصر بذات متابعة ما بعد البيع معدومة معلش انا بروح التوكيل هنا بسلم العربية على الباب وبقعد في غرفة على اعلا مستوى وبتبلغ بكل حاجة وانا قاعد مكاني لا بجري ولا مهندس ولا عامل , والي في الخليج يعرفوا كده كويس لكن في مصر انا روحت مركز صيانة المفروض انه معتمد بتاع رابعة والله العظيم هرجلة في هرجلة واحد بيجري يمين وتفضل واقف في طابور لحد لما توصل للمهندس وبعد ما يكشف بالكمبيوتر ويشخص العيب تقعد تجري وراه علشان يجي يخلصلك العربية وواحد واقف في اخر المركز بنادي على واحد في اول المركزي كاننا في سوق ( يا محمممممممد) وهرجلة في هرجلة , فطبعا هيه نقمة في مصر كلام اكيد مش محتاج مجادلة .
[QUOTE=hostook;3872683724]طبعا كلام غلط غلط غلط اه الي دخل موضوع تكنولوجيا السيارات في الكمبيوتر احنا بنكلم في تكنولوجيا عالية مع عدم وجود مراكز صيانة كويسة تباشر تصليح الاعطال بمعني ان متدنيش تكنولوجيا وتسبني مع ميكانيكي مش فاهم حاجة وتقولي التكنولوجيا حلوه طيب ما انا مش هحبها طبعا , لكن احنا بنكلم في جزء معين مش بنكلم على التكنولوجيا بشكل عام انا بكلم على تكنولوجيا السيارت لا دخلت في كمبيوتر ولا انترنت ولا صواريخ فضائية ولا كلام من ده , انا مغرم بالتكنولوجيا جدا على فكرة ومشكلتي اني بجري وراء كل جديد للاسف وهو ده الي مضيعني , بس بالنسبة للسيارت في مصر بذات متابعة ما بعد البيع معدومة معلش انا بروح التوكيل هنا بسلم العربية على الباب وبقعد في غرفة على اعلا مستوى وبتبلغ بكل حاجة وانا قاعد مكاني لا بجري ولا مهندس ولا عامل , والي في الخليج يعرفوا كده كويس لكن في مصر انا روحت مركز صيانة المفروض انه معتمد بتاع رابعة والله العظيم هرجلة في هرجلة واحد بيجري يمين وتفضل واقف في طابور لحد لما توصل للمهندس وبعد ما يكشف بالكمبيوتر ويشخص العيب تقعد تجري وراه علشان يجي يخلصلك العربية وواحد واقف في اخر المركز بنادي على واحد في اول المركزي كاننا في سوق ( يا محمممممممد) وهرجلة في هرجلة , فطبعا هيه نقمة في مصر كلام اكيد مش محتاج مجادلة .[/QUOTE
فعلا عدك حق هى دى العلة احنا معندناش الكفائات :11:
بلاش كمبيوتر .. هل فى مصر مراكز صيانة بمعنى مراكز صيانة لتصليح اى اجهزة مش هقولك عربيات ؟
هل فى اهتمام بخمدة مابعد البيع فى اى حاجة فى مصر سواء عربيات او غيرة ؟؟
على فكرة الخليج والدول العربية عموما نفس الوضع باختلاف الدرجات كلها شعوب مستهلكة مبتصنعش حاجة وبالتالى الفكر واحد باختلاف تطبيقة , التانيين معاهم شوية فلوس فا بيصرف زيادة انما فى الاخر هو نفس الفكر الاستهلاكى
اى فكر يقول لما يبقى معايا فلوس اعيش على الااستيراد , المنطق يقول انى احاول ابدأ صناعة احاول اعمل بنية اساسية صح مش لما اعوز ابنى اجيب من برة اللى يبنيلى اعوز اطور اجيب اللى يطورلى اعوز افكر اجيب اللى يفكرلى ......
