السلام عليكم ورحمة الله
عربيتي الريجاتا وانا ماشي بيها شميت ريحة بنزين وبعدها بدقائق دخان طالع من تحت الكبوت وافتح الكبوت الاقي حريقة ماسكة في الموتور من اوله ل اخرة
قدر الله وما شاء فعل وحصل خير
بس ازاي ومنين وليه
ده اللي حاولت اني اعرفه
لحد ما توصلت للسبب
الا وهو شرخ في فلتر البنزين مما ادي الي سقوط البنزين علي الاسبراتير وانتو عارفي الباقي
المهم غيرت الفلتر ( واشتريت واحد اضافي وحطيته في العربية ليه ما اعرفش )واصلحنا التلفيات الناتجة عن الحريق
بعد الموضوع ده بحوالي اسبوع نفس المشهد بيتكرر بس لحد منطقة شم البنزين فقط
يعني وانا ماشي شميت البنزين قمت راكن علي طول ومبطل العربية واذا بالمفاجأة شرخ في فلتر البنزين
حمدت الله اني لحقت الوضوع وبالاخص ان الطفاية كانت استخدمت في المرة اللي فاتيت (وسألت رجالتنا في نايل موتورز بتتملي فين وبكام وما حدش رد عليا >ما علينا مش موضوعنا<) وحمدت ربنا انها جت علي اد كده
امبارح نفس العلقة ياربي ريحة بنزين ثم دخان كتير ويادوب علي ما ركنت وبفتح الكبوت واذا بالنار ماسكة في الموتو كله ومركزها فلتر البنزين اللي بينقط علي الاسبراتير
ولاد الحلال طفوا معايا واخدتها روحتها وعديت علي خير الحمد لله
مين عندو تفسير ( غير ان فلتر البنزين خامته وحشة لأن مش معقوله 3 في اقل من شهر يعملو نفس الموقف )
فكروا معايا