الموضوع: معلش سوؤال ساذج

طب دلوقتى انا لما بكبس بسمع صوت الموتور عالى من غير تقطيعة وازاى كاربرتييير

يبقى اكيد مدوستش بنزين للأخر
الاسترا 1200 إيكوتك فول انجكشن زى ما الناس بتقول
و الكورسا ال1200 هاف انجكشن زى برضه ما الناس بتقول
مع ان مافيش حاجه اسمها فول وهاف بس احنا بنقول كده عشان نسهلها على نفسنا (المصريين يعنى)
هى الكورسا ليها تقريبا رشاش واحد بيبخ جوه الكربراتير عشان كده بنقول هاف انجكشن

لأأأأأأأأأأأأأأ صعب اوى
انت موتورك 1200 وهاف إنجشكشن
وانا موتوري 1400 وهاف إنجشكشن وجربت أحط فلتر صوت ,,,,مطلعش الصوت اللى هو ,,لأن سحب الهوا للموتور مش جامد لدرجه انه يطلع صوت من الفلتر عالي
من الأخر عشان تركبه لازم تجبله ماسوره معاه

+11111111
انا مركب سيموتا اوريجينال من غير الماسوره الاستانلس
و الصوت ضعيف بس فى فرق فى السحب طبعا للأحسن فى الشتا و طبعا على حساب البنزين
لكن لو انت مش بتقرص و مريح الغيارات الموتور بيتنفس احسن و فعلا استهلاك البنزين تمام اوى اوى

شكرا جدا يا شباب ... كده انا فهمت العربيه ..

بس فيه حاجه عايز أسأل حضرتك فيها
فيلتر الصوت ده بيفرق إزاى في سحب العربيه ؟؟
هو مش بيزود كميه الهوا اللى داخله للموتور

بص يا باشا
فلتر السبيد او الاسبور اوى اى ان كان اسمه هو فلتر ذى اى فلتر عادى
بس بيختلف انه مسامه اوسع من الفلتر العادى و تانى حاجه عند تركيبه انت بتستغنا عن العمه كمان و المواسير بتاعتها
السببين دول هما اللى بيخلوا الهوا اسرع فى دخوله للموتور و ده اللى بيخلى الموتور بيتنفس احسن و استجابه الموتور بتبقى اسرع طبعا
و هديلك مثال بسيط قلهولى البشمهندس م.ممدوح
تخيل لو انت حاطط شليموا فى بوقك و عمال تشفط هوا و مره واحده شد الشليمو من بوقك
هتلاقى انك كنت بتشفط هوا قليل و بتبذل مجهود جامد فى الشفط وفى الاخر شفط كميه هوا قليله و فى وقت طويل
لكن لما شيلت الشاليمو الهوا دخل اسرع و بكميه اكبر لبوقك و كمان فى فتره اقل من لما كان الشليمو موجود
و هو ده اللى بيحصل اثناء دوستك للبنزين جامد
الموتور بيسحب هوا عشان يخلطه مع البنزين
فلتر الاسبيد بيديله استجابه اسرع طبعا من الفلتر العادى و ده بيفرق طبعا فى السحب و التجميع فقط
لكن مش التوب اسبيد الفلتر ملوش دعوه بالموضوع ده