الموضوع: تجربتي مع الجنوط

السلام عليكم
ازيكم ياشباب عاملين ايه

بدايه الموضوع تبداء اني لما روحت اشتري العربيه(فيكترا 97 2000 ايكوتيك ) كانت متركب فيها جنوط صينيمقاس 16
وكاوتش كومهو نقشه الشجره
16/50/205

طبعا المقاس ده كانت مشاكله الاتي
1-كنت بسمع اصوات تخبيط وترزيع للصبح من العفشه
2-الدريكسيون تقيل بنسبه 20 في المايه
3-الكاوتش علشان سمكه رفيع لو اخدت حفره جامده الفرده تضيع (ودي كانت بدايه النهايه )
4-صوت الكاوتش عالي
5-العفشه ناشفه جدا جدا لدرجه اني افتكرت ان العفشه عندي وحشه

طبعا اللميزات:
1-ثبات عالي بنسبه 10 الي 15في المايه
2-الفرامل قوتها زياده بنسبه 10 في المايه
3-شكل حلو ورياضي (كاوتش عريض ولو بروفايل ونقشه الشجره )


طبعا انا ما بحبش اي حاجه غير الاصلي وبالنسبالي انا محتاج ان العربيه تبقي ناعمه ومريحه وان ثبات الاوبل عالي لوحده مش محتاج يزيد وفي نفس الوقت مقاس الكاوتش اللي راكب عندي ما ينفعش معايا وخصوصا في الصعيد (اضطريت اغير فردتين لانهم عملوا بالونه في الجنب في اقل من سنه )

طبعا قولت يبقي لازم اجيب الجنوط الاصليه بتاعت العربيه
وعرفت ان العربيه بتنزل بمقاسين 14 و15
طبعا انا كنت عاوز احافظ علي العربيه بنفس الارتفاع وبرضه يبقي الشكل معقول
اخترت المقاس ال15 وطبعا كاوتش 65/185 وعرفت انه ممكن كنت اركب 65/195
ابتدت رحله البحث عن الجنوط وطبعا كانت المشكله ان العربيه 4 مسمار وطبعا انا مش عاوز اركب جنوط صيني لازم الجنط اللي اركبه يبقي ماركه او اصلي
دورت علي الجنوط ال 4 مسمار النجمه بتوع الاوبل ما لقيتهومش كل الموجود 5 مسمار
لغايه ما ابالصدفه البتحته وعلي صفحات المنتدي عرفت ان العضو الفاضل
الاستاذ /عاطف صالح عنده طقم جنوط 15 4 مسمار بتوع الاوبل
طبعا الحمد لله طلعوا من نصيبي
وهما ماركتهم borbet
وصناعه الماني
طبعا الجنوط كانت بسم الله ماشاء الله حالتهم نضيفه جدا لدرجه اني بعد ما رشتهم وركبتهم ما احتاجتش ترصيص

طبعا دلوقتي بقت العربيه عندي مقاساها كالاتي
15/65/185

طبعا الفروق اللي حصلت في العربيه دلوقتي:-
1-السحب اتحسن بنسبه 10 %
2-الفرامل كفائتها انخفضت بنسبه من 5الي 10%
3-العفشه اتحسنت بنسبه 80 % (بقت العفشه ناعمه جدا كأني راكب عربيه تانيه )والرقم ده مش مبالغه
4-الدريكسيون بقي اخف وانعم
5-الثبات قل بنسبه مش كبيره يعني10 %بالكتير


كلمه اخيره
شكل الجنط ال 16 وهو راكب علي العربيه اجمد بكتسر من شكل الجنط ال15 ولكن الفرق اللي حصلت عليه كان اكبر بكتير لدرجه ان كل اصحابي لما ركبوا العربيه افتكروني غيرت العفشه ودلوقتي بقيت اخد الحفر والمطبات والبلاعات من غير ما يهمني حاجه او احس بأي حاجه في العربيه

دي كانت تجربتي مع مقاسين للجنوط مختلفين علي نفس العربيه وفي نفس اليوم لعل وعسي تفيد حد وحد يستفيد بيها وعليي فكره انا تعمدت اني اطلع بالعربيه علي الطريق والف بيها فتره كبيره بالجنوط القديمه قبل ما اروح اركب الكاوتش والجنوط الجديده بساعه علشان لما اتكلم علي التجربه يبقي الكلام واقعي وعن تجربه )

المشاركة الأصلية كتبت بواسطة ashouhdy

انا شايف ان الجنوط ال15 صغيرين ع الفيكترا و المقاس القديم ع 50 مش لو بروفايل اوى يعنى عشان يعمل بالونة ! ال 16 حلو اوى اوى والمقاس لل16 195 ع 55 دة لو الاصلى 185 ع 65 اللى كان بيحك عندك انة 205 يحك فى شفة الرفرف مقاس غلط اصلا

المقاس ال 16/205/50
مكانش بيحك معاي في الرفرف خالص وفعلا كان شكله جمد ع الفيكترا
اما بالنسبه لحكايه البالونه اللي عملها الكاوتش فده ناتج عن تجربه وحصلت معايا مرتين