الموضوع: يا أعضاء الرابطة أتحدوا

[align=justify:91c42c20b2]هالنى ما قرأته بعد طول فترة أنقطاع لظروف عملى ، فلم أكن أتخيل عندما تقدمت بعدة مقترحات وتفضل م / آمر ووضعها فى موضوع منفصل بأسم مقترحات بخصوص الرابطة ، كما تفضل أ/ جنيدى وعلق على تلك المقترحات ووضع اللبنة الأولى لسلوب العمل المنظم بأقتراحه ترشيح رئس للرابطة ونائب وأعضاء ، لم أكن أتخيل أن موضوع رئاسة الرابطة سيأخذ كل الجداول والشد والجزب ، حقيقة أنا حزين ومحبط ، يا جماعة ده فى الإتحاد قوة وفى التفرق ضعف ، يا جماعة ده منصب تطوعى يعنى اللى هيخده مش هياخد فلوس ده يمكن يدفع من جيبه ، عندى أحساس أن كم المداخلات قل كثيرا منذ بدأ المشكلة وأعضاء الرابطة جالهم احباط مثلى ، علشان كده نحاول نفكر فى موضوع الرابطة بشكل مختلف وأكثر تحديدا ونحاول ننسى اللى حصل ونعتبرة كأن لم يكن ، ونعتبرها برغم الإحباط تجربة نأكد على إيجابياتها ونحل سلبياتها وناخذ منها عبرة ويكون كل العضاء أكثر فاعليه وبقترح:
1- كل عضو من أعضاء الرابطة يكتب هو عايز إيه من الرابطة أو بمعنى آخر أيه هيه أحلام ، بتحلم بأيه؟
2- يتم تجميع كل مقترحات الأعضاء وتكون هى ديه أهداف الرابطة .
3- رئيس الرابطة يحاول بتحقيق أهدافها ولا يضيف أى هدف من عنده إلا موافقة غالبية الأعضاء.
4- بالنسبة لرئاسة الرابطة اللى مغلبة الناس تكون لآكبر الأعضاء سنا بعد كدة تكون بالدور للأصغر فالأصغر.
5- يقوم الرئيس بأختيار معاونيه من أعضاء الرابطة.
6- يتم تحديد فترة الرئاسة بسنة أو أثنين .
7- يتم تحديد موعد دورى ثابت لأجتماع أعضاء الرابطة ( مثلا الإسبوع الثانى من كل شهر ) يتم فيه التعارف والتألف وحط مئة خط تحت كلمة التألف ويتم بحث المشكلات اللى بتواجه الأعضاء.
8- ينم تحديد أماكن ثابت لإجتماع الأعضاء ( مثلا شهر يناير مصر الجديدة - شهر فبراير 6أكتوبر )
وأسف لو كنت طولت عليكم
ـــــــــــــــــــــــــ ـــــــــــــــــــــــــ ــــــــ
حسام إبراهيم
اسبيرانزاوى 17 [/align:91c42c20b2]