عدداد بولو 2001

**medo20000** · 25-05-2010 11:08 AM

لا أنا عندى زرار واحد فقط انا عربيتى بولو 2001 اظن ان دة فى الموديل الأقدم ...شكرااااا

**mesho_kimi** · 25-05-2010 11:44 AM

يبقى الطريقه كلها من مفتاح واحد تقفل كونتاك ودوس على الذرار وافتح وانت دايس

**elshrpeny** · 25-05-2010 10:32 PM

المشاركة الأصلية كتبت بواسطة mesho_kimi

أيون يا معلم فى عدادين يا عمرو مستخبين واحد بتاع السيرفيس وواحد بتاع الزيت أنا بظبط السيرفيس على 40 ألف والزيت المرادي ظبطه على 5 الاف أنا مش عارف الزراير عندك عامله ازاى بس انت اعمل الطريقه اللي قولت عليها وجرب وشوف انت حتجيبها لوحدك

يعنى الوقتى الى افهمه منك ان فى 2 تانيين غير الى بيبقوا ظاهريين فى عداد السرعه يعنى هما كلهم على بعضهم 4 عدادات ولا إيه ؟

ولو طلعوا أربعه يبقى هما كالتالى:
1/ الكيلوات العامه
2/ كيلوات المشاوير
3/ كيلوات الزيت ( ودا أكيد الخاص بتغييير الزيت الى انت بتظبطه على أد كيلوات الزيت الى انت جايبه صح كدا ؟ )
4/ كيلوات السيرفيس ( ودى فايدتها إيه ؟ هل هيه بتاعة تغير مثلاً طقم السيرفيس بتاع العربيه من سير كاتينه و دينمو وهكذا ولا حاجه تانيه ؟ )

**elshrpeny** · 25-05-2010 10:41 PM

المشاركة الأصلية كتبت بواسطة mesho_kimi

ايوه ما همه عدادين لو عندك زرارين يبقى زرار بيتظبط منه وذرار بيبدل مابين السيرفيس و الاويل

طيب بالمناسبة يا هشام انا لما بكون فاتح الكهرباء بس فى العربيه يعنى مخلى المفتاح فى النص بلاقى كلمة سيرفيس دى بتروح وتيجى كدا هل ممكن فى الوقت دا أضغط على الزرارين وأشوف إذا كان هيبدل ما بين عدادين الزيت والسيرفيس و بكدا أشوفهم ولا لازم أبطل و أدور ؟

**mesho_kimi** · 26-05-2010 12:11 AM

لا لازم تكون العربيه متبطله وبعد كده تفتح كنتاك مش تدور

**elshrpeny** · 26-05-2010 07:40 PM

ماشى يا باشا الموضوع تحت التجربة

**elshrpeny** · 08-06-2010 09:57 PM

إليكم التالى !!!
انا عملت الحركة بتاعة انى ادوس على الزرار وأفضل دايس وأفتح كونتاك دى عشان يغيرلى كلمة (service insp) كتييييير ولا حاجه يا معلم المهم كنت انا لاحظت فى الكام مره دول إن الكلمه بتقف لما بكون دايس وانا فاتح الكونتاك وبترجع تانى تروح وتيجى لما بشيل إيدى , قولت أجرب كدا أخلى إيدى فتره لاقيتها فعلا قامت الكلمه قالبة ل oil وقومت شايل إيدى بسرعه , فأصبح الوقتى الى بقت تروح وتيجى هى oil بدل service insp , قولت طب انا أظبطها أزاى دلوقت ! قومت عايد الحركه دى تانى قامت كلمة الزيت قلبت لـــ 3 شورط جنب بعض ( زى نقط كدا ) , شلت إيدى قاموا رايحيين , بعد كدا بقى عينك ما تشوف الاا النور عداد التريب صفر و الساعه راحت و أقفل الكونتاك وأفتحه لا عاد بيجبلى oil ولا حتى service insp إلى كانت بتيجى فى الاول مجرد عداد التريب مصفر وثابت و ولا حياةً لمن تنادى يا معلم والكهربه لاقيتها هنجت كدا والبطارية لاقيتها بتاخد وتدى ( هو فى إيه )

حد يعرف بقى يظبط أزاااااااااى عداد الزيت والسيرفس دا يا جماعه ولا محدش عنده فكره ؟
و إزاى أساساً أكتب الأرقام فى الشرط إلى كانت ظهرتلى وراحت دى لانهم كمان 3 مش أكتر يعنى ميكتبش فيهم ألافات ولا إيه بالظبط انا مش فاهم حاجه ؟؟؟

