اعلن انشقاقي عن ماركتي المفضلة " سابقا " و كفاية اوي كدة ! مع السلامة !

**mada_mada81** · 24-05-2010 05:16 PM

مع الاسف الشديد انت لخصت معانتى مع البونتو بس يا جماعة مش عاوزين شكوى وخلاص ايه رايكوا نعمل شكوى للفيات الام نعمل شكوى لجهاز حماية المستهلك نعمل شكوى للعفريت الازرق بس بجد لازم نلاقى حل
حد عنده اى اقتراح نعمله؟؟؟؟

**Ahmed Samy** · 24-05-2010 05:33 PM

فعلا
عنك حق

وكاتم و ساكت يابني كل ده

**ahmedmohamed7** · 24-05-2010 06:26 PM

المشاركة الأصلية كتبت بواسطة damasry

بانهى سعر؟؟ خد بالك السعر اتغير للافضل، انت حاجز بانهى سعر؟؟؟

ياريت نعرف الاخبار الحديدة خوصوصا المتعلقة ب grande manuel pk1 wa pk2 اعتقد ده انسب وقت

**semsem_uno** · 24-05-2010 06:43 PM

المشاركة الأصلية كتبت بواسطة ainshouka

مش منتشرين نهائى

ابعد عن فيات نهائى الا اذا كان مش مهم عندك انك تصرف على العربية اى قطع غيار باى سعر عالى يقابلك

لكن لما تعوز عربية عملية متحملش مشاكلها عندك اليابانى والكورى ومنتشرين ومشاكلهم على الاقل حتلاقيها حل بدل محتقعد تلف وتدوخ على قطع الغيار

متبص دلوقتى ان قطع غيار الجراند والبرافو موجودين

بص بعد كام سنة والعربية لسه معاك هل حتكون قطع غيارها لسه موجودة ولا لا

واللى باين ان العربية بتنزل زيرو وموديل جديد بيوفروا قطع غيارها معاها (كأنها كلها شروة واحدة ) بعد كام سنة تدوخ على اى قطع غيار متلاقيش ودا دايما الملاحظ من فيات

خالى عنده فيات ماريا حلوة معاه مفيش مشاكل لكن لما بيحتاجلها اى حاجة بيدووووووخ عليها

من الاخر دماغك رايقة هات فيات

حاجة عملية ابعد عن فيات

حضرتك ساكن فين ؟؟؟؟؟؟؟؟؟؟؟؟؟؟؟ مكتوب المنوفية
طب ماهو ليك حق متشوفهمش

المشاركة الأصلية كتبت بواسطة osamy

مهوه ده خوفي وسبب حيرتي

اني لو جبت الجراند اعتقد هتقعد 5 سنين معايا سبعه بالكتييير وسعرها مناسبني

البرافو بقى لو جبتها هتقعد معايا كتيير بس هتزنقني في الفلووس قوووي وهزود بسببها فتره القسط كمان

فمش عارف
وخايف يحصل في البرافو حاجه لاقدر الله وماعرفش ادفع فلوسها لان كل الفلوس الي هتجيلي هتبقى رايحه في التقسيط فمش عارف هل التأمين بيظبط وهل مش هيظهر حاجه لحد ما القسط يخلص (من 5 ل 7 سنين) ولا هدبس

شكرا

بصراحة انا بخاف من القسط ده اوي بس بدام كده جيب جراند احسن مش هتكلفك زي البرافو لو حصل حاجة لا قدر الله و تابع بردو المواضيع بتاعتها هنا و اسأل اللي معاهم و شوف اسعار قطع الغيار قبل ما تقرر

**Dr. Halawa** · 24-05-2010 07:07 PM

المشاركة الأصلية كتبت بواسطة semsem_uno

سعادتك ال4000 جنيه دول لو برة التوكيل كنت خليت العربية من اولها لأخرها زيرو
ثانيا ان مفيش حاجة اسمها الطنابير صدت
صدت يعني متاكلة و في بارومة و هتطقتم ده بيبقي لون طبيعي لأي طنابير جديدة تركب بقالها وقت بسبب المياه و التراب و السخونية و كل ده بتلاقي لونها قلب علي البني ده
و حاطت ايدك علي قلبك ونتا معاك بونتو ليه ان شاء الله
التوكيل ده ميتراحلههوووش غير في حادثة استعدال شاسية لا قدر الله او في قطعة غيار مش لاقيها خالص او اللي موجود منها مضروب زي تيول الفرامل اللي في السوق دلوقتي

غيرت التيل برة مش بس طلع مضروب ده كمان بوظلى الطنابير عشان كده غيرتها اصلا

**Dr. Halawa** · 24-05-2010 07:09 PM

المشاركة الأصلية كتبت بواسطة yoko

هههههههههه طاسات الأفيو بنفس السعر!!!!!!!!!!

الواحدة؟

**Moe86** · 24-05-2010 08:39 PM

طبعا يا كريبتون أنا مقدر كلامك تماما و أنا معايا بونتو , يعنى مش نادرة قوى زى الباليو
و دة للأسف مقابل ان معاك عربية مميزة و شيك (مش هاقولك قوية لأن البونتو طلعت ضعيفة زيها زى الكورى تماما)
بس على فكرة نفس الكلام موجود فى أى عربية مصنوعة فى بلد غير المنشأ , زى مثلا فولكس بوينتر (أو جوول أو بولو سيدان) و هوندا سيتى
ربنا يستر بقى مع الناس اللى اشترت لينيا و يلاقولها قطع بسهولة بعد كدة

المشاركة الأصلية كتبت بواسطة Dr. Halawa

غيرت التيل برة مش بس طلع مضروب ده كمان بوظلى الطنابير عشان كده غيرتها اصلا

ممكن حضرتك تقولى جبته منين و بكام ؟ علشان مايحصليش نفس الموقف

**Dr. Halawa** · 24-05-2010 08:49 PM

المشاركة الأصلية كتبت بواسطة moe86

طبعا يا كريبتون أنا مقدر كلامك تماما و أنا معايا بونتو , يعنى مش نادرة قوى زى الباليو
و دة للأسف مقابل ان معاك عربية مميزة و شيك (مش هاقولك قوية لأن البونتو طلعت ضعيفة زيها زى الكورى تماما)
بس على فكرة نفس الكلام موجود فى أى عربية مصنوعة فى بلد غير المنشأ , زى مثلا فولكس بوينتر (أو جوول أو بولو سيدان) و هوندا سيتى
ربنا يستر بقى مع الناس اللى اشترت لينيا و يلاقولها قطع بسهولة بعد كدة:o_stupid[1]:

ممكن حضرتك تقولى جبته منين و بكام ؟ علشان مايحصليش نفس الموقف

انا كنت جبته من محمد يوسف اللى فى ميدان الدقى بس انا عندى التيل مختلف عن عندك انا جبت الأول بتاع البونتو كلاسيك العادى الميكانيكى قاللى مش بتاعها و ادانى القديم أجيب زيه لقيته أكبر شوية كدة كأنه بأجنحة كدة و جبته ب150 جنيه