انا هشترى صنى...تنصحونى باية قبل الشراء؟؟؟

**mahmoudelfayez** · 23-01-2011 03:24 PM

السلام عليكم جميعا....

أنا أنشاء الله هشترى نيسان صنى 2011 اى اكس صالون بفرامل اية بى اس فتنصحونى بأية قبل الشراء؟؟؟ اللون العملى أية؟؟؟ وأية تانى ممكن تنصحونى بية؟؟

بجد انا استفدت كتير من نصايحكم و خبرتكم و من كلامكم قررت اشترى انشاء الله الصنى

**SonaSteel** · 23-01-2011 03:59 PM

السلام عليكم
اخي الكريم .... موفق ان شاء الله
هي مش نصائح علي قد ما هي تجارب يعني
ان شاء الله حاول تشوف موزع معتمد تشتري منه العربية .... (السبع - يونايتد - اوتو ايجيبت - مودرن)
بصراحة انا جربت اوتو ايجيبت وناس قمة في الادب والاحترام والذوق وبتسلم بسررعة ..... لو عرفت تجيب منهم خير وبركه لو معرفتش توكل علي الله وهات من اي موزع معتمد
متقلقش خالص ... انا كنت زيك كه برده ... المفروض في حد منهم بيسلمك العربية وبيقعد يشرحلك العربية نفسها ووظيفة كل حاجة حتي الكاسيت .. وبيسلمك الاستبن والعدة والكريك
وهما بنفسهم بيشيكوا علي دهان العربية وكله بصراحة (الكلام ده جربته في اوتو ايجيبت)
والوانها كلها جميلة ماشاء الله
الفيراني الفاتح حلو والذهبي والسماوي والموف الداكن
العملي ... اعتقد الفضي او الفيراني الفاتح ........ ومن جوه غامق
والموضوع ده هتستفيد منه جامد ان شاء الله
اسيبك معاه
http://www.nilemotors.net/Nile/158434-a.html
ومتنساش الاستخارة طبعا في كل حاجة .... اللون والنوع ول حاجة
وان شاء الله تستلم علي خير

**Ahmed.TV** · 23-01-2011 05:15 PM

فعلا زى ما قالك حسين عشان تشترى العربية وتكون مرتاح وانت بتستلم العربية يبقا من موزع معتمد

لان الموزع المعتمد العربية مش بتكون مركونة عنده لفترة ويحجزها بكميات زى التاجر فى المعارض والعربية تتبهدل

بيجبلك العربية من المصنع على طول

بخصوص الالوان بامانة كل الوان العربية ممتازة
لكن من الناحية العملية العملية ابعد عن الاسود عشان ده عاوز بواب فى العربية يبقا ساكن فيها , عشان كل شوية ينفضهالك
عندك لون فضى حلو عشان التراب مش بيبان عليه , لكن عيبه ان اى تجريحة جامدة بيبان اللون الاسود بتاع الفيبر فيها وبيكون شكله وحش

فى لون فيرانى فاتح حلو جدا ,ولون فيران غامق والبيترولى على اى اكس

اما السوبر صالون والهاى لاين عشان الفامية والجنوط , يبقا اللون الفيرانى الفاتح والبيترولى والفيرانى الغامق والنبيتى عليهم تحفة

وبخصوص النصائح عندك الموضوع ده اقرئه حيفيدك جداااا
وفى مواضيع مثبتة كتيرة تستاهل القراءة حتفيدك جدا

ولو احتجت اى حاجة بخصوص الشراء ونبقا معاك كمان مفيشي مشكلة وتحت امرك
وقت ما تنوى على ا لشراء قولى وانا اكلم الناس اللى اعرفهم ممكن نعملك خصم عليهم لو ربنا يسير وكرم

وتحت امرك
وربنا يوفقك