اسبيرانزا 620 و لا كيا سيراتو

**Dr MNM** · 20-05-2010 08:24 PM

اسبيرانزا 620 و لا كيا سيراتوا
بعد اذنكوا مقارنة واقعية بين السيارتين عن تجربة من غير قصة صينى و كورى و حكاية ضريبة 2000 سىسى

**mido_soliman** · 20-05-2010 11:32 PM

حضرتك باختصار مش محتاجة لا مقارنة على الطبيعة ولا حاجة انا حقولك من الاخر بس حاجة واحدة
ال 620 دى فاااااااااشلة فى كل حاجة انا عايز اقولك انك لو قارنتها ب ال 516 ال 516 تكسبها باكتساح
هوة انت بتشوفها اساسا العربية دى فى الشارع
محدش تقريبا بيركبها حرام الواحد يدفع فيها ضريبة ال 2000 سىسى اللى على الورق مش فى الموتور اساسا
المقارنة دى ظالمة لان حضرتك بتقارن عربية كورى محترمة من شركة محترمة بأشباة عربيات اسمها سبيرانزا(ملحوظة هية شيرى فى الاساس بس علشان معملتش مبيعات زى الناس ابوالفتوح بجلالة قدرة غير اسمها وخلاها اسبيرانزا شوفت القدر ؟؟؟ دة ان دل فيدل على ان دى عربيات مجهولة واى حد يلعب ويغير فى اسمها براحتة بزمتك شوفت وكيل لاى عربية فى الدنيا ممكن يغير اسمها ؟؟؟ المقارنة دى حرام مقارنة ال620 بالسيراتو باااااااااااااااااااااااا ااااااااطل باااااااااااااااااااااااا اطل باااااااااااااااااااااااا ااطل
تحياتى

**amr.elsayed** · 21-05-2010 01:08 AM

استخير ربنا يا باشا وتوكل على الله فى السيراتو ... او حط شوية اختيارات جنبيها كدة .... النترا ... كروز ... رينو فلونس
لكن 620 دى بصراحة تعبانة ... وحتى كلام ميدو صح فى نقطة ان ال 516 ناجحة فى فئتها لكن ال 620 دى فى الضياع خالص

**eng_ahmedryad** · 21-05-2010 01:21 AM

كان في موضوع هنا في المنتدى عن 620 أتقلبت من غير ماتفتح الـ Air Bags

ليه تفكر في عربية صفيح بنفس سعر عربيات تانيه كتير أدمية على الأقل ؟!!!!!

**A.Lotfy** · 21-05-2010 01:53 AM

اسبيرانزا 620 خاماتها مش حلوة وبتبدأ تسمع تزييق وحاجات بتفك بعد مدة صغيرة
العربية مع واحد صاحبي ومع عمي
بس عمي باعها

توكل على الله السيراتو أنجح بكتير وكمان توفرها هيديلك فرصة في موضوع توفر قطع الغيار

**blazer** · 21-05-2010 01:56 AM

السيراتو
ضمان 5 سنوات مع وكيل محترم للغايه
العربيه فيها اوبشنز حلوه صحيح اقل من ال 620 بس كافيه تماما و هتضمن انها هتشتغل مش زى ال 620 كل يوم هتعطل حاجه منهم
سعر اعاده بيع ممتاز و انتشار قطع الغيار و الصنايعيه اللى بيشتغلوا فيها بحكم انتشار العربيه

**ahmedegypt** · 21-05-2010 02:33 AM

المشاركة الأصلية كتبت بواسطة ringoo

استخير ربنا يا باشا وتوكل على الله فى السيراتو ... او حط شوية اختيارات جنبيها كدة .... النترا ... كروز ... رينو فلونس
لكن 620 دى بصراحة تعبانة ... وحتى كلام ميدو صح فى نقطة ان ال 516 ناجحة فى فئتها لكن ال 620 دى فى الضياع خالص

نفس الكلام اللى كانت عايز اقوله حضرتم ضيف كذا عربية للمقارنة و استبعد الاسبرانزا تماما