سوؤال بسيط

**nice_bird** · 02-02-2011 07:30 PM

انا معايا بومه 2006 شاريها من 6 اشهر المهم الباشا اللي اشتريتها منه قالي كان مغير تيل و بوجيهات المهم الاسبوع اللي فات وانا راجع بيها من اسيوط كنت بسمع صوت حكة كل لما اجي افرمل وبسمع صوت غريب لما اجي افرمل واسيب وهيا واقفة لما وصلت البيت بالسلامه الحمد لله تاني يوم روحت للميكانيكي طبعا اتصدمت لقيت التيل مفيهوش ولا ميللي والسوست وقعت وفي خرابيش بسيطة في الطنابير المهم حبت تيل كويس يابانيfbk ب 80 ج وطقم سوست دوخني شوية بس جبتو ب 35 ج المهم ركبت التيل والسوست والعملية بقت تمام ما عدا حاجتين اول حاجة الصبح والعربية باردة لما ادوس فرامل واشيل بالراحة خالص بسمع صوت غريب (غالبا احتكاك التيل مع الطنابير ) والحاجة التانية اني لما افرمل فجاة وافضل دايس بسمع طقة ومش عارف سببها ايه بس هيا مش دايما بتظهر ووديتها لميكانيكي تاني قالي كل الانسر كدا

**bassem_sams** · 02-02-2011 07:55 PM

الحاله اولى يمكن زى ما وضحت موضوع تيل ممكن لسه ما طبعش او نوعه كده
الحاله تانيه تسمع صوت طقه مع وقفه فرمله مفاجأة ده بيبقى صوت ال abs اشتغل

**nice_bird** · 02-02-2011 08:20 PM

ياباشا ال 2006 منزلش في abs

**أبو إياد** · 07-02-2011 02:30 AM

عربيتك لو اوتوماتيك يبقا صوت الاحتكاك طبيعى
لو مانيوال يبقا التيل مش كويس

اما عن صوت الطقه مافيش حاجه اسمها كل اللانسر كده وهاخليك تحرج الميكانيكى ده لما تخليه يكشف على كاوتش الميزان لانه اكيد مقطوع او متركبله كويل