الموضوع: سؤال محرج

المشاركة الأصلية كتبت بواسطة funnymickey

هوا يعني الجواز كله مشاكل كده
الجواز دفع فلوس وبس؟
مين قال كده

يارجاله هوا الرسول قال فاظفر بذات الدين ليه يعني

عشان اللي عندها دين
حيكون عند اهلها دين
وعمرها لا تظلمك ولا تظلمها

عارفه حقوقك كويس اوي
وعارفه حقوقها
وعارفه واجباتك ناحيتها
وعارفه واجبتها ناحيتك

حتقولي تعيس وقرفان ومتضايق

ياعم مانتا اللي سبت ذات الدين
ورحت تدور عليها في النادي وفي قرايبك وفي الجامعه وفي السينما

محدش كان قالك تروح تاخد المايصه والعريانه والمستهبله واللي عامله نفسها رقيقه وبعدين تيجي تشتكي من ان الحياه نكد

محدش قاللك تاخد واحده تعيشوا مع بعض هدفكوا انتو الاتنين تخلفوا عيال والعيال تخش المدرسه وبعد المدرسه الجامعه ومن الجامعه لجوازهم
وهوب
ياانتا تموت ياهيا تموت

فين الهدف؟

عمرك سألت اتنين متجوزين
هدفكوا ايه من جوازكو ؟

قالولك نجيب صلاح الدين تاني مثلا
هدفنا نحفظ القرءان الكريم

هدفنا نعمل بيت مسلم حقيقي

زي ما ربنا قال

مش حتلاقي البيت ده والاسره دي والزوجه دي
حتلاقيهم اما تكون انتا الراجل ده
ذات الدين بتكون في المسجد بتعرف دينها
ذات الدين بتذاكر عشان تعلم اولادها علوم الدنيا عشان ميبقوش جهله
ذات الدين مش قاعده في الشارع طول النهار وتقولك انا في الجامعه انا في الشغل انا في المؤتمر انا في المش عارف ايه
عندها هم
عندها هدف عايشه عشانه
الهدف ده هو رضا ربنا

ترضيه ازاي انها تلتزم بالدين
تعيش حياتها في خدمه دينها
مش في الكليبات والمسلسلات والافلام
ويوم ما حتختار بقي شريك حياتها

حتختاره عشان تحقق الهدف ده
يعني انتا حتكون جزء منه

اذا شوف نفسك بقي تستاهل ذات الدين دي ولا لا




ذات الدين اهي
أناامـرأة غيــــر كـــــل النســــــــاء
أنا لســـت للبيـــع أوللشـــــــراء
لن تشــــتريني بدراهمك
ولا بمــــا قد تحتــــويـــه كــــل خزائنـــــك
فالمــــاس والـــزجـــاج عنـــدي ســـــواء
إن أردتني أردت حقـــــــــا امـــرأة غيـــر كـــل النســـــــــاءفقــــط
كن كالأسد تأوي إليك الجياع وليس كالذئب تأكل من فضلات السباع
كن رجلا غير كل الرجال لأنني امـرأة غيــــر كـــــل النســــــــاء

حضرتك متجوز!!؟؟

ماعتقدش

و بعدين فيه حد هيقعد مع مراته يقولها تعالى نجيب صلاح الدين؟!!
و مسجد ايه و جامعه ايه اللى هتكون فيه!!

بكره تتجوز و تفهم بنقول ايه - ديه تجربه لازم تخوضها

ربنا معاك

المشاركة الأصلية كتبت بواسطة human12

و بعدين فيه حد هيقعد مع مراته يقولها تعالى نجيب صلاح الدين؟!!

والله العظيم فيه
ودي حاجة كويسة يا عم طارق، إنت مستنكر ليه بس

المشاركة الأصلية كتبت بواسطة أبو حمزة

والله العظيم فيه
ودي حاجة كويسة يا عم طارق، إنت مستنكر ليه بس

بتكلم بجد؟؟

المشاركة الأصلية كتبت بواسطة funnymickey

والله انا كاتب كتابي
وخلاص ان شاء الله حتجوز شهر 12

ومبقولكش حتقعد مع مراتك تقولها حنجيب صلاح الدين

هوا انتا نازل تجيب لب
:pointiy2[2]:

بس هدفك
تربي ابنك ده
علي ايه

حينشأ علي ايه

يعني انا نفسي مثلا
متفق مع مراتي اننا نجيب صندوق اما نتجوز
نحط فيه كل يوم حاجه

واما ولادنا يكبروا يحطوا هما كمان من مصروفهم
عشان يطلعوا متعودين عالصدقه

مثلا مره سمعت عمرو خالد بيقول كان فيه واحد رجل اعمال عند واحد صاحبه
وقاعدين مع بعض
الراجل استأذنه شويه كده
وراح وقت وجه
قال لصاحبه ايه بقي
قاله اصل ليا نص ساعه في اليوم مع اهل بيتي نحفظ مع بعض قرءان
وكان لازم اقوم

بالله عليك لو فيه بيت كده

حطلقها دي ؟؟
ولا حتخونها ؟؟؟
ولا حيبقي ليك نفس اصلا تزعلها

ست بيت
صح
وانتا راجل بيت صح

بيت مسلم

بس ده كان قصدي والله

قال تعالي نجيب صلاح الدين قال

زود بجنيه فينو بقي عشان السندوتشات الصبح

مستنيك كمان 6 سنين
و انا مش عارف المعلم عمرو خالد بيجيب الكلام ده منين

مثلا مره سمعت عمرو خالد بيقول كان فيه واحد رجل اعمال عند واحد صاحبه
وقاعدين مع بعض
الراجل استأذنه شويه كده
وراح وقت وجه
قال لصاحبه ايه بقي
قاله اصل ليا نص ساعه في اليوم مع اهل بيتي نحفظ مع بعض قرءان
وكان لازم اقوم

بالله عليك لو فيه بيت كده

و هو لو قام بعد ما الراجل يمشى كان هيحصل ايه؟
و بعدين يجيب صاحبه فى بيته ليه - البيوت حرمه برضه

انا الحكاوى ديه مش بتنزلى من زوووورر

و على فكره امت برضه فاهم المشاكل و الجواز غلط شويتين
استنى لما تتجوز عشان مش هتفهم الحكمه الا لما تشوف اللى هيحصل


و بعدين انا مستنيك كمان ست سنين و ابقى سلملى على الصندوق :)

المشاركة الأصلية كتبت بواسطة m.osman

اتفرجوا يا رجالة.............
von ظ…ظ‚ط§ظ…ط§طھ gepostete videos: Truth about women | facebook

ملوش حل ..فيديو حلو جداً