الموضوع: هل ينفع التحويل من المدارس الازهرية للمدارس الحكومية ؟

المشاركة الأصلية كتبت بواسطة lion_heart

و الله يا استاذ احمد ده غرضى الى جانب ان بنتى على ميعاد الدخول هتكون 6 سنوات الا شهرين فعرفت ان الازهر ممكن ياخد من 5 سنوات و نص ( مش متأكد من المعلومة )
و كمان تحفظ قرآن للمرحلة الابتدائية و بعد كده ممكن احولها حكومى او خاص او تكمل مشوار الازهر و ربنا يعين كل اب و ام فى المرحلة دى
و فى اقتراح تانى انى ادخلها مدارس خاصة اسلامية لكن للاسف دى فى المنصورة نفسها و انا من ضواحى المنصورة فسفر بنت صغير يوميا مشقة عليها و هى صحتها ضعيفة اساسا لكن هنا عندنا معاهد ازهرية
سمعت كمان ان فى حاجة اسمها تعليم ازهرى نموذجى تقريبا بيكون زيادة فية منهج للغة الانجليزية
حضرتك عندك فكرة عنه ...

اانا سألت لحضرتك عن التحويل لكن للأسف اللى كنت هسأله كان ليه تجربه وطلع نسيها نهائى

وحاولت اعرف من حد شغال لكن برده موصلتش لكلام اكيد فمتأسف قوى والله

انا بس عرفتلك عن المعاهد النموذجى بالنسبه للمعاهد العاديه , النموذجى بيبقى ليهم منهج انجليزى زياده فعلا وبيكون فى اهتمام كبير من الاداره بالمدرسين المعينيين فى المدارس دى وبيتم تغييرهم دوريا حسب الكفائه يعنى مستوى التعليم مرتفع

لو قدرت اوصل لحاجه عن التحويل هبلغك على طول

المشاركة الأصلية كتبت بواسطة mohamedbook

ضحك عليكم الازهري اللئم ولبسكم العمم وجاب جيد جدا

عيب يا باشا كلمه لبسكم العمم دى

اللى بيلبس العمم هما المشايخ واحنا كدا بنغلط فى حقهم , مش كل اللى بيلبس عمه مغفل