ممكن لو سمحت تفاصيل
عرض للطباعة
حتلاقى العجل اما كان عامل بلونة او فية جنب عالى عن جنب
MMamdouh
بالظبط زي ما الاستاذ محمد ممدوح تفضل مشكورآ بالرد.اقتباس:
حتلاقى العجل اما كان عامل بلونة او فية جنب عالى عن جنب
MMamdouh
الكاوتش الشمال الامامي كان فيه عالي وواطي. " ضارب سلك زي ما بيقولوا "
المشكلة التكييف ضعيف جدا خصوصا وانا ماشى بالعربية
الباب المسئول عن دخول هواء خارجى مفتوح على طول مع انه على وضع الغلق
الحل
تغيير طقم سلوك تكييف
العيب : العربية مش عاوزة تدور
الحل : تغير الموبينة بواحدة جديدة اصلى
ملحوظة : يوجد انواع صينى سيئة جدا
لانوس 2005
المشكله ان العربيه فى التدوير الصبح او بالليل المرش يلف ومتدرشى الا بعد فترة
رحت التوكيل قلولى العربيه ممكن الرشاشات او البطاريه او او او
والاخر بعد الكشف على العربيه المهندس قلى العربيه سليمه ميه 100 قلتلو يبقى انا جى استهبل رحت لمكانيكى بره غير البوجهات وبعد كده كلو تمام
فجأه وانا ماشى العربية بتبرجل جامد وكل لما ادوس بنزين اكتر العربية زى ما تكون بتخبط فى الرصيف او ماشى على طوب
الحل / اخر مره كنت عند الكهربائى (الله يعمر بيته) فك السلوك اللى داخله على الموبينه من ال ECUولما لحمها - مغطهاش كويس فالسلوك لمست فى بعض والحمد لله ان ال ECU مبظش ساعتها
التكلفة صفر لأنى عرفت سبب المشكله عن طريق ال RPM meter اللى كان بيرقص بجنون
العيب: طلمبة البنزين صوت زنه جامده جدا تحت الكنبه
سالت على الاصلى لقيتها عامله650 جنيه عاوز اعرف ملهاش حل تانى وصاحبى قالى ان اجيبلها ماتور المانى واركبه بدل القديم وهل ده ممكن مع العلم ان عربيتى لانوس 97 بماتور نوبيرا
الحل: مستنيه من حضراتكو
خشونة شديدة في الفتيس وبتدي التاني بصعوبة
الحل/ تغير عمود البنز(20 جنية)علشان العشونة
وتغير مسمار 12 في الفتيس(1 جنية)
ومصنعية 10 جنية وكلة بقى تمام
المشكله: ظهور صوت احتكاك بالعجل الخلفى بعد فك الطنابير الخلفيه و رجلشه الفرامل و تركيبها مره اخرى
السبب: بعد بحث طويل اتضح ان مصدر الصوت هوه احتكاك مسامير العجل الأربعه بالسوسته الواصله بين فردتين قبقاب الفرامل الخلفيه
الحل: تجليخ 8 مسامير العجلتين الخلفيتين
ملحوظه: انا مش مقتنع بالحل ده لان المسامير ما كانتش بتحك قبل كده و ده معنا ان الطنابير دخلت لجوه شويه مما ادى الى الاحتكاك ............. بالمنطق كده الطنابير تدخل جوه ازاى
1- تلف البلى
2- تاكل فى اكس العجله
انا خليت الميكانيك غسل البلى و الأكس ببنزين و اتاكدت ان الاثنين بحاله جيده
الخلاصه ان هوه ده حل المشكله اللى انا مش مقتنع بيه لكن الميكانيكى بيقول ان كل اللانوس كده
المكان : طريق مصر الاسكندريه الصحراوي.
التوقيت: 4 ص.
المشكلة : العربيه بدأت تقطع وتدوس بنزين مافيش استجابه نهائي وكأن الدواسه مش موجوده.... وبعدين بطلت وانا ماشي 120 كم/س.
( انا ذكرت المكان والتوقيت ووصف الموقف علشان الناس تاخد بالها من خطورة اللي حصل )
العربيه بطلت وحلفت ماهي دايره.
بداية الشك كان في طلمبة البنزين.
بس قلت الاول اشيك علي الكتاوت والفيوزات.
الحل:
الحمد لله امشكله طلعت من كتاوت طلمبة البنزين مهزوز (ودي رابع مره تحصل معايا)
فكيته وثبته كويس.
