السلام عليكم يا شباب السيفيك
دلوقتي أنا كنت عاوز أركب جنوط في السيفيك الـ 2007 بس لقيتني دخلت في حسبة برما عاوز النصيحه من أهل الخبره.
العربيه نازله stock بجنط steel (طاسه يعني) وعجل: 195/65R15
الكتالوج مكتوب فيه مقاس الجنوط كالآتي:
15x6J
16x6.5J
17x7J
ومقاس الكاوتش كالآتي:
195/65R15 91H
205/55R16 91V
P205/55R16 89H
P215/45/R17 87V
ومكتوب إن المقاسات على حسب الموديل.

المهم, أنا دلوقتي بحاول أكبر (لامؤاخذه) الجنط من غير ما أأثر على أي حاجه تانيه, لما حسبت الحسبه المعقده لقيت الآتي:
لو ركبت الـ 205/55R16 العربيه هاتوطى حوالي 1.5 ميللي (Diameter Difference 0.45%)
لو ركبت الـ 215/45R17 العربيه هاتوطى حوالي 5 ميللي وده مش لطيف إطلاقا (Diameter Difference 1.49%)
بس برضه لقيت إني لو ركبت 225/45R17 العربيه تقريبا هاتفضل بنفس الارتفاع (حوالي 0.25 ميللي فرق) (Diameter Difference 0.05%)

السؤال المحبط بقى أضمن منين إن العربيه ممكن تتعامل مع الكاوتش الـ 225؟؟؟؟ مع العلم إن الجنط الـ 17 بيبقى 17x7.5 مش 17x7 زي الكاتالوج
هل ده معناه إني محتاج أجيب جنط ليه offset أكبر من الـ Stock عشان أخرج العجله بره شويه؟ ولا برضه أحافظ على الـ Offset عشان ماغيرش الـ Center of Gravity (مركز ثقل) بتاع الجنط؟ وأصلا الـ Offset بتاع الجنط الأصلي كام؟

فيه سؤال تاني بقى: الوزن بتاع الجنط, أنا برضه محتاج جنط يكون ليه نفس وزن الجنط الأصلي, عشان ماغيرش وزن العربيه وعشان العفشه ماتضربش مني. برضه وزن الجنط الـ Steel الأصلي كام؟ (أنا المفروض نظريا يعني هاجيب جنط Enkei Sesto وزنه حوالي 25 رطل, يعني 11 كيلو, ده بالنسبه للـ 17")

آخر سؤال بقى: هل لو أنا ظبطت كل حاجه من الحاجات دي, هل هايبقى فيه أي تأثير على العفشه؟؟؟

والله ولي التوفيق
والسلام ختام