أنا هاكمل........
عرض للطباعة
أنا هاكمل........
و في نفس الوقت في مكان بعيد مقفر ..... في ظلام دامس تحيطه الذئاب المتوحشة و الكلاب ....
سبعاوي : أأأووووو أأأ أووووومف (الكلام مش واضح من الكمامة)
كمال: أوووووأااااااااا أااااااااووووووووووو أاأأأأأأئييييي (برضه كمامة)
للسهولة هاكتب الترجمة على طول
سبعاوي : كمال .... اصحى .... انت فقت؟
كمال: أيوة .... انت بخير؟
سبعاوي: الحمد لله بخير ..... احنا فين؟
كمال: ماعرفش ... اخر حاجة فاكرها اننا اما زهقنا من انتظار شنوري طلعت الشيشة من شنطة العربية و ولعت حجر و قعدنا نخمس فيه ..... و بعدين لقينا نفسنا هنا .....
سبعاوي: ايه ده هو الحجر كان مغمس و لا ايه يابو كمال؟
كمال: لا يا عم .... ده معسل سريلانكي فائق الجودة .... الجرام فيه فيمتو ثانية نيكوتين بس ..... احنا اكيد اتخطفنا .....
سبعاوي: و فين اللي خطفونا ؟؟؟؟؟
كمال: مش عارف ....
في نفس اللحظة يدخل عليهم كائن على شكل متوازي مستطيلات ذو عضلات مفتولة .... يشبه المخبر الأشهر على الاطلاق في تاريخ السينيما المصرية (عارفينه طبعا) قائلا
الكائن: يا اهلا اهلا بالرجالة .... انتوا فوقتوا
سبعاوي (محاولا الحفاظ على هدوئه) : ............
يتبع !
.....................
انا حكــمل
سبعاوى : ايه الكائن ده
كمال : هو لسه فى بنى ادمين كده فينك يا شنورى
الكائن-بصوت متحشرج- :بتقول ايه منك له
سبعاوى بكل هدوء : مفيش هو فى ايه
الكائن : شويه وتعرف
ثم خرج الكائن وسمع سبعاوى وكمال اصوات غربيه لم يستطيعوا تفسيرها
كمال لسبعاوى : ايه ده الموضوع شكله حيكبر يا ترى شنورى عمل ايه يا رب يكون خفى الاختراع
سبعاوى : قول يا رب نكون جينا فى باله
ثم يدخل الكائن ومعه شخصين اخرين
.......................................
يدخل الكائن ومعاه شخصين اخرين , فيتكلم سبعاوى بلهجه سخريه
الله , دا انتو كتير بقا
الكائن يخرج من دائره الظل ليضئ وجهه فى الظلام وحوله دخان ( مش لازم سجاير المهم فى دخان )
الحقيقه يا سبعاوى بيه احنا كنا فى رحله سفارى وفى برا باربكيو ومحدش منكم هياكل اى حاجه من اللحمه المشويه غير لما نشوف اخره البتاع بتاعكم ده ايه والا هيبقى ده اخر باربكيو تشموه فى حياتكم
يصيح احمد كمال منفعلا : خرجنا من هنا بقولك انت مش عارف انا ممكن اعمل فيك ايه
تجلجل ضحكات مينا فى المكان قائلا : انسى , انت هنا فى بطن الديب فى الصحراء الغربيه اقرب حاجه ليك هى بحر الرمال الاعظم احنا لسه جايين من هناك من شويه والحمد لله غرق هناك واحد بس وانقذنا الباقى جرا على الرمال
ثم يجذب مقعد ليضعه فى وضعيه عكسيه ويضع عليه احدى قدميه ويستند برأسه على يديه لستكمل قائلا , قولى يا ابو السباع ايه الغلطه اللى كانت فى التركيبه وولعت فى موتور العربيه وهل الخلطه دى تشتغل ديزل ؟؟
وقبل ان ينطق سبعاوى يندفع احدهم الى المكان سريعا قائلا , الحق يا ريس مينا
مينا : فى ايه ياد ؟؟!
