المشاركة الأصلية كتبت بواسطة shouk_1987
أولا أكيد عربيات فيات الحديثة لا غبااار عليها
بس إقنعنى إنت إزاى أجيب عربية فى مصر توكيلها وااااااقع
إزاى أجيب عربية فى رانج التمانينات و أسمع الأسعار الفلكية ديه فى الصيانات و أكيد كلكوا شفتوا موضوع cryptonx بتاع عربيته ال palio
والراجل بتاع البرافو اللى بيصوت من الأسعار و ياعنى إيه يغيرولوه حاجة بالعافية (زى فلتر الهواء مثلا) ياعم هو حر لو مش عايز يغيروه أو لأ
هاتقولى اللى بيركب أوروبى لازم يبقى عارف مصاريفها هاقولك على عينى و على راسى بس لما تكون العربية ب 200 أو 250 ألف مش ب 100 أو 120 (أنا مش عارف أسعار الفيات بالضبط بس هى فى الرينج ده)
من الآخر التوكيل ده لو ماتغيرش بحاجة تسايس الناس و تريحهم يبقى عمرى فى حياتى ما هاجيب فيات (فى مصر) مش عشان هى وحشة لا سمح الله
لأ عشان لاقدر الله لو اتخبط خبطة زى بتاعت cryptonx ما اعدش اغنى ظلموه يا راجل ده بيقولك الدنجل ب 4600 جنيه ده نصب علنى يا جدعان
أنا عارف إنى بقول الكلام ده فى منتدى غلط بس أرجوكم ماحدش يرمينى بالطوب و تقبلوا تحياتى
و فى الآخر اللى معاه فيات ربنا يهنيه بيها و يبعد عنه أى شر و السلام عليكم و رحمة الله و بركاته