الموضوع: مروحة التبريد تعمل بدون توقف - كرستالة

السلام عليكم ورحمه الله

انا عندى لانسر كرستالة 99 مانوال ولما بدور الموتور كانت مروحة التبريد لا تعمل الا بعد فترة زمنية لكن دلوقتى لما بدور مفتاح الكنتاكت على الوضع الثانى اى قبل دوران المحرك بلاقى مروحة التبريد تعمل حتى قبل ما دور المحرك علما بأنى فحصت الكتاوت ولقيتها سليمة ياعنى مش معلقة
الموضوع دة حصل تقريبا بعد ما غسلت الموتور فى بنزبنة لكن مش متأكد أوى فهل دة عيب فى المفتاح الحرارى بتاع المروحة واللى عندة خبرة فى الكرستالة يقولى هو موجود فين بالظبط فى الصورة المرفقة ولو كان هو اللى عطلان مش المفروض المروحة ما تدورش اصلا .....

][/IMG

المشاركة الأصلية كتبت بواسطة mr_vampire

معلش مخدش بالي من كلمة ( من غير ترموستات ) لازم ياصاحبي ترموستات وهو ده حساس الحرارة او حساس المروحة اللي بيتكلمو عنه الشباب عشان المروحة تشتغل بس لما الحرارة تعلي وتفصل لما الحرارة تقل لازم تبقي موجودة .

أنا مش متأكد ان الترموستات موجودة ولا لا بس انا اعرف ان فى مصر بيشلوها وهى موجودة داخل الكوع الخارج من طلمبة المية الى الخرطوم الواصل الى الرداتير و فايدتها انها تحبس مية التبريد داخل المحرك بدون المرور على على الرداتير والحالة دى تفيد أكتر فى الدول الاوربية فى بداية تشغيل المحرك.

لكن المفتاح الحرارى دة موجود على طلمبة المية وهو متصل بمفتاح تشغيل المروحة بطرف سلك واحد على ما اعتقد وفايدتة ان يوقف تشغيل المروحة فى بداية التشغيل أو على الطرق السريعة او الجو البارد وذلك للحفاظ على المروحة من التشغيل المستمر دون الحاجة.

وسؤالى ان لقيت عدد اتنين حساس على طلمبة المية واحد متصل بطرف واحد والتانى متصل بأكتر من طرف وكنت بسأل اى منهم حساس المروحة مع انى ارجح انة يكون ابو طرف واحد وهل ممكن الحساس دة هو السبب ولا ممكن يكون حاجة تانية وعلى فكرة انا مش من النوع من اللى اى حاجة تحصل فى العربية اروح اوديها للميكانيكى او الكهربائى ولى موضوع هنا كاتب فية تجربتى مع الكرستالة انا بلاقى متعة كبيرة جدا لما بعمل الحاجة بنفسى وشارى عدة لكل حاجة تقريبا ومش فى العربية بس دا فى كل حاجة تقريبا وان شاء الله هعمل تجربة صغيرة النهاردة اوصل بيها للعيب وهبقى هقولكم عليها.