الموضوع: كلاكيت تاني مرة ( حريقة في ماتور الريجاتا )

حمد لله علي سلامتك وسلامة العربية ؟؟؟؟؟
انا اعتقد ان بجوار فلتر البنزين حاجة معدن ................ ومع مشى العربية ............ او في المطبات بيحك الفلتر في هذا الشئ المعدني ............. وبالتالي يتخرم فلتر البنزين .

وانا كان بيحصل معايا حاجة ... في ماسورة المياه الخاص بدورة التبريد ... كل شوية تتخرم والمياة تقل ........... ايه الحكاية ... الماسورة المعدن ... بتحك في صاج من تحت ... خاصة في المطبات الصناعية .... وعلي السريع شوية وتتخرم وتنزل المياه .

اظن ان العيب في مكان فلتر البنزين خصوصا لو انت اللي مركبة بنفسك
ممكن يكون بيلمس سطح الموتور و هوة سخن و بيسيح من الحرارة
او بيخبط في حاجة
علي العموم الحمد لله انها جت علي قد كدة
و حاول تغير الفلتر بفلتر يكون محترم شوية مش ابو 3 جنية
و يا ريت لو تغير مكانة اصلا علي الخرطوم

غير مكان الفلتر ده خالص و ريح نفسك

يا راجل حرام عليك، المثل بيقول حد يحط البنزين جنب النار؟؟!!!!!!!

يعني حوض العربية كله مفيش فيه مكان لخط البنزين غير فوق الاسبراتير؟؟!!!

خطوات حل المشكله:

1- انقل خط البنزين بالكامل بعيد عن أي سلوك داخله أو خارجة من الاسبراتير وبعيد عن فرن أو ماسورة الشكمان.
2- هات فلتر من النوع اللي له قاعده بحيث تقدر تثبت الفلتر في صدر العربيه في مكان بعيد عن الحرارة

اولا شكرااا لكل اللي اهتم ورد علي الموضوع
ثانيا اكيد الفلتر مش جنب الاسبراتير ده في مسافة بينهم يمكن 30 سم وبعدين هو ايه الجديد ماهي ماشية كده من سنه 85 جت افتكرت في 2010 ان الفلتر فوق الاسبراتير
وبعدين انا مش بشتري الفلتر ابو 3 جنية انا بجيب من الغالي ابو 5 هههههههههه ومالقيتش اغلي من كده والله ( جايز في ) الله اعلم
وبعدين مافيش اي نوع من انواع الاحتكاك خاااااااااااااااااااااااا ااالص من الفلتر وانا متأكد من كده

انا عندي شك ومش عارف مدي صحته
ان يكون في خلل في الكربراتير او خرطوم البنزين الراجع بيخلي البنزين يزيد عن اللزوم في الفلتر مما يؤدي لأنفجارة من اضعف نقطة فيه
ايه رأي اساتذتنا في الكلام انا قولته ده
وشكرا مرة تانية لكل اللي شارك ورد

المشاركة الأصلية كتبت بواسطة khaled_sabry

اولا : فين اللنك بتاع الموضوع اللى سألتنا فيه ( بخبث ) عن اماكن اعاده شخن الطفايه !!
هاتلى اللنك ده و انا اوعدك حدخل موضوعك و حكتب فيه ( متاااااااااااااااابع باهتمااااااااااااام ) لأانى ماعرفشى حاجه فيه
ثانيا : بالنسبه لمشكلتك ممكن يكون فيه سدد فى الكربراتير او الماسوره الحديد الرفيعه تكون متنيه جامد فعامله حاجز يمنع دخول البنزين بضغطه على الكربراتير ... او فيه احتمال تانى زى ما الاعضاء قالو انه ممكن يكون بيلزق فى الموتور و بيسيح او انه يكون بيخبط فى حاجه حديد (زى ماسوره العمه مثلا ) لغايه لما بيتكسر


على العموم انتا اللى تقدر تحدد الفلتر باظ ليه من شكل الفلتر نفسه ... هات الفلتر اللى باظ عندك و ماولعشى (الفلتر الثانى ) و بص عليه ....

• لو لاقيته فيه جزء سايح يبقى كان متركب لازق فى الموتور و ساح البلاستيك بتاعه من الحراره
• لو لاقيته مشقوق او فيه شرخ يبقى ده بسبب ان ماسوره الكربراتير مسدوده (حاجه سداها او تكون متنيه ) .. او ان يكون فيه حاجه معدن بتخبط فى الفلتر لغاايه لما تكسره
  
  • حتقدر تفرق فى الاحتمال الاخير ده بأنك لما تركب الفلتر الجديد ولما يحصل فيه اللى حصل مع الى قبله (بس الحقه قبل ما الدنيا تولع) ابقى بص ساعتها على مكان الكسر قبل ماتفكه
  • لو لاقيت فيه حاجه معدنيه قريبه من الكسر يبقى هى دى سبب المشكله ...ابعد الفلتر عنه و ريح دماغك
  • لو مالقتشى يبقى ماسوره الكربراتير اللى راكب عليها خرطوم البنزين مسدوده او متنيه .... غير الماسوره كلها اريحلك لأنها بتتفك و تتركب ... بس خد بالك لما تركب الماسوره الجديده ابقى لف (شريط تولفين - شريط ابيض رقيق حتلاقيه عند بتوع الادوات الصحيه و بيمنع تسريب الميه ) على الجزء القلاوز اللى بيرك فى الكربراتير علشان ماسربشى بنزين

و بشكل عام يفضل تبعد خط البنزين عن الاسبراتير

http://www.nilemotors.net/Nile/14316...post3872580359

ادي اللينك يا باشا اللي سألت فيه عن الطفاية واعادة شحنها ( ومش بخبث والله )
ثانيا الفلتر بيبقي مشقوق شق صغير جداااااااا
ثالثا وده اللي انا عايز افهمه مش الكاربراتير بياخد من البنزين قدر احتياجة فقط والزيادة بيرجعها للتانك
يقي الكاربراتير بيشد عادي والدليل ان العربية ماشية وبتسحب وبتجري كمان طب لو فيه سدد في خط الرجوع يبقي الكراربراتير عنده اللي مكفيه ومش هيحتاج يسحب تاني
انا فاهم صح ولا انا بعك
ياريت تفيدونا
وجزاكم الله خيرا