يا جماعة رغم ان أنا دايس فى مواضيع الكاوتشات و ليا صديق فاتح محل كاوتشات لا أتعامل الا معه, و علا مدار تعاملى معاه عمر ما حصل فى مرة ان فردة كان فيها أكتر من 3 او 4 أخرام بالكتير.

و لكن فى مرة كنت مستلم عربية من الشغل و سافرت الاسكندرية و نمت 3 بليل و صحيت 6 الصبح عشام كان عندى شغل بدرى و نزلت الصبح مش قادر افتح عينى أساسا و ببص لقيت الفردة على الارض, و طبعا أنا مش شايف قدامى و كان جنبى بنزينة التعاون تقريبا (فى سيدى بشر على البحر) راحوا مصحيين الراجل و راح نافخ الكاوتشة و جايب رجاجة المياه البصابون و قاعد يمشيها و الكاوتشة تتطلع البقاليل و راح مطلعلى 12 خرم بقدرة قادر (12 خرم زجاج) و مفروض ان أخرام الزجاج هى الهربدة الفردة و بالتالى مكنتش فاضى انو يعمل لحام داخلى راح مديها خوابير لونها أسود مفروض انهم كاوتش و مابيضروش الفردة (كله اشتغالات و الله أعلم و لبسنى 80ج) و تقريبا اكتشفت ان اللعبة كلها فى زجاجة المياه البصابون هى البتساعد تعمل بقاليل على أى حاجة, و المفروض انك لما تكشف تخليه يحلها و يحطها فى حوض المياه يا كده يا متخلهوش يجى جنبها و مستنى بس أرجع الاسكندرية و أشرد لأهله ان شاء الله