اعلن انشقاقي عن ماركتي المفضلة " سابقا " و كفاية اوي كدة ! مع السلامة !

**semsem_uno** · 28-05-2010 02:16 PM

المشاركة الأصلية كتبت بواسطة yoko

هههههههههههههههه
هي كده الفيات عشرة متعرفش تبعد عنها
ويا رب تتصلح على خير والحمد لله إنك سليم دي أهم ميزة في العربيات الأوروبي والفيات خصوصا

ههههههههههه نفس الكلام هنا
لما ال128 اتباعت و انا زمان في 2 اعدادي كنت واقف و حسس ان حد من عيلتي بيبعد عني

و فضلت يجي اسبوع مش طايق حد
لحد ما رحنا للأونو حبيبة قلبيييي

و من اول ما شفتها اتولد في قلبي حب غير عادي

و لما جبناها لقيت نفسي تلقائيا بشتري معطرات و استيكرات و حاجات كتير اوي و اريال و غيره و بعد فيها اكتر ما بعد في البيت و كنت ادور علي المفتاح و انزل الف بيها باليل

و دلوقتي اهوه

انا في 2 ثانوي و حاسس انها فعلا حتة من قلبي و معتبرها صاحبتي و حبيبتي كمااان ده اذا مكنش اكترررر و وصلت لما اتضايق انزل بليل اعد جمبها و الف حواليها

وصلت كمان اني شكيت ان الفيات ده جواه روح او بينزل فيه لعنة تخلي صاحبها مايسبهاش ابدا

**DrMax** · 28-05-2010 02:51 PM

انا حسيت بحضرتك لان اكتر حاجة تخنق الواحد انو ميلاقيش قطع غيارها لعربيتو ولو لقاها تبقى باسعار خياليه

واللى حضرتك بتقولو ده انا حطيتو فى اعتبارى وانا بشترى عربية
احنا معانا 132 من زمان ومش عايز اقولك اتفحتت شغل قد ايه ومع ذلك لسه لحد دلوقتى بسافر وبروح وباجى بيها ومبتقولش لا
فلما اجيت اشترى عربية جديدة اول السنادى كنت ناوى اجيب فيات برضو وكانت عجبانى اللينيا
فلما سالت كلو قالى ابعد عن الفيات..توكيلها مقرف ومبتتصلحش غير فى التوكيل وقطع غيار غالية جداااااااااااااااا ونادرة جدااااااااااااااااااااااا واللى يضحك ان فى قطع غيار مش موجودة فى التوكيل نفسو !!!!!!!!!!!!!!!!!!!!!
فانا قولت انا هجيب عربية جديدة تريحنى ولا تقرفنى معاها وتورينى النجوم فى عز الضهر
قولت اريح دماغى خالص واجيب ماركة محترمة وصناعة محترمة وفى نفس الوقت وقطع غيارها متوفرة بكل الفئات والحمد لله استقريت على اللانسر واشتريتها
عربية يابانى محترمة معمرة اثبتت كفائتها قطع غيارها زى مبيقولو على افا مين يشيل وموجود قطع غيارها بكل الفئات الاصلية وسعرها معقول جوه التوكيل وبراه وموجود التقليد اليابانى والكورى والتايوانى والصينى ده غير الاستيراد طبعا اللى مرمى فى كل حتة

الواحد لما يشترى بيجيب عربية محترمه تريحو وتقضى مشاويره ويبقى قادر على تكاليفها وتتصلح فى اى حتة وعند اى ميكانيكى وقطع غيارها متوفرة بكل الفئات مش عربية يحتاس بيها...دى فى رايى اهم قاعدة عند شراء اى سيارة

ربنا يكرمك بسيارة كويسة ان شاء الله وتريحك
تحياتى

**M.almaghraby** · 28-05-2010 03:03 PM

زعلان جداا

**Moe86** · 28-05-2010 04:02 PM

المشاركة الأصلية كتبت بواسطة hondawy_2008

مانيوال و لا اتوماتيك ده أنا مغيرينلي تيل الفرامل في صيانة العشرين ألف للسيفيك!!!

الفكترا مانيوال برضو, بس أنا غيرت تيل البونتو فى ال20,000 برضو

المشاركة الأصلية كتبت بواسطة semsem_uno

حاسس انها فعلا حتة من قلبي و معتبرها صاحبتي و حبيبتي كمااان ده اذا مكنش اكترررر و وصلت لما اتضايق انزل بليل اعد جمبها و الف حواليها :e_braces[1]: :b4_007:
وصلت كمان اني شكيت ان الفيات ده جواه روح او بينزل فيه لعنة تخلي صاحبها مايسبهاش ابدا

اية يا عم سمسم , حالتك بدأت تبقى مش طبيعية ! و بعدين لو عندك عربية تانية لانسر مثلا هاتحبها برضو لأنها عربيتك, مش علشان الأونو فيها حاجة غريبة ولا حاجة

**semsem_uno** · 28-05-2010 05:45 PM

المشاركة الأصلية كتبت بواسطة Moe86

اية يا عم سمسم , حالتك بدأت تبقى مش طبيعية ! و بعدين لو عندك عربية تانية لانسر مثلا هاتحبها برضو لأنها عربيتك, مش علشان الأونو فيها حاجة غريبة ولا حاجة

ههههههههههههه على فكرة عندنا اكسيل GLS بردو غير الأونو

بس الأونو هي حبيبتي بجد

**CryptonX** · 28-05-2010 06:55 PM

الحمد الله استلمت العربية امبارح , اجمالي المبلغ الي ادفع 3430 جنيه ..

ولسة عايزة تترش ( جرئين ) و كاوتش و جنط جديد .

السيارة ماشية كويس .. كان في حدفة في الدركسيون ظبطها عند بتاع الزوايا ..

بس الي مضايقني بقى صوت " ونين غليط " بيجي من ناحية الخبطة .. مع ارتفاع السرعة كاني مركب موتور موتوسكيل وراء ..

وده يا اما علشان الستبن اصغر في العرض من الكاوتش الجديد او البلي على كلام بتاع الزوايا .

شكرا لكم جميعا .

**yoko** · 28-05-2010 06:58 PM

المشاركة الأصلية كتبت بواسطة cryptonx

الحمد الله استلمت العربية امبارح , اجمالي المبلغ الي ادفع 3430 جنيه ..

ولسة عايزة تترش ( جرئين ) و كاوتش و جنط جديد .

السيارة ماشية كويس .. كان في حدفة في الدركسيون ظبطها عند بتاع الزوايا ..

بس الي مضايقني بقى صوت " ونين غليط " بيجي من ناحية الخبطة .. مع ارتفاع السرعة كاني مركب موتور موتوسكيل وراء ..

وده يا اما علشان الستبن اصغر في العرض من الكاوتش الجديد او البلي على كلام بتاع الزوايا .

شكرا لكم جميعا .

ﻷ هو البلي لإن مقاس العجل ميعملش ونة