الف مبروك على العربية والصيانة والبطارية وانشاء الله الصوت يختفى تماما
رقم العضوية : 44815
تاريخ التسجيل : 13Aug2009
المشاركات : 74
النوع : ذكر
الاقامة : 6th of October
السيارة: Nissan - Tiida 2011
السيارة[2]: Kia - Sephia 99
دراجة بخارية: --
الحالة :
السلام عليكم جميعاً أعضاء قسم نيسان الكرام.
الحمد لله ربنا وفقني واشتريت تيدا 2011 من حوالي شهر ونصف تقريبا من معرض أوتو ايجبت المهندسين بعد بحث واستقصاء كبيرين، وكان الاختيار هو تيدا 2011 هاتشباك فتحة سقف نظرا لوجود تخفيض كويس في سعر السيارة.
وطبعا انا كنت سألت على التيدا في القسم هنا قبل كدا والناس بصراحة كانوا أكثر من متعاونين، فكنت رايح هناك وانا مطمئن. وانا مش هتكلم على احمد مصطفى كتير عشان أشكره، بس هقول انه مكانش يعرفني واتصل بيا بعد ماجاب نمرتي من المعرض عشان يتطمن ان كل حاجة تمام وان المنتدى وأعضائه ليهم معاملة متميزة. ربنا يباركلك يا احمد ويجعله في ميزان حسناتك.
طبعا السيارة لسة في مرحلة أول 1000 كم ، وبالتالي في التليين. بس للأسف ظهرت بعض المشاكل وشوية ملاحظات على السيارة في هذه الفترة.
أولاً: المشاكل
- المشكلة الأساسية: وهي إن العربية مكانتش تقريبا بتدور من غير ماخدلها وصلة من عربية تانية في الجراج.!! .... والأدهى إني بكون مدورها الصبح، واجي بعد الظهر أدورها ماتدورش ...!
- مشكلة صوت طقطقة من التابلوه في المطبات (خصوصا ما يسمى عين القطة) مع العلم اني مبجريش على المطبات دي، والصوت كان مزعج ومحسسني ان التابلوه مفستك.
ثانيا: الملاحظات
- ذراع غيار الفتيس بيتحرك من D إلى 2 بدون الضغط على الزر الجانبي ، وعند التحرك من 2 إلى 1 لابد من الضغط على الزر ، وده عكس اللي مكتوب في الكتالوج وعكس الوضع اللي كان في عربيتي القديمة.
- زر فتح زجاج السائق بيشتغل أتوماتيك في الفتح بس ، القفل لا.
- ساعات كنت بسمع صفارة خفيفة من الفرامل ، وصوت طقة مكتومة لما أشيل رجلي من على الفرامل والعربية على D.
أنا قولت لازم أروح التوكيل يشوفوا المواضيع دي كلها لأن العربية في الضمان طبعا. فاتصلت بمركز خدمة أوتو ايجيبت وحجزت يوم السبت (امبارح).
وفعلا روحت ووصلت الساعة 9:15 واستلموا مني العربية مباشرة وخدت شنطة صغيرة كدا هدية...
المهم، قابلني مهندس الاستقبال وشرحتله كل حاجة ، والراجل سمع مني للآخر وقالي متقلقش اتفضل في الاستراحة واداني كوبونات المشروبات والاكل. وبالمرة طلبت تركيب حساسات الركن والدواسات الهدية من المعرض أثناء شراء السيارة.
دخلت قعدت في الاستراحة ، ولاحظت أنها فعلا مكان محترم جدا .... للأسباب الآتية:
- العميل بيكون شايف الورشة والعربيات من خلف الزجاج.
- شاشة عرض عليها حالة كل سيارة دخلت المركز بدءا من استلامها وحتى غسيلها وتسليمها للعميل عشان كل عميل يكون عارف عربيته في أي مرحلة.
- شاشة تلفزيون.
- شبكة WiFi للعملاء للدخول على الإنترنت.
- كافتريا.
- حمامات نظيفة.
قعدت منتظر وقلقان لأني مكنتش شايف العربية في الورشة لأنهم كانوا شغالين فيها في مكان تاني ، وضيعت الوقت في قراءة الجرائد ، وبعدين قابلت مهندس الاستقبال تاني وسألته ايه الاخبار؟ فقاللي فعلا البطارية كان فيها مشكلة واتغيرت بواحدة جديدة، وقاللي الفنيين بيشوفوا بقية المشاكل اللي قلتلهم عليها وبيركبوا حساسات الركن اللي طلبتها.
المهم كل حاجة خلصت على الساعة 1 ظهرا تقريبا، وكان الشغل اللي اتعمل في العربية كالآتي:
- تغيير البطارية بواحدة جديدة جافة عليها ضمان سنة.
- فك التابلوه وتركيبه جيدا.
