مرجع لجميع اعطال و مشاكل الانوس و حلولها
ايه رايكم يا جماعة نعمل موضوع مثبت فى منتدى الدايو و كل واحد يكتب فيه المشكله او العطل اللى حصل معاه فى عربيتو الانوس و يكتب طريقة الاصلاح باختصار دون الخوض فى تفاصيل كثيره و ردود متبادله بين الأعضاء و اهم حاجه اختيار عنوان مناسب و مختصر يدل على نوع العطل تسهيلا للبحث
سبب الاقتراح انى لاحظت تكرار المواضيع و تكرار الاجابات
يعنى لو فيه حد عندو مشكله معينه محتاج يبحث فى كل مواضيع القسم و احيانا يتم ذكر بعض الأعطال خلال موضوع بعنوان مختلف و ممكن واحد يكسل يدور فيعمل موضوع مكرر
أما اذا تم تثبيت الموضوع و كانت كل المشاركات مختصره فسوف يتكون لدينا مرجع لكل الأعطال يستطيع كل ملاك السيارة الرجوع اليه عند الحاجه دون اضافة مواضيع اخرى مكررة
============================
برجاء وضع شكل ثابت لكل المشاكل وهى كالتالى
* بداية ظهور المشكلة
* المحاولات الفاشلة لحل المشكلة
* الخبرات الجانبية اثناء حل المشكلة (ايه الجديد اللى اتعلمته / ايه اللى المفروض اخد بالى منه / نوع قطع الغيار اللى فيها مشكلة والنوع الكويس / حاجه اتفكت جنب المشكلة واتعلمت منها حاجة)
* الطريقة النهائية لحل المشكلة
* اذا امكن اضافة صور للمشكلة قبل واثناء وبعد حلها
* التكلفة النهائية لحل المشكلة مفصلة قطع غيار / مصناعية (برجاء ملاحظة عدم الاعلان عن اى ورشة ابوس ايدكم علشان اللى بيحصل فى المنتدى - كفاية كده)
* على جميع الاعضاء الألتزام بعدم الرد على اى عضو الا فى الضروره القصوى (انا داخل اشوف اعطال وحلولها ومش عايز اقرأ أى تعليق)
* الردود تكون للأستفسار عن العطل بعينة فقط وليس لعطل شبية (عندك عطل تانى اكيد هاتلاقى موضوع بنتكلم فيه عن العطل بتاعك فى المنتدى أو ممكن تبدأ موضوع جديد)
مشرف القسم
ثقل عصايه الفتيس فى الغيار الثانى و المارشدير
تعليق المارشدير و ثقل الغيارات دى مشكله تم حلها فى التوكيل
لحل هذه المشكله قام التوكيل بعمل رجلاش لتيش عصايه الفتيس (اسفل الجلد) و التحسن ملحوظ
صوت شخلله من طارة الدركسيون
السبب: قطع بلاستيك صغيره مكسوره بتتحرك فى تجويف الكلاكس اثناء دوران الطاره
الحل : فك ضاغط الكلاكس من الطاره و اصطاد قطع البلاستيك بطرف قطعة لزق او سلوتيب او ما شابه
اتساخ كويل التكيف لعدم وجود فلتر تكيف بلانوس
الانوس ما فيهاش فلتر تكيف
فقولت بدلا من فك الكويل و غسيله و اعاده شحن فريون نتيجه اتساخ كويل التكيف نعمله فلتر واهو الوقايه خير من العلاج
الطريقه:
- فك درج التابلوه عن طريق مسمارين اسفل الدرج
- هتلاقى فتحة سحب الهواء من داخل السياره
- هات فلتر تكيف اسبليت جاهز و قصه على مقاس الفتحه و ثبته عليه
- و ممكن برضو تستخدم سفنج قليل السمك و تقصه على مقاس الفتحه (زى اللى موجود على موتور المكنسه الكهربائيه المنزليه)
ملاحظه: كل اللى فات ده يحافظ على نظافة التكيف بشرط تشغيله على وضع return recycling دايماو عدم تشغيله على وضع fresh airلأنه هيدخل وساخة الهواء اللى فى الشارع
تقرير شامل عن الاعطال الشائعة فى اللانوس و طريقة علاجها (منقول)
مع النجاح الكبير للسيارة اللانوس و انتشارها الواسع
ظهرت بعض الاعطال الشائعة و المتكررة بها
و اصبح متعارف عليها خاصة بين من يقومون بصيانتها دائما
و مثلها مثل باقى السيارات الاخرى تحدث لها اعطال و تحتاج الى صيانة دورية
و لكن السيارة اللانوس تعتبر الاقل فى الاعطال و الاقل فى التكلفة
اذا ما قورنت بباقى السيارات الاخرى من نفس الفئة
و نستعرض معا بعض الاعطال التى قد تحدث دائما بالتدريج منذ شراء اللانوس جديدة
حتى تتخطى حاجز ال100000 كيلومتر كما يلى
1- تلف ريشة التوصيل النحاسية الموجودة بعجلة القيادة و الخاصة بتوصيل الكلاكس
الحــــــل
تغيرها او نقل الكلاكس الى زراع المساحات و التخلص نهائيا من هذا العطل
*****
2- ظهور طقطقة بالعفشة الامامية فى الطرق الغير ممهدة
الحــــــل
تغير الجلب الكاوتش الخاصة بالعفشة الامامية
*****
3- انقطاع كوابل البوجيهات دائما اثناء سحبها من البوجيه عند تغيره و ذلك بسبب ضعفها
لانها كربونية بالكامل و ليس بها ما يدعمها ضد الشد فتنقطع سريعا
الحــــــل
تغير طقم الكوابل بجديد او اصلاح ما تم قطعه و هذا امر صعب بالنسبة للغير محترفين.