وكله تمام.
يرجى من الاعضاء - خاصة الاعضاء الجدد - الالتزام بسياق الموضوع و طريقة اضافة المداخلات التى اتفق عليها رواد القسم و عدم الخروج عنها حتى لا تضطر اسرة الاشراف الى غلق الموضوع و تحويل عملية اضافة المداخلات الى مراسلات الى الادارة من خلال تقارير المشاركات كما كان متبع من قبل
مشرف القسم
لانوس 2006 صوت فى الجنب الشمال صوت من المطبات اروح للعفشة مفيش حاجة اروح للكهربائى يفك الباب برضه مفيش حاجة غيرت بيضه الطرف الاتنين
برضه هو هو الصوت يطلع مسمار ابو صاموله اللى رابطة الكبوت من بره وعاطيه الصوت داخل الصالون كانت مفكوكه خالص اتربطت وتما وتمام
صوت خبطة خفيفة جاية من العجلة اليمين قدام بتظهر مع المطبات المنخفضة
السبب : كاوتشة الكوباية اليمين كانت متاكلة وبتخبط فى السوستة
الحل : تغيير الكوباية
صوت تزيق مع لف الدركسيون وكنت ساعات بسمع تخبيط
الحل : بعد تغير البطاحتين وبيض الطرف اختفة المشكلة
ترشيح ميه خفيف جدا من الماسورة الكاوتش الى جاية من البلوك وداخلة الراداتير على ايدك الشمال وانت واقف قدام العربية
الحل:-
متابعة مستوى المية بتنقص شوية كل اسبوع
ثم تغيير الماسورة بواحدة جديدة اصلى ب 25 جنية وفى كورى ب 15 جنيه
انا فضلت الأصلى
المصنعية :-
لايوجد قمت بعمل الفك والتركيب بمعرفتى
النتيجة :-
كله تمام
السلام عليكم
العربية كانت مبتسحبش روحت نظفت الفلتر وتكرر الموضوع
لقيت سير التقسيمة مش مضبوط علي العدلة بتاعنه
ومرة تانية غيرت مجمع المفاتيح بتاعة الزجاج من جنبي لان زرارا امان الاطفال كان معلق
المشكله وجود صوت خبط قوى مع المطبات القوية مع العلم ان عفشة العربية والحمد لله سليمه 100%
لفيت على طوب الارض وكل واحد قال حل شكل وكلهم كانت حاجات فاشلة مابين تغيير سوستة مساعد أو تغيير بلى عجل (كنت لسه مغيره) وما بين تغيير الشكمان بالكامل (اقتراح محمد عبده) واللى يقول لى ان السبويلر هو السبب وواحد قالى ان الشنطة علشان فيها عدة بتعمل الصوت ده وهكذا
الحل
وجد انثناء بسيط على الركبه المحيطة بالدونجول الخلفى والدنجول ده متحرك وكل لما يتحرك حركة قوية يخبط فى جسم العربية - بعد عذاب الحمد لله اتحلت والتكلفة 10 جنيه فقط
اصوات خبط مع المطبات من صدر العربية
كاوتشات الجلب اللى مثبتة سكترة الدركسيون كانت مبوشة و تم عمل تخشينة ليها لعدم وجود جلب جديدة بالسوق
MMamdouh
اداء الفرامل بيبقى سىء للغاية او ل ما بطلع بالعربية لدرجة انى ممكن ادوس فرامل للأخر والعربية تهدى فقط لكن بعد ما بمشى شوية بالعربية اداء الفرامل بيتحسن وبتبقى قويه مع العلم انى مركب تيل فرامل امامى جديد من نوع gold ........!
المحاولات
1- تغيير ماستر فرامل عمومى اصلى (مافيش فايدة)
2-عمل رجلاش للفرامل الخلفيه (مافيش فايدة)
3-خرط الطنابير الأمامية وصنفرة التيل (تحسن بسيط)
الحل
العيب طلع من تيل الفرامل الجولد لأنه بيحتاج يسخن علشان يمسك كويس وبمجرد ما يبرد يرجع يضعف تانى وبعد تركيب تيل فرامل اصلى ب 110 جنيه كله بقى تمام .