**dr_mahmod** · 08-06-2010 10:46 PM

المشاركة الأصلية كتبت بواسطة elshrpeny

إليكم التالى !!!
انا عملت الحركة بتاعة انى ادوس على الزرار وأفضل دايس وأفتح كونتاك دى عشان يغيرلى كلمة (service insp) كتييييير ولا حاجه يا معلم المهم كنت انا لاحظت فى الكام مره دول إن الكلمه بتقف لما بكون دايس وانا فاتح الكونتاك وبترجع تانى تروح وتيجى لما بشيل إيدى , قولت أجرب كدا أخلى إيدى فتره لاقيتها فعلا قامت الكلمه قالبة ل oil وقومت شايل إيدى بسرعه , فأصبح الوقتى الى بقت تروح وتيجى هى oil بدل service insp , قولت طب انا أظبطها أزاى دلوقت ! قومت عايد الحركه دى تانى قامت كلمة الزيت قلبت لـــ 3 شورط جنب بعض ( زى نقط كدا ) , شلت إيدى قاموا رايحيين , بعد كدا بقى عينك ما تشوف الاا النور عداد التريب صفر و الساعه راحت و أقفل الكونتاك وأفتحه لا عاد بيجبلى oil ولا حتى service insp إلى كانت بتيجى فى الاول مجرد عداد التريب مصفر وثابت و ولا حياةً لمن تنادى يا معلم والكهربه لاقيتها هنجت كدا والبطارية لاقيتها بتاخد وتدى ( هو فى إيه )

حد يعرف بقى يظبط أزاااااااااى عداد الزيت والسيرفس دا يا جماعه ولا محدش عنده فكره ؟
و إزاى أساساً أكتب الأرقام فى الشرط إلى كانت ظهرتلى وراحت دى لانهم كمان 3 مش أكتر يعنى ميكتبش فيهم ألافات ولا إيه بالظبط انا مش فاهم حاجه ؟؟؟

انا جربت كل الكلام دا على بولو 2001 ملقتش oil دى خالص الخلاصه هو عداد تريب بيتصفر من زرار لما تدوس عليه 3 ثوانى ... وسيرفس بتتظبط بالجهاز غير كده مفيش

**mesho_kimi** · 08-06-2010 10:47 PM

كده العداد اتصفر والبطاريه هنجت بسبب انك كنت فاتح كنتاك لفترات طويله بدون تشغيل خدها مشوار والدنيا حتتظبط عن نفسي بظبط الكيلوات وكله فى التمام وفاضل على العداد ين عندى كل عداد 700 كيلو وحجيبلك النتائج كامله

**elshrpeny** · 09-06-2010 02:07 AM

المشاركة الأصلية كتبت بواسطة dr_mahmod

انا جربت كل الكلام دا على بولو 2001 ملقتش oil دى خالص الخلاصه هو عداد تريب بيتصفر من زرار لما تدوس عليه 3 ثوانى ... وسيرفس بتتظبط بالجهاز غير كده مفيش

إيه يا دكتور !!!
بقى دا كلام يا راجل وانا أعد أدح من ساعتها فى تفسير المشكلة الى واجهتنى و الواضح انك مفمهتنيش او فهمتنى و فكرتنى مثلا بيتهيقلى انها ظهرتلى !!!
يا باشا انا ظهرتلى بقى كلمة oil دى بس بعد ما دوست على الزرار وفتحت كونتاك( الكهربة عنى ) وفضلت دايس لمده مثلاً 10 ثوانى فقامت كلمة service insp متغيرة لـــ oil وبعدين قومت منفذها تانى الحركة دى قامت ظاهرلى 3 شرط على أساس أنى أرقمهم بس معرفتش بصراحه يتركموا أزاى فلما شيلت إيدى عشان اضغط مثلاً كذا ضغطه فمن خلال عدد مرت الضغط دا يرقم لاقيت كله أختفى بقى ومعتش غير عداد التريب هو الى فاضل مصفر وفقط لا غير ومعتش بقى ولا كلمه بتيجى ساعتها يعنى سواء service insp الى كل اما كنت أفتح كهربة الكونتاك ألاقيها بتيجى كدا على هيئة فلاشر بتروح وتيجى ولا حتى كلمة الــ oil !!!

هــــــــــــــــــــــــ ـــــــاه ؟؟؟
وصـــلــــــت ؟