مفاجأة من العيار التقيل في الاوبترا بعد 27000 كم

**mhmdalsaadany** · 23-05-2010 11:56 PM

ابن عمي معاه اوبترا 2009 اتوماتيك شاريها كسر زيرو من حوالي سنه كانت لسة عامله 5000 كم والعربية ماشاء الله زي الفل المهم في يوم لقينا في بخار طالع من عند الإربه بتاعت الميه المهم لاقينا ان الvalve safety اللى في الغطا بتاع الإربه فاتح عالطول وطلع البخار دا انا كنت راكب جنبه وقفنا علي جنب وراح هو جاب من عند منير لقطع الغيار عندنا في فيصل (طبعا انت عارفة يا حسام باشا ) غطاء جديد وانا اخدت تاكسي ومشيت المهم تاني يوم قابلتوا قلت له عملت ايه قالي تمام جبت الغطا وركبتوا وزي الفل وكنت رايح اوصلوا شغلة وكان هو بايت في الشغل في القوات الخاصة الكيلو 10 طريق اسكندريه الصحراوي وانا عند غندق الواحة لاقيت المؤشر للحرارة عند الاحمر قمت واقف وبردنا العربيه ودورنا وحطينا مية بصيت لاقيت المية كلها خارجة من الشكمان تخيلوا العربية سخنت لمدة نصف دقيقة او اقل جابت وش سلندر تخيلوا طبعا انا عارف السبب لأني مهندس ميكانيكا السبب انة لما ركب الغطاء كان لازم يروح لميكانيكي عشان ياخد الهوا بتاع الردياتير زانا بصراحة نسيت اقله وافتكرت انه عارف
المهم انا مستغرب عشان لما سئلت مهندس الاستقبال في منصور الهرم قلي كل الاوبترا كدا بتجيب وش جوان في ثواني
طب ازاااااااااي انا كان معايا النوبيرا واله ساعات كنت بمشي من غير مية عشان الإربه كانت مخرومه وكنت بسيبها وامشي والله قعدت علي كدا اكتر من ثلاث شهور وبعدين غيرتها ولا عمرها حتي سخنت انا بصراحة اتصدمت ومنتظر تعليقاتكم
واسف للإطالة

**د.محمود صلاح** · 24-05-2010 12:33 AM

ايه سبب خروج البخار من الأول من غطاء القربة ؟

**mhmdalsaadany** · 24-05-2010 12:49 AM

المشاركة الأصلية كتبت بواسطة د.محمود صلاح

ايه سبب خروج البخار من الأول من غطاء القربة ؟

صباح الفل يا دكتور
السبب ان في زي safty valve موجود في الغطا عشان لما الضغط يزيد يفتح ويطلعوا المفروض انه عالطول قافل بس المشكله انه علق وفضل فاتح عالطول فكان لازم يتغير بواحد جديد

**Ahmed Anwer** · 24-05-2010 02:45 AM

المشاركة الأصلية كتبت بواسطة mhmdalsaadany

طب ازاااااااااي انا كان معايا النوبيرا واله ساعات كنت بمشي من غير مية عشان الإربه كانت مخرومه وكنت بسيبها وامشي والله قعدت علي كدا اكتر من ثلاث شهور وبعدين غيرتها ولا عمرها حتي سخنت انا بصراحة اتصدمت ومنتظر تعليقاتكم
واسف للإطالة

علي فكرة أنا كان معايا نوبيرا برده

و جابت وش سلندر في ثواني ،،، و كانت عامله برده بتاع أربعين الف

خرطوم ضرب و المياه نزلت و لمبة شيك انجن نورت

و أنا مش فاهم

و جابت وش سلندر في دقايق برده

ده عيب استخدام في وجهة نظري مش عيب عربية

**د.محمود صلاح** · 24-05-2010 07:46 AM

المشاركة الأصلية كتبت بواسطة mhmdalsaadany

صباح الفل يا دكتور
السبب ان في زي safty valve موجود في الغطا عشان لما الضغط يزيد يفتح ويطلعوا المفروض انه عالطول قافل بس المشكله انه علق وفضل فاتح عالطول فكان لازم يتغير بواحد جديد

طيب الحرارة عليت من غير ما ياخد باله ؟؟!!