الموضوع: مشاركات خارج نطاق الموضوع

السلام عليكم

أنا مش عارف ان كان من حقى انى اكتب هنا عشان انا - لسه - مش معايا عربية بروتون
ومش معطلنى انى اجيبها غير التوكيل الـ....* ده (ماحدش حذف الكلمة ولا حاجة، انا اللى محترم نفسى ومش عايز اقولها؛ اعتقد انها وصلت على اى حال)
بس بصراحة انا شايف اللى بيحصل ده كتير اوى وماينفعش يتسكت عليه الصراحة
ان كان موضوع الاخ msallam
http://www.nilemotors.net/Nile/143652-1000-3.html
ولا الزميل mwaheed
http://www.nilemotors.net/Nile/145695-a.html
ولا شكاوى الاعضاء الافاضل afr80 و a_quetta على سبيل المثال

العربية البروتون دى فوق الممتازة والتوكيل ده اقل من سئ (على الاقل) ومش معقول اللى هو عامله فى العربية وصيانتها ده............ حرااااااااااااااااااااااا م فعلاً؛ انا بقالى شهر عايز اجيب العربية ومش عارف اخد القرار من اللى بشوفه هنا ده

انا شايف تضامناً مع العضو ghoneim اللى قبلى ان الموضوع لازم يتصعد؛ يتصعد اوى: لغاية ماليزيا يعنى

انا رأى ان عز العرب فعلآً مايستهلش التوكيل ده واننا لازم نعمل حملة لنزع التوكيل منه
مهما تطلبت whatever it takes
ماعرفش مين ممكن ياخده تانى، بس اى حد (اى حد بمعنى الكلمة) مش حيكون اسوء منه
ومعلش فى الحالة دى (وحالة واحدة تانية كمان ) : اللى مانعرفوش احسن من اللى نعرفه
ياريت اعرف أراء الناس هنا وازاى ممكن نعمل ده
ولو كان من الافضل اننا نعمل موضوع جديد عشان الحملة ولا أيه؟

شكراً وارحب بكل وجهات النظر
الخلاف فى الود لا يفسد للرأى قضية او حاجة زى كده

المشاركة الأصلية كتبت بواسطة a_quetta

بسم الله الرحمن الرحيم

انا بشكر مهندس/ أمر الكوافى على اهتمامه بالمشكله الخاصه بالفرامل والإتصال بي فورا و حقيقى انا ماكنتش متخيل الإهتمام ده من خلال الباش مهندس / أمر واتمنى له كل التوفيق

طيب المشكلة اتحلت فعلا ؟؟؟
طمنا وياريت تفاصيل زى ما عملت تفاصيل بمشكلتك من حقنا ومن حق الناس دى لو عملوا حاجة كويسة نقول عليها بالتفاصيل تحياتى





مشـرف القسـم , ب8

22/5/2010 07:01am