بص الثلاثه لبعضهم بذهول وصرخ شنورى
حسبى الله ونعم الوكيل , يعنى مش كفايه بنسهر للفجر قصاد طابور الثمانين كمان التسعين هيغلى وهتلاقى كل الناس بتمشى عربياتها بالاكراه بالثمانين ان شاء الله حتى تنفجر مش بس تكركر
قاطعه دكتور احمد قائلا , التسجيل ده معاد يا رجاله ويظهر انه من امبارح بليل , معنى كدا ان الخبر ده اتعرف من امبارح
شنورى , اخر مره كنت فى المعمل امتى ؟
شنورى : امبارح بالنهار كنت بجرب رد فعل اريال حرامى الدش بعد شده على منجنيق عملاق على السطح والموضوع قلب بغم واتضطريت اخد بعضى واهرب من الباب اللى ورا وانا نازل الجراج كانت العربيه موجوده مكانها
كريم : معنى كدا انها اتسرقت بليل بعد سماع الخبر على طول وفى نفس الوقت اللى كان سبعاوى بيكلمك فيه على التركيبه
شنورى : تقريبا
دكتور احمد : كدا وضحت الرؤيه , العربيه مش بس اتسرقت علشان اداءها دى كمان اداه للضغط علينا للحصول على التركيبه بتاعت سبعاوى او حتى تجربتها
شنورى : طيب وايه الفايده من سرقه الخليط ؟؟
دكتور احمد : المستفيد الوحيد هو حد بيعانى من استهلاك بنزين عالى , والموضوع ده مش هيخرج برا واحد فى دماغى
ثم نظره لكريم منير على اثرها كريم قلع النضاره وقام وقف وبكل ذهول قاله , مينا بتاع الجيب ؟؟!!!