الموضوع: ماهو الفرق بين البوجيه الساخن والبوجيه البارد

المشاركة الأصلية كتبت بواسطة skybird

كلام نظري جميل
المهم العملي
الصوره دي للبوجيهات اللي عندي في الانسر
ازاي اعرف من خصائصها
انها سن طويل ولا قصير
ويعني ايه الكود BP6EY

انا اسف للتاخير في الرد لكن ظروف الشغل .. شوف يابطل لكل شركة كتاب محدد بة المدي الحراري وطبيعة الاستخدام لكل شمعة طبقا لحروف وارقام بيتم تحديدها بواسطة خبراء التطوير وبتختلف من شركة للاخرى فمثلا كتاب خواص شركة ngkيختلف عن بوش وبيحتاج لمتخصص وطبعا معاة الكتاب الخاص لكل شركة علشان يحدد نوع الشمعة ..اما في بلاد مصرستان العريقة فالكلام دة مش موجود والتجار بيعتبروة نوع من الترف والهيافة ونظام هتضيعلي وقتي .بلاش منها البيعة دى ومن هنا تبدء المشاكل لان التاجر همة المكسب السريع وانة يخلص من البضاعة وباعلي سعر دون النظر لجودة المنتج و مناسبتة الا القليل اللي بيحاول يعرف او بيشوف زبون جاب لة شمهة بتاعة موديل معين وبيروح للوكيل اوتاجر الجملة وبيشترى منة بنفس المواصفات وربنا يهدى الجميع ..طولت عليك نيجى ليك كمستخدم عايز تشتري الشمعات المناسبة لعربيتك هتلاقي عندك كتاب المستخدم للعربية ومكتوب فية نوع البوجية المناسب ولازم تعرف ان النوع دة متحطش وخلاص ..لا دة اتعمل علية تجارب كتير بواسطة الشركة المنتجة للعربية وفي ظروف اختبار قاسية للتاكد من مناسبتة للمحرك وظروف التشغيل المختلفة وطبعا لو انت معدل المحرك يبقي بتحتاج نوعية بوجيهات مختلفة طبقا للتعديل ودة الكلام فية مبيخلصش..نيجي للبوجيهات الموجودة في الصورة فلولاحظت التعريج (الحلقات) الموجودة علي الخزف من اعلي البوجية نقدر نقول انها باردة ومخصصة للمحركات المتعددة الصبابات واللي بيكون مكان الشمعة في وسط وش السلندر بين الكامات ومعزولة عن الهواء الجوي

موضوع مفيد جدا