بردو ما تعكسش عشان كل ماركة وليها ظروفها يا باشا.
شفنا برازيلى اه بس شفت معاها الايطالى والوجه الجميل لعربيات فيات
عرض للطباعة
على العموم أنا أستفدت من النقاش جدا
وعمرى مبعرف أتناقش غير فى القسم دا :)
بجد والله
ووضحت وجه نظرى وفهمت الوجهات المناظره
وكل ما أرجوه أن تصبح فيات فى المكانه الحقيقيه لها
أنا عاشق لإيطاليا على جميع الاصعده
وفيات علامه من علامات إيطاليا حاجه زى البيتزا كده
شعار
مينفعش يبقى فى الحاله الى فيها فى مصر دى
على العموم شكرا على النقاش المجدى وربنا يقدم ما فيه الخير
انا بجد ناقم جدا على التوكيل وابتديت اتخنق من العربيه
اولا انا لحد دلوقتي لما اي حد يسألني البرافو ولا السوبارو 2006 اللي كانت معايا بقول سوبارو طبعا لان بجد سوبارو 2006 و2007 بجد مفيش عربيه بمعني كلمه عربيه في كل حاجه اتصنعت زيها ولا حتتصنع خلاص وان كنت مش عاجبني 2008 لاني مجرب 2006
انا شايف ان البرافو حلوه واحسن من غيرها كتير وانا افضلها عن السيفيك بس للاسف الحلو مابيكملش
التوكيل بجد رخم وغلس وشايف نفسه وهو ملوش فيها اصلا ده غير الجشع الرهيب اللي في غلو قطع الغيار والجشع في تغيرها وخلاص
ربنا يباركلهم بتوع ابو غالي (سوبارو) كان لايمكن يغير حاجه غير لما تكون جابت اخرها وانا اللي كنت اقوله غير كذا يقولي لا حرام عليك دي لسه تمام او تعالي المره الجايه نبقى نبص عليها ( ده مره المهندس وانا بقوله نغير كذا قالي حرام هو سفح وخلاص انا كشفت لقيته تمام )
في اوماترا ببوس ايده واقوله حرام عليييييييك صيانة العشرين ليه كل ده حرام يقولي ده لازم وهو مش فاهم اصلا والمفروض يبص الاول بعد كده يقولي دي محتاجه كذا مش اول ما ادخل يقولي احنا حنغير كذا وكذا
يعني انا مثلا بمشي كتير وعامل تاني 10 الف في3 شهور اكيد مش حكون زي واحد عملهم في سنه وبيمشي في زحمه (وده منطقي )
الحرام اني اغير فلتر هوا وابص الاقي لونه اصفر لسه من بره وجوه ولو نفخت في ببقى حينضف اقوله طب اديله سنه هوا وحطه يقولي مينفعش احنا معندناش الكلام ده ( هو ده السفح )
لما يغير زيت باكم ويزود ميه مقطره وميه مساحات ( وهما منقصوش مللي واحد ) يبقى بيعمل عليا شغل وخلاص
لما يغير تيل فرامل ب 700 جنيه اجمالي ويقولي ده خلص وابص عليه الاقيه زي الفل منقصش كان بيطلع صوت بس لكن الفرامل كانت احسن من التيل الجديد دلوقتي اللي ابتدي يطلع صوت برضه بعد 3 ايام بس
لما يغير فلتر التكيف وامشي ورا عربيه عاديه (مش مكروباص ولا نقل ) واشم ريحه العادم مع اني مشغل ال recycle يبقى هما معرفوش يركبو الفلتر اصلا
لما ادفع في الصيانه بتاعت ال20 الف 1660 جنيه بعد خصم 100 جنيه ويقعدو 4 ساعات شغل معرفش ليه وياخدو مصنعيه 330 جنيه على صيانه ال 20 يبقى ده اسمه السفاح بجد
انا بس مستني اخد اجازه من الشغل وحانزل اسب والعن في التوكيل وللاسف الحاجات دي ممكن تخليني اتخنق من العربيه
اه نسيت اقول ان العربيه الكمبيوتر بتاعها والكتالوج بيقولي اول صيانه عند 30000 كم ايوه 30 الف كيلو ودول اكيد اللي مصنعينها ويهمهم يبيعو ويحافظو على عربيتهم في نفس الوقت
اقولوهم كده يقولي اصل الجو عندنا ( ماهو بره في جو زينا برده مش احنا بس ) يقولي بس معندهمش ذرات التلوث اللي في الجو عندنا ( محسسني ان احنا عندنا تلوث نووي في الجو )
واصلا بالمنظر ده حيغيرولي العربيه كلها لو وصلت ل 30 الف وربنا يستر من الجشع ده وياريته حتي بفايده
أنا دفعت فى صيانة ال 20,000 حوالى 950 و ماتنساش ان العربية ب 72,000 أصلا
و طبعا كل الملاحظات اللى قلتلهم عليها بعد ما استلمت العربية لاقيتها زى ما هى , بس كانوا فى أخر اليوم و مشيوا خلاص
قلت فى بالى أول و أخر مرة أروح التوكيل الزبالة دة طول ما هما كدة
فعلا الكمبيوتر بتاع العربية متسجل عليه ان الصيانة عند 30000 و بيبدا العد التنازلى لغاية ال 30000 اللى بعديهم و بعدين التيل ليه لمبة تحذير و الزيت لما يخف ليه لمبة تحذير يعنى كل حاجة ليها تحذير يبين ايه المطلوب
انا شكلى حاجيب كتالوجات الصيانة بتاعت العربية و اشتغل فيها بره انضف و ممكن اشتغل فيها بايدى كمان
يا جماعة هقول رأيي بصراحة مش لأني معايا سيفيك بس البرافو طلعت ولا نزلت فيات برده مش عارف مين ممكن يجيب فيات و يسيب هوندا و العربيات في الشارع خير دليل عدد عربيات السيفيك يمكن 100 ضعف عدد عربيات البرافو ربنا عرفوه بالعقل
الرجاء عدم التهكم والشخصنة بأي إسلوب
260510
10:55am
مشرف١٨ب