عاوز اشترى تكيف للبيت تنصحونى باية

**swimmer25** · 14-06-2010 12:02 PM

المشاركة الأصلية كتبت بواسطة hamadamdph

هندسيا المفروض ان الحصان الواحد بيكفي 8 متر مربع
ودا بيدي احسن جودة تبريد

انما ساعات كتير الشركات عشان تعلن بتقول ان الحصان يكفي لحاد 10 متر مربع

ودي برضه مقبولة طالما الشمس مش ضاربة في الوحدة الخارجية للتكييف

اكتر من كده حيحصل اجهاد كامل للكمبريسور (قلب التكييف واغلى حاجه فيه)

يعني 50 متر على الاقل 5 حصان
لو صالة على هيئة حرف l وممكن الفصل بين المكانين يبقى 2 تكييف 2.25 او 3 حصان

يا جماعة دلوقتي لو عايز اكيف غرفتين مساحة الغرفة 12 متر بس الغرفتين جنب بعض بالظبط
ومعدي عليهم طرقة 7 متر وهم في اخر الطرقة

ينفع في الحالة دي اجيب تكييف واحد في واحدة منهم وبكده الغرفتين بالطرقة يبقي اتكيفوا
ولا لازم اجيب تكييفين

وفي كل حالة اجيب تكييف قوته كام

المشاركة الأصلية كتبت بواسطة akramlail

الصيف داخل والحر ورمضان والصيام مفيش حل غير التكيف
عاوز منكم نصيحة باحسن نوع واحسن سعر وصيانة بعد كدة
و التركيب بيتم ازاى ؟ يعنى من عند نفس اللى هشترى منة ؟

طمننا يا اكرم باشا عملت ايه في موضوع التكييف......
جبت نوع ايه واخباره ايه وبكام؟
انا عارف ان الاسكندرية رطوبتها عالية جدا وفعلا محتاجة تكييف ضروري

**احمد المصرى** · 14-06-2010 03:39 PM

انا عندى يونى اير بقاله كام شهر وشغال ذى الفل والحمد لله

**M7amD_7amDy** · 14-06-2010 05:16 PM

محدش جاب سيرة ترين ليه؟

من وجهة نظرى ولأن عندى 3 أنواع يونيون اير وكارير وترين

الترين بلا منازع :)

**windofchange** · 15-06-2010 06:27 AM

الشارب قرايبي اللي عايشين بالخارج بيسافروا بره عشر شهور وييجو عالصيف شغال ماشاء الله بعد ركنة 10 شهور كويس

**swimmer25** · 15-06-2010 12:27 PM

المشاركة الأصلية كتبت بواسطة swimmer25

يا جماعة دلوقتي لو عايز اكيف غرفتين مساحة الغرفة 12 متر بس الغرفتين جنب بعض بالظبط
ومعدي عليهم طرقة 7 متر وهم في اخر الطرقة

ينفع في الحالة دي اجيب تكييف واحد في واحدة منهم وبكده الغرفتين بالطرقة يبقي اتكيفوا
ولا لازم اجيب تكييفين

وفي كل حالة اجيب تكييف قوته كام

طمننا يا اكرم باشا عملت ايه في موضوع التكييف......
جبت نوع ايه واخباره ايه وبكام؟
انا عارف ان الاسكندرية رطوبتها عالية جدا وفعلا محتاجة تكييف ضروري

طيب محدش يعرف اجابات عن الاسئلة دي
واضح فعلا ان شارب احسن نوع دلوقتي

المشاركة الأصلية كتبت بواسطة ashturbo

الترين جميل بس غالي فرق بينه وبين الشارب تقريباً 1000 جنيه في كل فئة .

الشارب بعد تجربة أسبوعين تبريد ممتاز سريع جداً بالذات خاصية التربو كول دي رائعة مساحة الصالة عندي حوالي 25 متر جايب 3 حصان في ثواني بلاقي المكان تلج وشكلة شيك خاماته نظيفة والبلازما كلاستر حلوة جداً خاصة للي بيشربوا سجاير لو مشغل البلازما مش هيشم ريحتها وهو بيشربها يعني بصراحة جهاز محترم ومعمول له 51 أختبار جودة و11 أختبار محاكاة كله دة على الكتالوج بتاعه أهم ميزة بعد كل ده صوته مفيش الهوا ولا كأنك مشغل حاجة ... طبعاً خدمة عملاء جبارة بعد تجربة 8 مرات أتصالات وأستفسارات .

الف مبروك عليك التكييف الجديد
ممكن نعرف سعره كام (بارد ولا بارد/ساخن)
واسعار شارب التانية كام يعني ال 1.5 , 2.25

**AshTurbo** · 15-06-2010 07:50 PM

المشاركة الأصلية كتبت بواسطة swimmer25

الف مبروك عليك التكييف الجديد
ممكن نعرف سعره كام (بارد ولا بارد/ساخن)
واسعار شارب التانية كام يعني ال 1.5 , 2.25

الأسعار كالتالي :

شارب 2,25 حصان بارد فقط 4250

3 حصان 4800 بارد فقط

3 حصان بارد ساخن 5300 جنيه

كارير :

2,25 حصان بارد ساخن 4300

3 حصان بارد ساخن 4900

دي الأسعار اللي لقيتها تختلف من محل لآخر وأنت وشطارتك بس تعمل حسابك في سلك ومفتاح أوتوماتك في الحيطة وكهربائي كلهم هيعملوا حسبة 150 جنيه حسب طول السلك كمان خللي بالك من حاجة مهمة أثناء التركيب تأكد من أن الفني معاه ميزان ماء عشان يعدل الميل بتاع الجهاز ويفضل تتأكد مالحكاية بنفسك قبل ما يخرم في الحيط أو قوله يوريك الميل بعد كدة تأكد من أن الوحدة الخارجية متثبتة كويس وفي مكان بعيد عن الشمس ومصادر المياه زي المزاريب والخ وطبعاً لما يجي يركب يتأكد ان مفيش عربيات واقفة تحت منه عشان لو حاجة وقعت متدفعش أنت حق تصليح العربية دة لو كنت هتركبه على الشارع .