الموضوع: خلاصة الكلام فى ظبط فيشة الاوكتان ( بالصور )

المشاركة الأصلية كتبت بواسطة makkahboy

ايش يكون خلاص ما احتاج اغير ولا شي طبعا انا اعبي بنزين الاخضر (91)

طالما حضرتك بتستخدم بنزين 91 فتقدر تظبط الفيشه على الـ 92 (انك تخلعها خالص زي وضعها الحالى) او تظبط الفيشه على بنزين 95 بإنك توصل بين السلك الاسود والسلك البني × ابيض وفي الحاله دي هتحصل على اداء عالى جدا وغير متوقع من سيارتك :-)

المشاركة الأصلية كتبت بواسطة عصام غنايم

انا ليا عتاب عليك يا محمد

المشاركه بتاعت محمد ممدوح اللى انت مقتبسها وبيقول فيها ان الموضوع ملخبط دى كانت من نص حوار وانا رديت عليه فيها ووضحتله فكرتى واقتنع بردى وكمان هو دلوقتى ماشى على الظبطه اللى قولتها ( ظبطة 95 وتمون 92 )

وده رد لمحمد ممدوح فى موضوع تانى بيأكد كلامى

http://www.nilemotors.net/nile/3872944719-post33.html

فلما حضرتك تستشهد بيها اللى هيقراها هيفكر انى بهجص وهتعمل بلبله لمن لم يقراء الموضوع بالكامل

صح

لا و لا هجص ولا حاجة
كامل الاحترام لحضرتك

المشاركة الأصلية كتبت بواسطة عصام غنايم

انا ليا عتاب عليك يا محمد
المشاركه بتاعت محمد ممدوح اللى انت مقتبسها وبيقول فيها ان الموضوع ملخبط دى كانت من نص حوار وانا رديت عليه فيها ووضحتله فكرتى واقتنع بردى وكمان هو دلوقتى ماشى على الظبطه اللى قولتها ( ظبطة 95 وتمون 92 )
وده رد لمحمد ممدوح فى موضوع تانى بيأكد كلامى
http://www.nilemotors.net/nile/3872944719-post33.html
فلما حضرتك تستشهد بيها اللى هيقراها هيفكر انى بهجص وهتعمل بلبله لمن لم يقراء الموضوع بالكامل
صح

استاذ عصام اكيد حضرتك عارف اني مقصدش اعمل بلبله او انك بتهجص !! انت اكيد عارف اني بحاول اساعد , وانا استشهدت بالصوره اللي فـ رد محمد ممدوح كنوع من التسهيل على الزميل وتوضيح الفكره من موضوع فيشه الاوكتين بشكل عام لان الصور اللي حضرتك حاططها في بدايه الموضوع واكيد كل الناس شافتها لكن مش اكيد ان كل الناس تكون بتابع مشاركات الاعضاء الاخرين , وعشان كده انا اقتبست المشاركه المصوره لمحمد ممدوح على اساس ان جميع اوضاع الفيشه موجوده في صوره واحده كنوع من التسهيل على الزميل , وده كان قصدي من الاقتباس لمشاركه محمد ممدوح واكيد حضرتك عارف اني عمري ما قللت من مواضيعك او شككت فيها ولا من مواضيع اي حد تاني

عالعموم يا استاذ عصام سامحني على الخطاً الغير مقصود ده وانا بشكر حضرتك على توضيح الصح , وبعتذر كمان للزميل اللي انا حطيتله المشاركه عشان يشوفها

وعلى فكره انا شخصيا عامل ظبطه الـ 95 زي ما انت قولتلي بالظبط وبدعيلك دايما وبقول ربنا يباركلك يا عصام


ارجو ان تقبل اعتذاري , وتقبل خالص تحياتي لشخصك الكريم