كروز توب لاين ولا رينو فلوينس اعلى فئة ؟؟

**ahmedegypt** · 21-05-2010 02:22 AM

الكروز احسن عشان سعر اعادة البيع و ارخص فقطع الغيار

و هى عن تجربة عربية رائعة العزل فيها رائع ثباتها جامد جدا عالسرعات فوق ال150

توكل على الله و اشتريها الكروز اختيار موفق فى الفئة ديه

الفلونس برده كويسة بس الصراحة مجربتهاش بس عيبها الاكيد انك لو اشتريتها ب 160 الف انهاردة بعد خمس سنين هتبيعها ب 80 الف زى الميجان كده لان الرينو كسعر اعادة بيع واقع

انما الشيفروليه مطلوبة فمصر و بص حضرتك على اسعار الاوبترا يوزد عشان تتاكد

**amrelserw** · 21-05-2010 03:43 AM

السلام عليكم
انا حجزت الفلوينس بعد مقارنة مع الكروز و بصراحة أنا اصلا كنت نوى أشترى الكروز بس لما شفت الفلوينس مفكرتش كتير و توكلت على الله عشان هى اولا عربية فخمة جدا جدا و ال options الى فيها حلو اوى مقارنة بسعرها بردو موضوع الوكيل مهم عشان مفيش حد بيشكر فى منصور عكس توكيل رينو سمعته كويسا
المهم استخير ربنا وان شاء االه ربنا يوفقك وتختار العربية الى تريحك

**ashrafsadany** · 21-05-2010 03:54 AM

توكل على الله فلونس

**shod90** · 21-05-2010 06:06 AM

انا بصراحة عجبانى الكروز اوى بس قلقان من حتت انها تبطل دى بس .. و فعلا قطع غيرها ارخص بكتير من الفلوينس و هى اعلى فئة فى الفلوينس بكام ؟؟ :) و حاسس ان التبلوة بتاعها اديم شوية ؟!!! او انا كنت بتفرج على عربية تانية بقى ههههههه

**SharpArrow** · 21-05-2010 09:21 AM

فلونش طبعا روعة في كل حاجة
عيبها غلو صيانتها و قطع غيارها بالنسبة للكوري
لكن بالنسبة للاوربي عموما هي معقولة جدا
و عندك حاجات تانية قمة في الورعة في الفئة السعرية دي زي بيجو 308 او برافو لو بتحب الهاتش
انما سيدان هوندا سيفيك اللى محدش نهائي قال عليها كلمة
بس مش معنى كده انك تلغي الفلونس من دماغك لا هي عربية تستحق كل احترام

و بالنسبة للتوكيل نادرا جدا لما بلاقي حد بيشكر في توكيل شيفروليه و اوبل (منصور) و اعرف واحد معاه افيو بيروح التوكيل بيسب و يلعن و يشتم هناك عشان يعرف ياخد حقة بيطلع روحه و هو بيحب عربيته بس بدا بكرهها بس بسبب التوكيل
فا حرام تعذب نفسك لو عايز شيفروليه يبقى استني لما التوكيل يتعدل

**shod90** · 21-05-2010 04:21 PM

المشاركة الأصلية كتبت بواسطة SharpArrow

لو عايز شيفروليه يبقى استني لما التوكيل يتعدل

هو هيتغير ولا اية منصور ؟؟ و لو هيتغير متعرفش امتى؟؟

و انا مشكلتى كلها انى عااااايز اعرف العيب بتاع الطبطيل دا فى الكروز ولا لأ !!!

**shod90** · 22-05-2010 08:35 AM

اية يا جماعة مفيش حد عندو معلومات عن الكروز ولا اية ؟؟؟؟؟؟؟؟

**elmadawy** · 22-05-2010 11:46 AM

سيبك من كلام الناس واتوكل علي الله
فلوانس عربيه اكثر من رائعه
وانتم السابقون ونحن اللاحقون ان شاء الله

**mragh** · 22-05-2010 12:43 PM

توكل على الله في الفلونس

أنا هرد على حضرتك إعتماداً على خبرتي البسيطة مع رينو إلي اكتسبتها خلال مشوار قراري شراء الفلونس

١- بالنسبه لخدمات ما بعد البيع، أعتقد رينو تكسب و ده كلام مؤكد من ملاك سيارات رينو و شيفرولية أعرفهم شخصياً
٢- قطع الغيار اسعارها بتتغير مع إنتشار السيارة ، والفلونس متوقع لها إنتشار كبير ، ويمكن يحصل زي إلي حصل مع اللوجن قطع غيارها رخصت من ٥٠٪ ال-٦٠٪ في بعض الأجزاء الإسبوع اللي فات
٣- بالنسبه للأمان أكيد رينو تكسب
٤- بالنسبه للاعتماديه فرينو عملت إختبارات كتير على الفلونس عشان موضوع الاعتماديه ده بالذات والمفروض انها أفضل من الميجان في الموضوع ده مع اني أعرف ناس كتير معاهم ميجان محدش إشتكى من الموضوع ده ، واحد منهم سافر بيها بري للأردن
٥- بالنسبه لإعادة البيع صعب جداً تحكم على الموضوع دة حالياً لإن العربيتين يعتبروا جداد على السوق، بس حجوزات الفلونس تبشر بالخير، حضرتك لو رحت تحجز النهاردة مش هتستلم قبل أخر أغسطس

**polabx** · 22-05-2010 02:21 PM

المشاركة الأصلية كتبت بواسطة ahmedegypt

الكروز احسن عشان سعر اعادة البيع و ارخص فقطع الغيار

و هى عن تجربة عربية رائعة العزل فيها رائع ثباتها جامد جدا عالسرعات فوق ال150

توكل على الله و اشتريها الكروز اختيار موفق فى الفئة ديه

الفلونس برده كويسة بس الصراحة مجربتهاش بس عيبها الاكيد انك لو اشتريتها ب 160 الف انهاردة بعد خمس سنين هتبيعها ب 80 الف زى الميجان كده لان الرينو كسعر اعادة بيع واقع

انما الشيفروليه مطلوبة فمصر و بص حضرتك على اسعار الاوبترا يوزد عشان تتاكد

الا قولى يا باشمهندس

1- انت عرفت منيين ان سعر اعادة البيع للكروز كويس

هية الكام عربية الى بتجرى فى الشارع ليسة اتباعت علشان تحكم على سعر اعادة البيع و الا الى بيجبها بيقلبها علشان يخلص منها فانت بتقول سعر اعادة البيع كويس

2- هية قطع غيارها رخيصة ؟؟؟؟ انت شايف كدة - دى وراها توكيل حرامى بيبيع قطعة الغيار مضروبة و باضعاف تمنها الحقيقى

3- عارف لو العربية دى توكيلها غير منصور كنت قولتلك ماشى

4- مش عارف لية حاسس انك بتفكرنى بواحد حبيبى كان فى قسم شيفرولية و بعيد عنك اتوقفت عضويتة