محدش قال إنها منتشرة أكتر من السيراتو أو السيفيك لكن محدش يقدر ينكر أنها أحسن منهم وفيات مش شركة تعبانه وواضح إن إنت الي فيات مش نزلالك من زور وفين السوبارو المنتشره دي ده تاني مرة من ٣ سنين أشوف برافو سيدان لما جرنا إشترى واحده!!!
عرض للطباعة
محدش قال إنها منتشرة أكتر من السيراتو أو السيفيك لكن محدش يقدر ينكر أنها أحسن منهم وفيات مش شركة تعبانه وواضح إن إنت الي فيات مش نزلالك من زور وفين السوبارو المنتشره دي ده تاني مرة من ٣ سنين أشوف برافو سيدان لما جرنا إشترى واحده!!!
يا استاذ يوكو...براااااحه بس...الفيات احسن منهم اه لكن مش اريح منهم فى السوق المصرى....هيا دى النقطه اللى مش نزلالك من زور....لكن الفيات عربيه ميختلفش عليها اتنين
بص يا باشا انا معايا برافو اول كاتيجورى اللى من غير كاسيت, عشان انا كنت عاوز اركب ساوند سيستم و احطلها جنوط اكبر من اللى فيها و اظبطها انا على مزاجى لانى بحب اكون مختلف عن اللى بتنزل بيها, و بأمانة انا كنت بحب السيفيك موت وكان نفسى اجبها بس سعرها فعلا غالى وكنت بفكر اجيب السيراتو الكوبية عشان شكلها كان عاجبنى حتى كنت بنزل مقارنات كتير قبل ما اشترى العربية...بس الحمد لله انا لما جبت البرافو حسيت بفرق جامد جدا جدا عن بقيت العربيات صاجها ناشف وبابها تقيل لو خدت بالك انا شفت اللينيا بابها مش زى البرافو.بالنسبة للسحب دى اكتر حاجة اضمنهالك فى العربية دى,الثبات فهو كويس بس انا مجربتش اجيب بيها سرعة عالية,العفشة هى اللى ناشفة شويتين ودى حاجة كويسة عشان الثبات.الاوبشن اللى موجود فى الفئة دى كويس مش وحش.صدقنى لما تجبها هتعرف انها احسن من السفيك واى عربية كورى او يابانى.ممكن حضرتك تقارنها بجولف او bmw 116 و اى سؤال انا موجود
على فكره كل الى أنتم بتتكلموا فيه دا لا يخص البرافو بصله
المشكلات دى كلاها مشكلات أومترا حتى مش مشكلات فيات
مهو خالينا واقعين علشان نريح نفسنا
وخليك معايا يا يوكو
لو سلمنا أن الفيات أفضل من الكيا والسوبارو ودى حقيقه
كان لابد تترجم هذه الحقيقه على أرض الواقع بأنتشار الفيات أكثر من كيا وسوبارو
ودا للأسف مش الى حاصل
يعنى أيه!
يعنى فيه غلط
فين بقى
أنا عايز أسمع رأي كل واحد من الى بيتناقشوا دلوقتى
أزاى الافضل أقل والاسوأ منتشر وله سوق
لابد من وجود خلل
أنا بقول من قلبى سبب الخلل دا أومترا
الى عنده رأي مخالف لدا يريت يقنعنى...
طبعا اكيد يا نورمال سبب الخلل وسبب بعد الناس عن فيات وخوفها من الشراء هو اوماترا وخدمه ما بعد البيع
و الدعاية :'(
فعلا هو سببها أكتر من حاجة أولهم أوماترا وأسلوب التسويق (مش خدمة ما بعد البيع) تاني حاجة فكر المستهلك المصري عن فيات من أيام ال١٢٨
التجار الي بيطلعوا القطط الفاطصه في أي عربيه أوروبي يعني لو جيت تبيع لتاجر هيونداي مثلا هيشعرلك فيها روح بعله أي عربيه أوروبي مش فيات بس وبص هيقولك إيه!!!
الفكرة كلها أنا بحب أشوف إيه الأحسن والي بحبة مش بمشي مع القطيع وخلاص
يعني أنا هتلاقيني عكس المصريين في حاجات كتير من أول الفيات لحد السوني إركسون (إشتريته من ٦ سنين) أيام لما كانوا ميعرفوش غير النوكيا بكلم دلوقتي من لينوكس (مش من ويندوز) بلعب باتيناج
فهو كل واحد وبيحب يعمل إيه فيه ناس تقلك بلا وجع قلب خلينا في المنتشر وخلاص وكل واحد ليه رأيه يعني أنا مش غلط ولا هو غلط