ماهو الفرق بين البوجيه الساخن والبوجيه البارد

**Sameh** · 21-05-2010 08:41 AM

محاولة لتقريب وجهات النظر

وجهة نظر أستاذ kaza إن السن القصير هو اللى بيستخدم كعلاج مؤقت عشان بيكون السن بعيد عن التلامس مع الزيت وبالتالى يقدر يعيش شوية فى ظروف التشغيل السيئة دى ومايعرقش بسرعة لحد ما تغير شنابر

وجهة نظر مهندس samirayad إن السن الطويل هيحرق الرواسب الكربونية الكتير المترسبة فى المحرك

للتوفيق بين الرأيين ، أعتقد أستاذ kaza بيتكلم عن مشكلة دخول الزيت لغرفة الإحتراق وتعريق البوجيه ، و مهندس samirayad بيتكلم عن رواسب كربون يعنى عيوب إحتراق غير جيد ممكن نتيجة عيب كهربا أو إنجكشن أو كربراتير

يبقا كدة احنا بنتكلم عن حالتين مختلفتين ؟

**samirayad** · 21-05-2010 09:18 AM

محاولة لتقريب وجهات النظر

على فكره يا أستاذ : سامح

دى مش وجهة نظرى ولا حاجه

دى وجهة النظر العلميه الدقيقه

ولو كانت وجهة نظرى كنت حأقول فعلا أنها وجهة نظر

**kaza** · 21-05-2010 01:27 PM

المشاركة الأصلية كتبت بواسطة samirayad

على فكره يا أستاذ : سامح

دى مش وجهة نظرى ولا حاجه

دى وجهة النظر العلميه الدقيقه

ولو كانت وجهة نظرى كنت حأقول فعلا أنها وجهة نظر

جبت منين وجهة النظر العلمية الدقيقة دى بالمخالفة مع كل النظريات والاعراف في محركات الاحتراق الداخلي ولا هو اختلاف وخلاص

**samirayad** · 21-05-2010 01:59 PM

المشاركة الأصلية كتبت بواسطة kaza

جبت منين وجهة النظر العلمية الدقيقة دى بالمخالفة مع كل النظريات والاعراف في محركات الاحتراق الداخلي ولا هو اختلاف وخلاص

لا ياباشا مش أختلاف وخلاص

راجع وذاكر كويس خصائص الشمعه الساخنه والبارده وأنت تعرف الصح

وبلاش تعتمد على فكر بليه فى موضوع كراسى البوجيهات

**kaza** · 21-05-2010 02:35 PM

المشاركة الأصلية كتبت بواسطة samirayad

لا ياباشا مش أختلاف وخلاص

راجع وذاكر كويس خصائص الشمعه الساخنه والبارده وأنت تعرف الصح

وبلاش تعتمد على فكر بليه فى موضوع كراسى البوجيهات

عظيم ..فكرني كدة بخواص الشمعة الباردة والساخنة وتاثير الاختلاف بينهم علي اية بالضبط ..تعال نفتكر كدة دي بتستخدم لاية والتانية لاية وبرضة نفتكر ان سخونة او برودة الشمعة لا تؤثر في حرارة الاشتعال ولا تؤثر بالتالي علي ابخرة الزيت المترسب للغرفة وبالتالي لو فكرت فيما يحدث للابخرة دى بعد الاحتراق بتتحول لمادة كربونية صمغية تترسب بمرور الزمن علي جدران ولقطاب البوجية مهما بلغت درجة حرارتة وفي النهاية بتعمل شورت كت في البوجية يمنع حدوث الشرارة وافكرك ان ظروف تشغيل البوجية داخل غرفة الاحتراق وتعرض اقطابة لظروف الضغط بتكون كافية لعدم حدوث الشرارة لو كفائة دورة الاشعال منخفضة ..عموما انا تحت امرك لتوضيح كلامي بالاثباتات اللي عايزها وكمان بالتجربة الحية وياسيدي فكر بلية اللي بتسخر منة هو اللي خلانا مهندسين بالاضافة للدراسة و الدنياكلها بتعمل الكلام دة حتي بعض الورش في امريكا وانجلترا واللي علم الشغل دة لبلية في مصر هم خريجي المدرسة الايطالية للصنايع (الدمبسكو) ومش خفي عليك مين هم الصناع الارمن القدامي خريجي المدرسة دي وفين اماكنهم دلوقتي ..ولا اية