الشخص : الواد زيزو كان بيتكلم من تليفون احمد كمال , اكمنه ببلاش يعنى وكدا وبعدين جت رساله على التليفون مكتوب فيها
" الابلكيشن وقع يا احمد انت فين ؟ , احنا شايفينك على ال gps فى الصحراء بتعمل ايه عندك , احنا بعتنالك فريق الصيانه بتاع برج قريب منك يتطمنو عليك "
مينا : يادى المصيبه , اقفل الموبايل ده حالا
احنا لازم نتحرك بسرعه
انا هكمل........
الريس مينا بص للرجالتو يلااا انتو لسه واقفين وغموا عينهم , هجم المخبر على كمال وكمال يصيح ايه ياعم هتعمل ايه طب استنى بس هظبطك في خط مفتوح والمخبر ولا هو هنا وحط سوليتب امريكاني على بقه وغما عينيه بفوطه زفره من اللي بيتمسح بيها الازاز وبص لسبعاوي وعينه تملؤها الشرر فسبعاوي قالو في هلع يعني كمال كان هيظبطك في خط وبرده مفيش راح زق سبعاوي ورماه على الارض وجاب الفوطه علشان يغمي عينيه وسبعاوي يقوله ياعم طيب فوطه نضيفه حتى فرد عليه المخبر اخررس احنا خاطفينك انتا فاكر نفسك في بيتكم ولزق برده نفس السوليتب الامريكاني على بوقه
سبعاوي قبل ما المخبر يزقه اخد باله ان فيه ولاعه على الارض ولعب الحظ دوره انو لما يقع تيجي جنب ايده المربوطه وراه فياخدها
كان فاكرها عمليه سهله , ده بيحلم
خرجت الكلمات من شنورى مندفعه بقدر اندفاع السياره على الطريق تحت قيادته ومعه كريم والدكتور احمد
ليرد كريم قائلا : بس ملعوبه يا شنورى الرساله اللى انت بعتها وكدا فعلا هنعرف نوقعهم اسهل ما كنا ندخلهم الصحرا
شنورى : طبعا , امال هنعمل عربيه بكل القدرات دى من غير جهاز تتبع دى حاجه متعديش علينا
دكتور احمد بهدوء : ربنا ستار حليم يا شنورى , انا كنت سامع ان جهاز التتبع ده سبعاوى حطه فى العربيه علشان انت متعود تاخدها وتخرج تشد بيها فى الميرغنى وكانت الشباب هناك متفقين لو شافوك هيفجرو العربيه علشان محدش عارف يطلع منك
شنورى منفعلا : ده كان احد الاسباب البسيطه وخلونا فى اللى احنا فيه دلوقتى , هما غالبا رايحين على المقر بتاع تعديل عربيات الرالى بتاعتهم وهيكملو استجوابهم لأحمد كمال وسبعاوى هناك
احنا كدا هنهجم عليهم فى المقر ده
كريم : انت مجنون , عددنا قليل ومحدش فينا ليه فى موضوع السلاح ولا البلطجيه والموضوع هيبقى محسوم ليهم ومش هنعرف نخرج سبعاوى ولا احمد بسلامه
شنورى يبتسم وينظر لكريم بكل ثقه قائلا : سيف ( Seiffoz ) مستنى هناك ومعاه ايفان ايفانوفيتش , راجل روسى حبيبنا بيخلص فى حتتين سلاح وبطاريه صواريخ وسيف اقنعه ان البضاعه بتاعته فى المقر بتاع التعديل ده وهو ورجالته اللى هيعملو العمليه كلها واحنا بنتفرج
انا اديتهم صوره سبعاوى علشان يعرفوه فى الاقتحام بس مش لاقى صوره لأحمد كمال , يارب يعرفوه