المشكلة :
العربية في السلانسية كانت بتقطع ولو بأطلع مطلع تبقى كأني بأعذبها وأعذب نفسي
الحل :
تغيير الموبينة
انا معايا شيفروليه لانوس و اليكم تقرير بالعيوب اللى تنفرد بيها عربيات كتير من الشيفروليه دونا عن الدايو:
1- اول مشكله تعبتنى الفرامل كانت ضعيفه جدا و واطيه جدا و كانت كارثه بجد لان انا اكتشفت دا و فيه عيله صغيره بتعدى الشارع امامى و دا فى صلاح سالم قدام عمارات العبور و ربنا بس اللى ستر يومها...
الحل: رحت التوكيل ادوها هوا و رفعوها مع شد واير فرامل اليد لانها مكانتش شغاله
2- عداد الحراره: فى نسبه كبيره جدا من لعربيات عداد الحراره بيقف عند ربع العداد مع ان الطبيعى بتاعه تحت النص بشرطه
الحل : تغيير صباع الحراره فى التوكيل تبع الضمان
3- السى دى مش شغال: (الحمد لله مش عندى العيب دا فى فى عربيات 3 زمايلى)
الحل راحوا ظبطوه تبع توكيل الكاسيت و الضمان اللى نازل مع ضمان العربيه
4- صوت المحرك عالى جدا (كأنك مركب فلتر) و دا عندى بس و من يوم ما جبت العربيه و عندى شك ان الشكمان مكتوم خصوصا ان السحب مش عاجبنى
الحل : لسه مالقيتش حل لان معنديش وقت اروح التوكيل كل شويه بس ان شاء الله هاروح على صيانه ال10 الاف و اقولكم على الحل
المشكله :لانوس 2008 رجه جامده من 80 الى 100
الحل :ترصيص
المشكله : رجه جامده بعد 100
كنت مشيت على التيل وهو خلصان
الحل :رحت لمخرطه قالى كان فى رفه فى الطنبوره يعنى الطنبوره مش فى سوا واحد وعملى الطنبورتين التكلفه 40 ج
المشكلة:- لاتوجد مشكلة فقط فى اثناء الصيانة الدورية
العيب :- عالى وواطى فى الطنابير الخلفية وتلف التيل الخلفى
الحل :- تغيير الطنابير الخلفية مع التيل
ملحوظة :- يوجد نوعين من الطنابير الخلفية للدايو ( طنابير بصرة وتقريبا للانوس 2 وطنابير بدون صرة للانوس 1 )
مشكلة بعد التغيير :- الفرامل ضعيفة
الحل :- التحرك بالسيارة عادى لمدة اسبوع للتطبيع ثم عمل رجلاش للفرامل والمشكلة انتهت.
مشكلة اخرى بعد تغيير الطنابير والتيل الخلفى:- صوت تكتكة من العجل الخلفى
الحل :- عمل تجليخ لمسامير العجل والمشكلة انتهت
موضوع راااااااائع
المشكله : صوت نحره طالعه من المحرك
السبب : طرمبه المبه فيها خشونه
الحل : تغيير طلمبه الميه ( 90 جنيه )
المصنعيه : 30 جنيه
المشكله : ظهور زيت علي سطح الكاتينه
السبب : سيل الكاتينه اتحرك من مكانه
الحل : تغيير سيل الكاتينه ( 10 جنيه )
المصنعيه : 30 جنيه
المشكله : صوت صفاره علي السلانسيه
السبب : حدوث خشونه في بليه الكاتينه
الحل : تغيير بليه الكاتينه ( 70 جنيه )
المصنعيه : 30 جنيه
المشكله : العربيه اترجرت و طفت
السبب : تلف طلمبه البنزين
الحل : تغيير طلمبه البنزين ( 200 جنيه )
المصنعيه : 30 جنيه
انا معايا دايو لانوس 2005 ماشيه 110 الف كم
المشكله الاولى: العربيه بتبطل الصبح و هى على السلانسيه
الحل : تنظيف الايدل كنتزولر
المشكله: صوت بليه الدبرياج عالى و عمل شخشخه
الحل: تغيير زيت الفتيس من 140 الى 90 و الصوت راح و الحمد لله
العربية ﻻنوس 2010 بقالها معايا 5 شهور و كنت لسه راجع من الساحل بيها
الزيت mobile 1 بقاله شهرين
عامله 3500 كيلو
تانك البنزين مليان لحد تلت تربع
البطارية كويسة جدا
و مفيهاش أى مشاكل
