الموضوع: ماهو الفرق بين البوجيه الساخن والبوجيه البارد

المشاركة الأصلية كتبت بواسطة juba8

شكرا ياباشمهندس

الله يخليك

المشاركة الأصلية كتبت بواسطة Ahmed Galal

معلومات ممتازة و مناقشة محترفة و ممتعة كما تعودت دايما من الكبير البشمهندس سمير بس السؤال يا هندسة فعلا لما الواحد ييجى يشترى يعرف منين الانواع ديه و يا ريت لو هاتعبك معايا يا هندسة شوية صور توضح الفروق عشان الموضوع ييبقا واضح من كل النواحى

الله يخليك يا أستاذ : أحمد

ولا ننسى شكر أخونا المهندس : KAZA

على أتاحه الفرصه لنا للتحاور بخصوص هذا الموضوع

وشوف الكلمتين دول وصلولك الفرق بين الأنواع ولا لا

وممكن أضيف فروق تانيه فيما بعد


___________________________________

أنواع شمعات الأشتعال ......البوجيهات
يوجد أنواع مختلفه فى المقاس من شمعات الأشتعال ولذلك عند تغيير الشمعات يجب أختيار النوع المناسب لظروف تشغيل المحرك
1- الشمعه الساخنه ............ذات السن الطويل
2- الشمعه المتوسطه.........ذات سن وسط
3- الشمعه البارده ...........ذات السن القصير


- الشمعه الساخنه .....أنف ذو لون أحمر كما بالشكل
وفيها يكون الأنف الخزفى الداخلى للشمعه طويل نسبيا ( بيكون داخل غرفة الحريق )
حيث يعمل ذلك الأنف الخزفى الطويل المعرض لغازات الأحتراق فى غرف الحريق
على الأحتفاظ بالحراره وعدم تسريبها أو تهريبها لرأس السلندر كما سبق أن بينا
والسن الطويل هو الخط المتقطع فى الشكل القادم شمالا
يستخدم هذا النوع من الشموع مع المحركات البطيئه أو التى تعمل عند أحمال جزئيه
وتتميز هذه الشمعه بخاصية التنظيف الذاتى نتيجه لتوهجها المستمر داخل غرف الحريق
(لأنها بتحتفظ بالحراره ) ولا تسربها للمحرك من خلال رأس السلندر
وذلك بسبب توهجها وبروزها جهة جبهة اللهب أثناء أشتعال مخلوط الهواء والبنزين

- الشمعه المتوسطه ....ذات الأنف الأخضر
هذا النوع من الشموع يستخدم مع المحركات التى تعمل فى ظروف تشغيل عاديه
وفيها يكون طول الأنف الخزفى للشمعه أقصر من الشمعه الساخنه وبالتالى يكون مسار التعرض للهب الناتج عن أشتعال مخلوط الهواء والبنزين أقصر من النوع الساخن

- الشمعه البارده .....أنف ذو لون أزرق
تستعمل مع المحركات ذات السرعات العاليه وذات الأحمال الكبيره للحصول على آداء متميز .......وبالذات فى البلاد الحاره نسبيا
ويكون طول الأنف الخزفى للشمعه أقصر من النوعين السابقين .....حيث لا تحتفظ بالحراره بل يحدث تسريب سريع للحراره الى المحرك
لذا يطلق عليها الشمعات البارده
أنظر الشكل التالى
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x768.

- التنظيف الذاتى للشموع
بيعتمد التنظيف الذاتى للشموع وعدم حدوث تلوث لأنف الشمعه من الخارج وبالتالى الـتاثير على آداء دورة الأشتعال على حرارة الشمعه وظروف عمل المحرك
حيث يجب أن تحتفظ الشمعه ( الأنف خصوصا ) بجزء من الحراره المعرض لها الأنف خلال تواجده بغرف الحريق
يجب أن تظل حرارة أنف الشمعه فى حدود درجة حراره تتراوح من 600 - 800 درجه مئويه أثناء عمل المحرك وذلك لعدم تكون رواسب كربونيه على أنف الشمعه
ومن أجل الحصول على كفاءة تنظيف ذاتى تساعد فى رفع كفاءة دورة الأشتعال وبالتالى الحصول على آداء جيد من المحرك من ناحية السحب والنسارع
وأيضا ينعكس ذلك على أستهلاك البنزين ...................
من أجل هذا فأن الشمعه أم سن طويل بيفضل أستخدامها فى المناطق البارده
والعكس صحيح بالنسبه للشمعه ذات السن القصير ( تستخدم فى البلاد الحاره )

يلاحظ أنه يمكن أستبدال نوع شمعه بنوع آخر ( حسب ظروفك مع المكنه والعربيه )
من الآخر ........
لو بتحرق على الغيارات يمكنك أستخدام شمعه ذات سن قصير
ولو بتلتزم بعدم التحريق على الغيارات فيمكنك أستخدام الشمعات ذات السن القصير

طيب نفترض واحد مننا أستخدم شمعات ذات سن طويل وكان أستعماله للعربيه معتدل
مبيحرقش على الغيارات يعنى ......أيه اللى حيحصل معاه
المكنه حتبرجل منه ....وآداء دورة الحريق حيبقى أى كلام
لأن سخونة الشمعه مثل مابينا .....حتعمل مايسمى فى هندسة الأحتراق الداخلى
بظاهرة الأشتعال المسبق .....دون أن يدرى
يعنى الحريق حيبقى آخر لخبطه !!!!!!!!!!!!!!!!!

المشاركة الأصلية كتبت بواسطة Ahmed Galal

ربنا يباركلنا فيك يا بشمهندس سمير و يزيدك من علمه كده الصورة اتضحت و شكرا طبعا للاستاذKaza

الله يخليك يابو حميد وكمان المهندس سمير والكلام دة تمام وممكن نضيف ان ممكن اعرف الفرق بين الشمعات الساخنة والباره من التعاريج الموجودة علي الجسم الخزفي للبوجية (غير طبعا الاحرف والارقام الدالة علي الخصائص المختلفة من شركة لاخري) فكل ما زادت التعريج دل ذالك على برودة الشمعة والعكس سخونة

طيب انا عندي سؤال في الموضوع دا بما اننا بنكلم علي انواع البوجيهات
انا عندي العربية بونتو المفروض بتاخد بوجيهات نوعها bkr5ez من ngk
لكن انا مش لاقي النوع دا في السوق خالص الا عند التوكيل وسعره مبالغ فيه جدا
والمشكلة ان عربيتي لو ركبتلها اي نوع تاني السحب بيبقي زبالة جدا
والبوجيهات عندي مغروزة فعلا تحت جوا الماتور

ودورت في السوق لقيت الانواع دي اللي موجودة فقط , اجيب اي نوع منهم بحيث يكون الاقرب للنوع اللي بيركب عندي الاصلي من غير ما يأثر علي السحب:

bkr5ek الاختلاف في حرف k بدل z اللي في الاخر

bkr6ez الاخلاف في 6 بدل 5

bkr5es الاختلاف في s بدل z في الاخر

ياريت حد يعرف يجاوب علي سؤالي

منا عارف يا باشا ما دا اللي خلاني اكتب المشاركة دي
المشكلة اني مش عارف مدلول الرموز دي يعني ايه