اقتباس:
فصرخ: فرج
هف هف هف هفاقتباس:
العيال هربوا يافرج
دور عليهم .... ووضبهم يافرج
وينطلق فرج وكل أمنيته أن يجدهما
سبعاوي : خلاص يا كمال مش قادر اجري بقالنا كتير بنجري في الصحرا
كمال : يا عم شد حيلك واتسند عليا امال لو اتضربت زيي كنت عملت ايه دا انا مستعد اجري لحد اسوان ولا
اني ارجع للناس دي تاني قوم يا سبعاوي هات ايدك
سبعاوي: ينظر لكمال نظره تقدير (اول مره من 33صفحه) ربنا يخليك يا كمال اجري انت وسيبني انا مش
قادر اتحرك وسامحني لو كنت عملت معاك حاجه
كمال وقف وتنح وقعد يملي صدره بالهوا
كمال: سبعاوي انا شامم ريحه معسل قص في الهوا
سبعاوي : هو ده وقته يا كمال
كمال: استني بس دا معناه ان فيه ناس هنا
سبعاوي: ناس ايه دا احنا في وسط الصحرا مفيش غير رمله وجبال
كمال : متقلقش يا سبعاوي الريحه جايه من بعيد بس انا عارفها دا معسل قص بايت ومعمول يدوي
سبعاوي: طيب روح انت وسيبني يا كمال انا مش قادر اتحرك
كمال : عينه دمعت وهو بيبص لسبعاوي وهو مش قادر يتحرك وقاله
انا حشيلك علي كتفي يا سبعاوي يلا ساعدني وقوم هيلا هوووووب
وقعد كمال يجري بسبعاوي وكل ما يتعب يتخيل فرج واللي كان بيعمله فيه وهو بيضربه ويجري اسرع
سبعاوي: انت شربت من الوقود ولا ايه يا كمال
كمال قعد يجري والريحه بتشعشع في مناخيره اكتر وبتقرب
لحد ما لقوا خيمه منصوبه في الجبل
كمال: السلام عليكم يا اهل الدار
الراجل العرباوي: وعليكم السلام انتم مين
كمال: احنا عربيتنا عطلت وطلع علينا ناس سرقوها وبقالنا يومين في الصحرا
الراجل العرباوي : طيب يبني تعالي ارتاح انت وصاحبك
كمال: احنا فين يا حاج
العرباوي: انتم في صحراء وادي النطرون يبني
كمال: ممكن اشيش يا حاج
الراجل العرباوي : اتفضل شيش يبني علي ما اعملكم حاجه تاكلوها
كمال قعد يشيش وسبعاوي عمال يدعيله لحد ما اغمي عليه ونام
وكمال راح في سابع نومه و كمان والشيشه في بقه
الراجل العرباوي جه عليهم وقال ............................
=======================================
وعلي الجانب الاخر
كريم: دلوقتي احنا عرفنا السلاح اللي معانا
بس وبعدين حنروح فين ونيجي منين
شاركي: ايه اللي بيتحرك هناك ده
دا الكلب بيقوم باين عليه كان مغمي علي بس ومماتش
الكل في صيحه واحده
يا كريم يا رب
يا كريم يا رب
شنوري : انا حشمم الشراب للكلب تاني بس وهو جوه الترمس علشان يستحمل ريحته
تعالي يا ركس شم
الكلب قعد يعطس ويكح نص ساعه
ووقف يشم الهوا شويه وودنه وقفت
كريم: واضح انه لقط ريحتهم
شاركي : اطلعوا انتم ورا الكلب وانا وممدوح ونوح حنستني هنا
ممدوح : انا شامم ريحه زيت موبيل 1 بيتحرق بس الموتور مش مفوت
نوح: فعلا يا ممدوح وريحه كاوتش ميشلان مفرمل في الاسفلت
شاركي : انا حاسس ان الريحه دي ليها علاقه باصحابنا
كريم: طيب احنا حنروح ورا الكلب انا وشنوري ونادر وانتم شوفوا الريحه دي مصدرها ايه
شنوري دور عربيتك يا كريم وخد نادر معاك
وانا حسيب الكلب يجري وحطلع وراه بالمكنه
كريم : احنا منعرفش هو حيجري قد ايه يا شنوري
هات الكلب معانا في العربيه واحنا كل كام كيلوا حننزله ونشوف حيعوز يروح لانهي اتجاه
شنوري : طيب يلا بينا
وانطلقوا جميعا كل لهدفه
يتبع ..............................