أستلمت ال b class

**odaoda** · 24-05-2010 01:46 AM

استلمنا العربية الحمد الله ورجعنا بيها الزقازيق
واخدين العربية 82 كيلو
ودلوقتى 175
طبعا لسة ولا اى حاجة العربية الى لفت نظرى انها ملفتة !!!
كل حد معدى يسيب الطريق ويبص!!!

العربية طبعا جميلة جدا حسب رأى الشخصى الغير ملزم لاى حد
حصل موقف مش لطيف ومضحك فنفس الوقت
وانا بركن عند الجراج صحيت الناس كلها بالكلاكس الانذار ضرب وانا مش فاهم انة ضرب ومش فاهم ان فيها انذار اصلا
وكل الى فبالى انها عربية صينى والكلاكس باظ :d:d:d:d
طبعا طلع انك وانت قافل اللوك وفتحت المسوجر بايدك وفتحت باب العربية بيضرب الانذار
وانا طبعا مش فاهم كدة بس بعد اية الناس كلها صحيييييييييييييييت

ربنا يبارك للجميع واى سؤال اتفضلوا انا تحت امركم

اة اخر حاجة انا استلمت اللون الاسود وعلى العربية جميل جدا

**mr_sameh** · 24-05-2010 01:50 AM

الف مبروك وربنا يديك خيرها

**meetooz** · 24-05-2010 02:53 AM

الف الف الف مبروك ربنا يديك خيرها يكفيك شرها يارب . ماتنساناش بقى و تقولنا الاخبار اول باول ..هى فرشها جلد برده ؟؟

**Hosam_Optrawy** · 24-05-2010 04:16 AM

الف مبروك

وموضوع البص دا اتعود عليه بقى عشان اكيد كل الناس هاتقعد تبص لانها جديده وشكلها حلو ولسه العين ماخدتش عليها

يستحسن تدبحلها حاجه بدرى بدرى كدا لو فى مقدرتك

**ahmedchina** · 24-05-2010 09:25 AM

مبروك يا باشا أنا هعمل صيانة ال1000 كليو كمان يومين . نفس الموضوع معايا كل الناس بتبص على العربية ربنا يبارك و يكفيك شرها .

**odaoda** · 24-05-2010 09:50 AM

ألفرش جلد
ركناها فلجراج بس لحد ما تترخص لان ورقها لسة هيجى بعد بكرة

هو كان فى هناك 5 عربيات
واحدة فضى و3 اسود وواحدة ازرق وكلهم جميعا محجوزين بلا استثناء الا الازرق
لكن الرجال لما لقانا جاين من الزقازيق معرفش عمل اية وقعد يكلم فلتليفون كتير كذا مكالمة لحد ما قلنا انا اتصررفت مع واحد عشان انتوا جاين من الزقازيق ومينفعش ابدا ارجعكم
الناس محترمة جدا بصراحة

ورحنا العربية جربنا كل حاجة التكيف والانوار والكاسيت والفجات والسنسور والباور وكل شئ تقريبا وفتحنا الكبوت والراجل ورانا كل حاجة
واتوكلنا على الله ومشينا

استاذ احمد ربنا يباركلك وتتتم صيانة الاف على خير ونعرف اخبار التوكيل من حضرتك فالصيانة

على فكرة انا خدت ورقة باسعار قطع الغيار نقلت جميع الاسعار وهنزلها لما ارجع النهاردة بأذن الله

الى فاكرة الفانوس ب 560
والورانى المين 230
والشمال 260
تيل فرامل 180
فلتر زيت 27
فلتر هوا 35 تقريبا
والمقصات ب 200 وشوية مش فاكطر كام
هنزلكم جميع الاسعار
والف شكر للجميع ويارب يحفظيلك عربياتكم جميييييييييعا

**evram** · 24-05-2010 10:01 AM

انا معرفش العربية دي ممكن صور لية

**El.Hossieny** · 24-05-2010 10:09 AM

المشاركة الأصلية كتبت بواسطة ahmedchina

مبروك يا باشا أنا هعمل صيانة ال1000 كليو كمان يومين . نفس الموضوع معايا كل الناس بتبص على العربية ربنا يبارك و يكفيك شرها .

الف مبروك علي العربية يا استاذ احمد ... و ان شاء الله تعمل بيها 1000000 كيلو

بس كان ليا استفسار ... انا بحب العربية دي جدا و كنت متابع ليها جدا في الفترة الاخيرة .. بس كنت خايف من التوكيل بتاعها هيا و الصيانة ... ف يا ريت تقولي الصيانة بتاعك هتعملها فين ان شاء الله و ايه اخبار التوكيل مع حضرتك ... و هل واجهتك اي تجارب معاهم ...؟؟

**ahmedchina** · 24-05-2010 04:41 PM

لسة انا دلوتى عملت بيها 930 كليو و العربية ماشية و الحمد الله زى الفل لسة هروح يوم الخميس اعمل الصيانة و ابقى اقولكم على كل حاجة بس من خلال البيع لاحظت إن التوكيل مهتم بالعربية و برضا العملاء

-

الموضوع: أستلمت ال b class

LinkBack

أدوات الموضوع

عرض

-

-

-

-

المواضيع المتشابهه

أستلمت الحمد لله

أستلمت الجين 2

أستلمت sx4 الحمد لله

أستلمت ال i10

أستلمت سيريون 1.5

الكلمات الدلالية لهذا الموضوع

المفضلات

المفضلات

ضوابط المشاركة