*****
4- عند غسيل موتور السيارة يتأثر كثيرا حساس البوابة بالانجكشن المسمى ( TPS Sensor )
و ينتج عن ذلك عدم استقرار المحرك و تقطيع على السرعات البطيئة
مع اضائة مستمرة للمبة الشيك
الحــــــل
تغـــــــــــــــــــــــ ـيره
*****
5- عند تخطى السيارة ال50000 كيلو يبدأ فيبر الريداتير بالتحلل و خاصة عند منطقة الاتصال العلوية بالخرطوم
الحــــــل
تغير الفيبرة فقط بفبرة صينى لا يحدث لها نفس العيب و لا داعى لتغير الريداتير كله
*****
6- اذا حدث تنقيط ماء مستمر اسفل منطقة السيور فهذا يعنى تلف مؤكد فى طلمبة الماء
الحــــــل
يتم تغيرها بطلمة ماء اسبانى الصنع
*****
7- اذا حدث هبوط ملحوظ لدواسة الدبرياج اثناء القيادة بعد ال100000 كيلو
فهذا يعنى انتهاء اسطوانة الدبرياج و ضعف الديسك
الحــــــل
عدم التردد فى تغير اسطوانة الدبرياج و البلية و الديسك فورا
بسبب سرعة انهيارهم بعد ذلك.
*****
8-استهلاك بنزين عالى و سحب ضعيف بعد ال 100000كيلو
الحــــــل
تغير طقم الرشاشات
*****
9-اهتزاز شديدة بالموتور اثناء التحرك بالسيارة يصحبه اهتزاز بعصا الفتيس بعد ال100000كيلو
الحـــــل
تغير قاعدة الموتور الكاوتش الموجود يمين و يسار المحرك
*****
10-حدوث صوت مزعج عند بداية دوارن المحرك ثم زواله بعد التسخين
الحــــــل
شد سير الدينمو جيدا و اذا استمر الصوت يجب تغير السير بنوع بأخر اصلى
*****
11-صدور صوت خربشة او احتكاك واضح من الجهة اليمنى للمحرك بعد ال120000كيلو
و هذا العيب يحدث ايضا بسبب غسيل الموتور كثيرا و سببه تلف رمان بلى الدينمو
الحــــــل
تغير رمان بلى الدينمو
*****
12-انتشار طبقة زيت على سطح الجيربوكس من جهة المحرك بعد 50000 كيلو
الحــــــل
تغير اولسيل الاسبراتير الالكترونى ( البوبينة ) الموجود اعلى المحرك
*****
13-انتشار طبقة زيت فى المنطقة الواقعة اعلى البوجيهات
الحــــــل
تغير جوان غطاء التكيهات و اذا تكرر هذا التسريب سريعا بعد ذلك
فهذا يعنى ان الميكانيكى قد قام بتركيبه بشكل غير صحيح و هذا يحدث منهم كثيرا
حيث ان هذا الجوان له اتجاه و لا يلتزمون به فى التركيب مما يؤدى الى تلفه سريعا
*****
14- نقص زيت الفرامل مع تنيقطه اسفل الجيربوكس مباشرة
بعد ال140000كيلو
الحــــــل
تغير طقم جلد ماستر الدبرياج
*****
15- زرجنة واضحة فى حركة عصا الفتيس بعد ال120000كيلو
الحــــــل
تغير عقربة الفتيس و هى المجموعة التى تنقل الحركة من العصا الى الجيربوكس
*****
16- كثيرا ما يحدث صعوبة فى تعشيق عصا الفتيس فى اتجاه المارشدير
الحــــــل
التوقف بالسيارة تماما ثم اترك دواسة الدبرياج ثم اضغط عليها مرة اخرى و سيتم التعشيق بسهولة بعد ذلك
*****
17-نقص ماء الريداتير المستمر مع تسربه على الارض اثناء توقف المحرك فقط من جهة قربة الماء بعد ال120000 كيلو
الحــــــل
تغير غطاء قربة الماء