ما تيجو نبص للموضوع بنظرة تانية خالص
صحيح انا ضد غلاء القسط و نظام التدبيس اللى الحكومة بتلعبو مع الشعب والمقولة الشهيرة حط راساك مكان ما تحط رجليك
بس انا اعرف ان ورديت التاكسى العادى ب 50 جنيه يعنى ال 8 ساعات ب 50 جنيه
يعنى التاكسى فى اخر اليوم بيحصل كام بقى تمن وردية و سواق و بنزين؟؟؟
اكيد مبلغ وبعدين بصراحة العداد دا معمول على اساس مشوار المطار وكل كلمه يجيى اى مسئول يقولها يقولك لو خد تاكسى عادى من المطار لوسط البلد هياخد خمسين جنيه لكن دا هياخد حاجة وعشرين جنيه فقط!!!!!
وكلو كدب دنا ركبتو من الف مسكن لحد المتحف المصرى فى التحرير 22 جنيه
اللى عاوز اقولو ان التاكسى لو اشتغل صح هيدفع قسطوا وقسط عربية كمان معاه ولا هوا لازم التاكسى يدخل 3000 جنيه فى الشهر او يبقى مشروع فاشل؟؟؟؟؟
لاحظ انك هتدفع قسط يعنى كأنك بتحوش فلوسك وبتزود راس مالك اللى لو حافظت عليه هيفضل محتفظ بقيمتوا
يا جماعة بوصوا للموضوع من كل ناحية اعتقد لو ال 600 جنيه الزيادة هتعمل ازمة مع سائقين التاكسى ابقى اعمل مشوار زيادة و اسعا فى رزقك و ربنا انشاء الله هيوفقك و لو على الطوابير فى تجديد الرخصة كل شغل وفيه التعب بتاعوا و اد ما تتعب ربنا هيكفئاك ان شاء الله