زيارة لمركز Techno One و انطباعي عن المركز

**Ahmed Samy** · 25-05-2010 12:07 AM

اليوم قمنا بزيارة نايل موتورزاوية مكثفة للمركز
حيث حضر كل من العبد لله و أبو ليلى و حمدي للمركز للقيام ببعض الصيانات و الاصلاحات ...

سأتحدث عن الجانب الرئيسي حتى لا أضيع الوقت

في نقاط سأسجل ملاحظاتي عن المركز :

1 - المركز مجهز بشكل ممتاز مع وجود كمبيوتر تشخيص الأعطال ..جهاز زوايا متميز ...حتة عدة الصنايعية كويسة .

2 - المهندس أحمد الشحات راجل فاهم بجد لا يقل عن -وربما يزيد- عن مهندسي التوكيلات الحاليين و له خبرة محترمة في عدد من التوكيلات المصرية.

3 - المركز يعمل بنظام مؤسسي ...حضور و انصراف و ماليو وإدارية و أذون شغل ...مش ورشة يعني .

4 - استراحة العملاء مستواها جيد و مريحة بس التكييفين مبوظين القعدة لأنهم فعلا ضاربين في كل الكراسي ماعدا الكرسيين اللي جنب التليفيزيون ..هما الوحيدين اللي ممكن تنام عليهم .

فيها وايرلس طبعا

5 - نقطة سلبية ...الوقت طويل شوية ..شويتين

6 - قطع الغيار متوفرة بالكامل ....انا ركبت التيل الأصلي من عندهم و أسعار القطع كويسة

7 - انت من قاعة الانتظار تبقى شايف العربية كويس و ماتحتاجش تنزل تقف جنبها

8 - الشغل ..الحقيقة تمام ..نظافة و مافيش عك ولا طلصقة

9 - شغل السمكرة و الدهان واضح من العينات اللي شوفتها ....انه جامد كان في حتة bmw 525 بتتسمكر و تترش ..في فرن كمان بس ما شوفتوش .

10 - مساحة المركز على تلات هناجر تستوعب عدد كويس من السيارات و العمالة برضه عددها مناسب حتى مع غياب البعض اليوم .

11 - السعر : مناسب مش رخيص و مش غالي
بس ده يعتمد على نظرتك ...اللي فاكر ان دي ورشة و بيقارن أسعارها بالورش فهايلاقيها غالية لأنه ببساطة مركز منظم .

و اللي كان ناويش يعيش في الوكيل زي حالاتي ..يبقى المركز أحسن و أرخص برضه خصوصا مع الخصم .

11 - أنا غيرت تيل أصلي أمامي و خرطت طنابير لأن استعمالي زفت مع الرمل و القرف اللي عايشين فيه و غيرت فلتر تكييف و كام مسمار في العفشو كان العفشجي الزبال بتاعي ملصمهم و ظبطت زوايا و عملت زرجينة و زودت سوايل مية و فتيس و ربطت عفشو و كشفت على العربية بالكامل

الفاتورة 1150 جم بعد الخصم

انطباعي العام ...شكرا eit كل 4000 جنيه و انتم طيبين

**yoko** · 25-05-2010 12:16 AM

11 - أنا غيرت تيل أصلي أمامي و خرطت طنابير لأن استعمالي زفت مع الرمل و القرف اللي عايشين فيه و غيرت فلتر تكييف و كام مسمار في العفشو كان العفشجي الزبال بتاعي ملصمهم و ظبطت زوايا و عملت زرجينة و زودت سوايل مية و فتيس و ربطت عفشو و كشفت على العربية بالكامل

الفاتورة 1150 جم بعد الخصم

ده سعرة هايل مش عادي أنا لو عملت الحاجات دي في التوكيل هخشلي في ٢٠٠٠ جنيه!!!

**yoko** · 25-05-2010 12:33 AM

المشاركة الأصلية كتبت بواسطة ahmed samy

ما أنا باقوللك لو انت بتقارن بالتوكيل يبقى حلو و رخيص

أنا بس عايز اوصل انه مش ورشة...و يستحق انه يقارن بمراكز الوكيل الحقيقة

فاهمك يا سامي باشا بس هو من الصور الي كريم كان حاطتها واضح إنه قوي جدا ويمكن أفضل من بعض مراكز الخدمة

**Ahmed Samy** · 25-05-2010 12:54 AM

ده وصف تفصيلي لمكان المركز

للقادم من الدائري في اتجاه المعادي من الزراعي

تنزل مخرج 17 (السلام أو المطار) بدل ما تدخل يمين خش شمال بعد المخرج على طول هاتلف من فوق الدادائري وتنزل بموازاته الناحية التانية .

امشي على طول هاتلاقي على يمينك قوات الحرس الجمهوري
سيب أول نفق شمال

امشي على طول

هاتلافي تقاطع خش شمال من تحت الدائري و يمين على طول يعني زيجزاج كده تلاقي المركز قدامك

**night_phoenix** · 25-05-2010 12:56 AM

طب الصيانه العاديه ل 20000 تعمل كام توتال كده؟؟؟

انا ساكن في حلوان اوصل ازاي؟؟

**yoko** · 25-05-2010 01:03 AM

المشاركة الأصلية كتبت بواسطة great_eagle

طب الصيانه العاديه ل 20000 تعمل كام توتال كده؟؟؟

انا ساكن في حلوان اوصل ازاي؟؟

هتطلع أوتوستراد بعد كده دائري وهتفضل ماشي على طول لحد نفق السلام وده ٣ نفق هيقابلك وخلي بالك عشان مخرجة مكسر إمسك أقصى الشمال وبعد كده ب٥٠٠ متر هتلاقي مخرج السلام يعني أول ما تطلع من النفق من أقصى الشمال إمسك أقصى اليمين هتنزل نزله السلام هتمشي على طول عدي الميدان خش شمال مش يمين وبعد كده في أول يمين هتلاقي المركز

(تم التعديل بعد وجود خطأ في نهاية الوصفة)