فى مصر بقى مفيش فلوس ومفيش حد يقولك معرفش دة غير ان احنا بيننا وبين التكنولوجى النفوس مش صافية 100% دايما فية شبة عداوة وبنحب القديم دايما
فاكر زمان اول لما اليابانى ظهر الناس كانت بتقول عربيات تعبانة وعربيات ورق ومفيش بعد الفيات والبيجو علشان دة اللى جربوة , النهاردة بعد لما اليابانى اتجرب واتعرف بحكم السنيين بقى هو اليابانى وبس وبالصدفة بقت الفيات والبيجو هما الاتنين من العربيات المنبوذة فى البلد
دايما لما نحب نتمنظر بنقول قدماء المصريين عملوا مش احنا عملنا وبنعمل
بعد كام سنة لما التكنولوجى بتاعة العربيات اللى موجودة دلوقتى تقدم هتلاقينا بنترحم على ايامها يااااااة فين ايام العربيات الاصيلة بتاعة زمان اللى كانت بتدور بالريموت وبتنور لوحدها فى الضلمة وتبقى قاعد مع احفادك بتحكيلهم على العربية الكلاسيكية بتاعتك اللى كانت موديل 2010 واحفادك بيتريقوا عليك العربيات العجيبة اللى ملهاش لازمة اللى كنا بنركبها دى ..........
المصريين عموما بيحبوا يكسبوا من غير مايدفعوا يعنى مثلا تدريب المهندسين والفنيين دة هدفع علية فلوس يبقى لية ادربهم هما يجربولهم فى عربيتين تلاتة عشرة هيفهموا العربية على طول ومن غير ماصرف واهو كلها عربيات
انا بحكم شغلى والتعامل مع اجانب اقدر اقولك الفرق بيننا وبينهم كبييييير اوى بداية من طريقة التفكير نفسها والتصرفات ومش عقدة الخواجة لأ دة واقع انا شوفتة بنفسى
يعنى لما تبقى محكوم بقوانين وتشريعات دولية والصانع يقولك لازم تمشى حسب المانوال خطة بخطوة وبالرغم من دة كلة تلاقى ناس لازم تسيب بصمتها على الحاجة ولازم من حتة الفهلوة بتاعتنا .. يبقى اية !!
الموضوع اكبر من انى وديت عربيتى التوكيل ومش عارف المهندس عمل اية والفنى عمل اية
على فكرة توكيل رابعة من ازبل التوكيلات فا مينفعش تاخدة دليل تقارن على اساسة
انا مستنى و مش عايز اتكلم من بدرى و فى النهايه باقول ردى
فى مصرنا العزيزه التكنولوجيا نقمه نقمه نقمه
و الله الموفق
استحاله البلد دى
فى الأقرارات اللى فاتت قاعد مع عميل فى قناع تليفزيونه فضائية باعمل الأقرار و معايا زميل فبيسألنى على حاجة بخصوص احد المصروفات و اعمال مؤداه خارج مصر و فيها خلاف ما بين المصلحه و البحوث الضريبية و مكافحة التهرب الضريبى و كل واحد برأى و كله مستنى نتيجه يبقى انا اللى هافتى
انا اللى معرفش فيه مفتيش دى بلوه يابا
قلتله هاخد بيانها و اسألك فيها كأنى شتمته بالعزيز الغالى راح ساحب الورق و سبنى و مشى
و عرفت من يومين ان المكافحه هى اللى كسبت النزاع و اتحول العميل للمكافحه لأدراجة مصروفات و اخفاءه ايرادات بطرق غير مشروعه
بس للأمانه لقيته بيتصل بيا و يقلى كان كلامك صح و ياريت سمعت كلامك حيث لا ينفع الندم
التكنولوجيا الوسطية مش العاليا اوى او القليلة اوى لانك تتعب فى الحالتين
بس لو تكنولوجا عاليا و قطع غيار معقولة يبقى يا مرحب