الموضوع: اعلن انشقاقي عن ماركتي المفضلة " سابقا " و كفاية اوي كدة ! مع السلامة !

الف شكر لكم وكل الناس الي دعولي ..

انا الحمد الله اشتريت القنطرة او الدونجل الخلفي , فاضي تماما بس صناعة تركية .. (فيات تركيا )
ب 2400 جنيه بعد الفصال من الكيلاني .

و على فكرة في حاجة كويسة اوي .. عنده كل قطع غيار الفيات الجديد ( بونتو كلاسيك - جراند بونتو - لينيا - برافو )

ب 3 انواع .. فيات ايطالي اصلي ( ارخص من التوكيل حوالي 30% ) - فيات تركي ( نصف الثمن ) - صييني ( مش في كل حاجة ) .

يعني مثال .

الاكصدام بتاعلي الاصلي , في التوكيل ب 1800 جنيه فيات اصلي
عند الكيلاني .. فيات اصلي 1100 جنيه
تركي بالشبكة 700 جنيه
صيني بالشبكة 400 جنيه .


مرايا فيات اصلي - 350 جنيه في التوكيل .
120 جنيه عند الكيلاني .

يعني اوماترا حرامية حرامية !

الي غاطني بقى عرفت اجيب موقع قطع غيار فيات اصلية في الرازيل , عارفين تمن الدونجل الاصلي في البرزايل كا م؟؟؟
مايعادل 700 جنيه مصري !!! و التوكيل بيبيعوه ب 4600 جنيه !

يعني انا لو اشتريته من هناك وشحنته ! مش حيصول حتى 2000 جنيه !

انا بعت شكوى لفيات في ايطاليا على موضوع قطع الغيار امبارج .. يكمن يعمللكوا حاجة ....

بالنسبة لي . .انا حفضل بالعربية لشهر 10 و الوالدة حتشتريها مني ..

وان شاء الله لو في مقدرة مادية .. نويت على i30 كسر زيرو ..

لو مفيش .. حتبقى ماتريا او الانترا على حسب التساهيل ..

وربنا يسترها معانا ومعاكم.