المهم جيت أدور الصبح العربية فيها مارش بس مش بتلقت خالص مجرد صوت المارش بس
جبت ميكانيكى شفها وقالى حساس الكرنك الفيشه بتاعته مهزوزه ثبته و بعد كده إشتغلت الحمد الله
العطل:- نور التابلوه بيطفى لوحده وكذلك النور الواطى
الأصلاح:- الكشف على الكتاوت الخاصة به فى علبة الفيوزات الى فى حوض السيارة
- ملاحظة سخونة شديدة بالكتاوت المصابة
- تحريك الكتاوت وتركيبها مرة اخرى يختفى العيب ويظهر بعد فترة
العلاج :- تغيير الكتاوت باخرى جديدة
التكلفة :- 15 جنيه تمن الكتاوت الأصلى
المصنعية :- لايوجد
النتيجة 100% اختفاء العيب
العطل:- خبطة بعلبة الشكمان الخلفية
النتيجة:- تلف العلبة نتيجة بارومة بها
الأعراض :_ صوت العربية عالى
الأصلاح :- تغيير العلبة الخلفية بواحدة جديدة اصلية ( تركيب العلبة يتم بدون لحامات العلبة بتتفك بمسمارين وتنزل ويركب الجديدة مكانها مع تغيير جوان حرارى فقط)
مدة التركيب :_ عشرة دقائق
تمن العلبة مع ديل الشكمان 170 جنيه ومصنعية 20 جنيه واكرامية 5 جنيه وجوان ومسماريت واربع ورد ب 5 جنيه
النتيجة :_ صوت السيارة غير مسموع
انا مش من القاهرة بس العلبة موجودة عند محلات قطع غيار الدايو وانا شفت بنفسى علب جديدة لموديلات الدايو الأخرى تركيب العلبة سهل جدا ممكن تعمله بنفسك او اى حد من بتوع الشكمان والكلام ده من اسبوعين
انا يا جماعه مره كنت مسافر لقيت مؤشر الحراره لحد العلامه الحمرا وقفت بسرعه و اول مفتحت الكابوت لقيت ماسوره المياه اللى فى قلب الماتور انفجرت و العربيه نزلت كل المياه اللى فيها ومكنتش عارف ايه اللى خلى العربيه تسخن بدرجه انفجار ماسوره المياه وهى بتكون فيبر تحت التلاجه بالظبط المهم كشفت على العربيه و بعد مدوخنا اكتشفنا ان تورمستات المياه اللى فى الكوعه اللى بيقفل و يفتح عشان يدخل المياه السخنه للرداتير قافش ومش بيفتح فمنع المياه توصل للرداتير عشان تتبرد فكانت النتيجه غاليان غير عادى الحل بتاع المشكله انك تشيل الترومستات خالص لانه مش ليه لزوم فى الدايو فى مصر لانه مهم بس فى البلاد البارده مش فى جو مصر
انا كان عندي مشكله ان دواسه الفرامل واطيه شويه وبعدين واحد منه لله عمل طقم اصلاح للماستر وفي نفس اليوم الفرامل فوتت لكن الحمد لله ربنا ستر ولحقت نفسي بالهاند براك .وبعدين غيرت الماستر العمومي كله ب 450 جنيه ولكن رجع العيب الاول ان الواسه واطيه .
تخيلو العيب طلع فين ؟
الفيبر بتاع حلق العجل كان مكسور وضاغط علي خرطوم الزيت الواصل للبستم.
العطل :- صوت طنين صادر من الجهة اليمنى من السيارة يزيد عند سرعة 40 كيلو ويقل مع زيادة السرعة او نقصانها
الكشف :- عند الميكايكى عن طريق رفع العربية بالكوريك مع تحريك كل عجلة لوحدها لمعرفة مصدر الصوت
النتيجة :- خشونة بسيطة ببلى العجل الخلفى شمال
العلاج:- تغيير بلى العجل الخلفى
التكلفة :- بلى اصلى جى ام وكل بلية فى كيس اصفر صغير وعلى الكيس علامة مائية وبارت نمبر ولا تاتى فى علب
وسعر لبلية الواحدة بالتفصيل كما يلى
1- رولمان بلى عجل خلفى داخلى 30 جنيه( كورى الصنع )
2- رومان بلى عجل خلفى خارجى ( يابنى الصنع ) 15 جنيه
3- ظرف رومان بلى عجل خلفى 30 جنيه
4- اويل سيل عجل خلفى 5 جنيه
يعنى البلية ب 80 جنيه يعنى الأتنين ب 160 جنيه ومصنعية تركيب 30 جنيه
النتيجة :- اختفاء العطل وكله تمام