الموضوع: سعر الاوبل وقع ولا اشتغالات

المشاركة الأصلية كتبت بواسطة kareemz

اشتريت ولا لسه؟

من يومين فى كورسا 2004 موتورها 1600 سى سى حالتها حلوه وعجبانى
صاحبها طالب فيها 39 ألف ... الميكانيكى الى معايا وصلها لـ 36.5 ألف وقالى أن شاء الله نخلصها الاسبوع دا بـ 37.5 بالكتير
دعواتك تكون من نصيبى ... عشان زهقت من اللف الفتره الى فاتت

فى مثل بيقول طول مالطماع موجود النصاب بخير الفكره الاساسيه ان لما تلاقى عربيه رخيصه متسالش عليها من اساسه و ال تكلف نفسك حق المكالمه زمن الناس الساذجه انتهى والعربيه اللى توصل للنت بالسعر ده لازم يكون فيها حاجه غلط الف فى الميه لان البائع لازم ليه صناعيه او زمايل فى شغله..........الخ ياخد رايهم ده لو هو مابيعرفش.
ثانيا لو العربيه تعبانه وهنوفر 10000 جنيه هتاخدهم مصاريف توصل لسعر العربيه النضيفه منها لكن لما تيجى تبيع هتنزل كل اللى صرفته الاحسن انك ماتسترخصش فى العربيه لان هاتغنيك عن اشتغالات الصناعيه والافتكاسات غير وقف الحال و قطع الغيار وهتفضل فاتحه مصاريف لغايه ما تبيعهاو الكلام عن تجربه سابقه

هى عربية واحد جيرانا مدرس مساعد فى الجامعه (مش من النت خااااالص)، وجات له بعثه للخارج ومسافر يوم 10/يوليو يعنى بعد 4 أيام
فاعتقد أنه عاوز يبيع قبل ما يسافر، وعلى كلامه انه محتاج فلوس يسافر بيها، ولولا كدا ماكنش باع العربيه

الله أعلم بقى اذا كان نصاب ودا فيلم هندى ولا بيتكلم بجد

المشاركة الأصلية كتبت بواسطة hanykd

السلام عليكم ورحمة الله
العربية دى سمعت كتير وكمان فى المنتدى هنا إن فيها مشاكل فى الإسطوانة والديسك بيتغيروا كل 50 ألف كم

وعليكم السلام ورحمة الله وبركاته

المشاكل دى فى الكورسا جميع الموديلات؟ ولا فى الموديل دا بس (2004)؟

شكراً للافاده