فجاة اثناء خروجى بشغل التكيف لاقيته تقريبامفيش تبريد بالمرة وكل مااضغط على زرار التشغيل اسمع طقه فى الكبوت واللمبه بتاعت الزرار تنور وبرضه ميشتغلش افيدونى
عرض للطباعة
فجاة اثناء خروجى بشغل التكيف لاقيته تقريبامفيش تبريد بالمرة وكل مااضغط على زرار التشغيل اسمع طقه فى الكبوت واللمبه بتاعت الزرار تنور وبرضه ميشتغلش افيدونى
أكشف على ضغط الفريون فى الدايره
تقريبا الشحنه سربت عندك لأى سبب من الاسباب
طيب يا سمير اية اسباب التسرب ؟
هل لازم كل صيف التكييف يتشحن؟
انا عندى نفس المشكله
ياريت حد يقولنا الحل ايه
ولما التكييف تشغلة يجيب هواء سخن مرة و مرة مايجيبش هواء خالص دة يبقى اية
أسباب التسريب معروفه
1- تلف فى سيل الضاغط
2- تلف أحد الخراطيم
3- تسريب بسبب خرم فى سربنتينة المبخر ( الموجوده تحت التابلوه )
4- تسريب بسبب خرم فى ماسورة من مواسير المكثف ( الموجودفى مقدمة السياره )
5- تسريب عند أى منطقة حبك بين مكونات الدوره مثلما يحدث بين بلف الأكسبنشن والتلاجه ( المبخر )
وطبعا مش شرط كل صيف تشحن التكييف طالما الدوره محكومه كويس ومفيش أى فريون بيهرب من خلال أى نقطه من النقطه الخمسه المدرجه فى هذا التعليق
يبقى أنت محتاج تكشف على التسريب فى الدوره وتعالجه وتشحن على الضغط المقنن
بس يجب تشوف فنى كويس ( يعرف يحدد سبب التسريب بالضبط ويعالجه صح قبل شحن الفريون الجديد )
وفى نفس الوقت تشوف سبب التعليق فى عمل مروحة التكييف
غالبا حتلاقيها فيوزات مهزوزه وحتبقى سهله إن شاء الله فى علاجها
المهم تعالج دورة التبريد صح
ودورة المروحه حيبقى سهل علاجها طالما بتعلق كده
الاخ م. سمير عندى مشكلة ان عند المطبات الجامدة شوية لمبة التكيف تطفى وتشتغل بعد الضغط عليها مرة اخرى
هل ممكن افك الوش الخاص باللمبة واشيك على الزرار السيارة نوبيرا اتوماتيك
هو أكيد اللمبه مهزوزه عن القاعده بتاعتها
بحيث مع المطبات بينفصل الأتصال الكهربى للمبه عن قاعدة اللمبه
وكل الموضوع حيكون تأكيد لتركيب اللمبه
فلو تعرف تعمل الشغله دى ....يبقى على البركه
أما لو دى أول مره ومفيش خبره لأعمال سابقه زى دى
يبقى الكهربائى يعملها بسهوله وحضرتك واقف
شكرا الاخ الفاضل م. سمير
الله يخليك ياهندسه
ازيك ياهندسة وحشنى جدا
بعد ازن حضرتك استفسار بسيط
عندى التكييف شغال تمام بحمد الله
بس فى حاجة مضيقانى البكرة اللى بتغير وضع تشغيل التكييف مش شغالة
الوضع ثابت على هوايات التابلوة فقط ومش بيجيب اى وضع تانى ...... ياترى المشكلة فى اية؟؟؟؟
قصدك بكرةالمود ياسامح
بتاعة توزيع الهواء على الصدر والرجلين وهكذا
وهل أعادة التدوير مش شغاله كمان
يعنى بتاخد هواء من بره العربيه بس
_________________
لو ده اللى موجود عندك يبقى خرطوم الفاكيوم بتاع موتور بوابة التوزيع مفصول من عند فلتر التكييف غالبا
وحنستبعد أنفصاله من عند التابلوه مؤقتا .....دا لو مكنتش حليت التابلوه أو اللوحه بتاعة تشغيل التكييف قبل كده
اية ياهندسة نسيتنى ولا اية
؟؟؟؟؟؟؟؟؟؟؟؟؟؟؟؟؟؟؟؟؟؟
ياباشا أبدا والله
راجع بس وشوف فيه خراطيم رفيعه راكبه على فلتر التكييف ولا لا
ولو كانت راكبه أعكسهم وجرب
جايز يكونوا راكبين متبدلين
ولو مش راكبين وضح برضه
علشان أتخيل الوضع معاك
أنت طبعا عارف مكان السيرفو وتنك زيت الفرامل
راكبين على الجانب الأيمن من صدر الغرف
قبالهم فى آخر الجنب الشمال 0
وأنت فاتح الكبوت
حتلاقى الفلتر راكب على نهاية صدر الغرفه شمالك
تقريبا وصلت لمكانة
هشوف الوضع اية عند الفلتر وهبلغ حضرتك
موضوع به معلومات مفيده
عامل اية ياباش مهندس
معلش مشغول فى الشغل عشان كدة اتأخرت عليك فى الرد
انا بصيت على الخراطيم ولقيتهم راكبين وبدلتهم وبردو الوضع زى ماهو
مش ممكن ياهندسة العيب يكون من عند المفتاح ؟؟
طيب سؤال في وسط الموضوع بعد ائذنكوا انا التكييف كان تمام اكلام ده على الصيف الي احنا في دهه كمان بس معدتش بيسقع زي الاول بيسقع بس مش قوي يعني الدرجه الرابعه بقت مش زي زمان كده يبقى في تسريب ولا هو كده كده لازم كل فتر يحصل نقص ف الفريون لوحده من الاستخدام يعني مع العلم اني شاري العربيه من اكتر من سنه ومجيتش نحيه التكييف خااالص
قيس ضغط الفريون وظبط ضغط الشحن بتزويد الفريون شويه
بس خللى الفنى يشوف سبب نقص الشحن أيه الأول ( قبل التزويد )
ليه لااقتباس:
مش ممكن ياهندسة العيب يكون من عند المفتاح ؟؟
وجايز يكون الخرطوم بتاع الفاكيوم واقع من وراء لوحة التحكم فى توزيع الهواء وتشغيل التكييف