**samirayad** · 21-05-2010 02:42 PM

طيب أنا حسألك سؤال وحجاوب معاك برضه

أيه اللى ممكن يخللى البوجيهات تعرق زيت

1- كاوتش الصباب وده حنقول حيبوظ شغل البوجيه (سواء ساخن أو بارد )

لأن الكاوتش فى أجوار منتصف غرفة الحريق وحبنزل الزيت على البوجيه من فوق ( من منطقة التاكيهات )

2- الشنابر لو مفوته ( يعنى مكنه متهالكه ومفوته )

يبقى حينفعها أننا نعمل كرسى للبوجيه علشان نرحله لبره شويه

أبدا ....لأن الشنابر المفوته حتفوت الزيت فى أتجاه مماسى لغرف الحريق الحريق ( لازق على الجدران )

فمهما تبعد الشمعه (حيطولها زيت برضه ويغرقها ) وهى شمعه بارده

يبقى المكنه حتقطع وتبطل كمان من صاحبها على السلانسيه وعند المطبات ( زى ما أنت عارف )

يبقى الصح

شمعه بارده (سن قصير )

ولا شمعه ساخنه ( سن طويل ) علشان تحرق كل الزيت اللى يجىء على الشمعه

أعتقد كده الوضع محسوم

لصالح الشمعه الساخنه ( سن طويل ) مع المحركات المتهالكه

**powerofhelll** · 21-05-2010 02:56 PM

سبحان الله وبحمده سبحان الله العظيم

**kaza** · 21-05-2010 02:58 PM

المشاركة الأصلية كتبت بواسطة samirayad

طيب أنا حسألك سؤال وحجاوب معاك برضه

أيه اللى ممكن يخللى البوجيهات تعرق زيت

1- كاوتش الصباب وده حنقول حيبوظ شغل البوجيه (سواء ساخن أو بارد )

لأن الكاوتش فى أجوار منتصف غرفة الحريق وحبنزل الزيت على البوجيه من فوق ( من منطقة التاكيهات )

2- الشنابر لو مفوته ( يعنى مكنه متهالكه ومفوته )

يبقى حينفعها أننا نعمل كرسى للبوجيه علشان نرحله لبره شويه

أبدا ....لأن الشنابر المفوته حتفوت الزيت فى أتجاه مماسى لغرف الحريق الحريق ( لازق على الجدران )

فمهما تبعد الشمعه (حيطولها زيت برضه ويغرقها ) وهى شمعه بارده

يبقى المكنه حتقطع وتبطل كمان من صاحبها على السلانسيه وعند المطبات ( زى ما أنت عارف )

يبقى الصح

شمعه بارده (سن قصير )

ولا شمعه ساخنه ( سن طويل ) علشان تحرق كل الزيت اللى يجىء على الشمعه

أعتقد كده الوضع محسوم

لصالح الشمعه الساخنه ( سن طويل ) مع المحركات المتهالكه

مفيش فايدة ..ياباشمهندس سمير الزيت لما بيدخل غرف الاحتراق ونتيجة لارتفاع حرارة الاسطح الداخلية بيتنقل من الحالة السايلة للحالة الغازية (بخار)وبيتكاثف في صورة كربون صمغي علي جدران الاسطوانة والاسطح الداخلية بلا استثناء وزى ماقلتلك بيعمل شورت كت في البوجية ..يعني البوجية بيفقد قدرتة علي توليد الشرارة وبالتالي بيفقد خواصة ..هتسالني طب ماهوكدة كدة متعرض ..لا لما بابعد البوجية بالبلدي باخبية عن الدومات الهوائية الناتجة عن الاحتراق في تجويف القلاوظ بتاع الغرفة وبكدة بيبقي بعيد نسبيا عن ابخرة الزيت ..اي خدمة تاني

**samirayad** · 21-05-2010 03:18 PM

بيتنقل من الحالة السايلة للحالة الغازية (بخار)وبيتكاثف في صورة كربون صمغي علي جدران الاسطوانة والاسطح الداخلية بلا استثناء

أمال أما الزيت السائل بيتحول لبخار ( زى مابتقول ) وبينشف فى صورة كربون صمغى على جدران الغرف

بنلاقى البوجيه غرقان زيت أزاى مع المحرك اللى شنابره مفوته

يمكن بناخد البوجيه ونبله زيت مثلا !!!!!!!!!!!!!

أى خدمه تانى