العلم نور و الجهل خيبه (تكييف - دفايه) أتنين فى واحد

**AMA** · 24-05-2010 04:43 AM

كنت قاعد مع واحد صاحبى يا جماعة فى عربيه بتاعة واحد صاحبنا تانى غير الأولانى المهم هوا مركب تكييف مكناش نعرف موضوع الدفايه دة مع التكييف لأن أنا معلومتى أن التكييف عشان يتركب الدفاية لازم تتشال المهم أحنا قاعدين وقافلين الأزاز إلى ورا و أنا قاعد أدام و فاتح نص الأزاز إلى عندى و مرة واحدة قلنا نشغل التكييف و حسينا كأننا بنتسلق و محطيناش فى بالنا لدرجة أن كلنا عرقنا و حسينا أن هيجيلنا هبوط و أنا فتحت الشباك كله و قولت لصاحبى إلى ورا أفتح أم الأزاز دة أحنا هنتسلق كل دة و أحنا ناسيين أننا مشغل حاجة أصلا المهم على بال مافتكرنا و أنا بقول لصاحب العربية يا عم دا أنا مشغل التكييف المفروض راح مبرق كدة وقالى أستنى بيبص لقانى مشغل الدفاية قالى يا عم حرام عليك دا أنت هتقتلنا و أية الجهل دة طبعا كل دة بهزار قولتلة يا عم دا احنا كنت هنغلى جوه العربيه نطلع بخار و بسأله بيقولى أنه شارى العربيه بالوضع ده و الموضوع دخل دماغنا جدا محدش عنده فكره عن تركيب الأتنين مع بعض فضول يعنى

**د.محمود صلاح** · 24-05-2010 07:06 AM

أي عربية حديثة بيبقى التكييف مع الدفاية والدفاية بتشتغل عن طريق الماء الحار الخارج من الريداتير ..
أما في حالة التكييف المتركب فماعنديش فكرة والله .. ممكن يكون مركب كويل تدفئة

**Hegazio** · 24-05-2010 01:13 PM

ولا مؤاخذه كل العربيات حتي اللي مافيهاش تكييف .. فيها دفاية !!!!!!!!
لأنها مش بتدفي الهوا عن طريق الكومبريسور .. دي بتاخد هوا من ماسورة تانية ماشية جنب فرن الموتور .. بس احنا اللي بلد حارة و مش بنهتم بيها قوي

**Hegazio** · 24-05-2010 03:29 PM

المشاركة الأصلية كتبت بواسطة dode2002

اي عربيه فيها تكييف فيها سخن وبارد

يا سيدي و اللي مافيهاش كمان .. ايه ياجماعة

**SAMEH_FOUAD** · 24-05-2010 07:23 PM

كل السيارات اللى نازلة بالتكيف بيبقى فية وضع بارد وسخن ,بيبقى شغال عن طريق ماسورة وبيتلغى كمان واغلب الناس بيلغوة

**bmya** · 26-05-2010 02:33 AM

فعلا موضوع الدفايه ده موجود في كل العربيات حتى اللي مفهاش تكييف اصلا
كان عندنا في العربيه اللادا زمااااااااااان دفايه وطبعا ماكانش فيها تكييف

الدفايه دي بشغلها في الشتاء على وضع الاقدام بس عشان تدفي رجلي
وبعملها على وضع سخان الزجاج الامامي عشان تشيل الشبوره من عليه