- التيل كويس والفرامل تمام وتم تنظيف الفرامل بالاسبراي.
- تركيب حساسات الركن.
- غسيل السيارة.
أما بالنسبة لمسألة ذراع الفتيس وزر الزجاج الاتوماتيك، فقالي ان هو دا الطبيعي بتاع الاتنين، فقلتله ان دا عكس المكتوب في كتالوج السيارة، فكان رده ان الكتالوج بيكون لجميع الدول بمختلف المواصفات اللي موجودة ، فممكن يكون كلام الكتالوج في النقطتين دول على عربيات مصنعة لدول تانية....
المهم وصلنا لمرحلة الاستلام .... ونظرا لكون العربية في الضمان ، مدفعتش حاجة. فأخدت العربية ومشيت..
ملاحظاتي على المركز:
الناس هناك ذوق جدا في الاستقبال والمعاملة وخصوصا مهندسي الاستقبال، كلهم تحس في وشهم البشاشة والاحترام.
استراحة العملاء ممتازة ومريحة. (وفي للأطفال مكان يلعبوا فيه)
احترام العميل متوافر (البطارية اتغيرت بدون كلام خالص وهي في الضمان ، وتركيب الحساسات الهدية بدون مصنعيات، والعمل على حل باقي الشكاوى)
ملاحظاتي على العربية:
طوت الطقطقة في التابلوه خف كتير عن الأول، بس لسة في حاجة كدا... عامة هخليهم يظبتوه تاني في صيانة 1000 ان شاء الله.
صوت الصفارة والطقة في الفرامل راحت.
الحاجة الوحيدة اللي مضايقاني شوية بعد ما مشيت عشان كنت مستعجل، هي غسيل السيارة ، تقريبا اتمسحت بفوطة من برة بس. لأن التابلوه مكانش نظيف ، والفرش كان فيه بقعة خفيفة من أثر الشغل وأنا نضفتها.
بس عامة مينفعش اتكلم كتير على غسيل العربية خصوصا اني مدفعتش حاجة ..
الخلاصة ان المركز دا لو استمر كدا ، بإذن الله هينجح جدا ويكون من أحسن مراكز الخدمة في مصر.
رقم العضوية : 82470
تاريخ التسجيل : 01Dec2010
المشاركات : 2,895
النوع : ذكر
الاقامة : el mehalla elkobra
السيارة: cerato 10
السيارة[2]: corolla 15
دراجة بخارية: :(
الحالة :
الف مبروك على العربية والصيانة والبطارية وانشاء الله الصوت يختفى تماما
رقم العضوية : 41774
تاريخ التسجيل : 03Jun2009
المشاركات : 1,594
النوع : ذكر
الاقامة : egypt
السيارة: nassin
السيارة[2]: opel
دراجة بخارية: no
الحالة :
الف مبروك على العربية
وربنا يبارك لك فيها وبيكفيك شرها
ولو لسى فى اى حاجة مضيقاق كلمهم تانى وارجع لهم الصراحة كل توكيلات نيسان ناس محترمة جدااااااااااا
رقم العضوية : 56500
تاريخ التسجيل : 21Dec2009
المشاركات : 1,224
النوع : ذكر
الاقامة : naser city
السيارة: lanos 1
السيارة[2]: nissan super salon
دراجة بخارية: M
الحالة :
اولا الف مبروك العربية و الصيانة
بس انا شايف ان في مشاكل كتير في عربية زيرو مكملتش 1000 كيلو
يبقي فين الكوالتي كنترول
الي بيتعمل علي العربية
انا اعتقد واجزم (لغة عربية)
لازم العربية تيجي من بلد المنشأ يعني النيسان لازك تكون ياباني 100 * 100
ميؤلكش مكسيكس وبرازيلي ومصري
لازم العربية تكون اصلي علي ابوة
سؤال هل اليابان وقفت انتاج التيدا في اليابان
لو لالالالالالالالالالالالا
يبقي بتيجي لية من المكسيك
اكيد في ان وكان واخواتهم
وشكرا
كن مطمئناً جداً جداً ولا تفكر في الامر كثيراً بل دع الامر لمن بيده الامر
رقم العضوية : 93462
تاريخ التسجيل : 04Apr2011
المشاركات : 1,484
النوع : ذكر
الاقامة : alexandria
السيارة[2]: spark
دراجة بخارية: no
الحالة :
يا فندم اللي حصل مع اخونا محصلش مع حد تاني معانا في المنتدى يبقى وارد جدا ان ده نصيبو
انا مش عاوز اتكلم في مرة كنت في الامارات وسيارة رينج روفر الفرامل علقت ومسكت العجل قدامنا والعربية خمست بسبب الموضوع ده
كلها عيوب واردة بنسب يعني لو كل مليون عربية طلع فيهم 100 فيهم مشكلة يبقى ده شيء كويس
مفيش حاجة في الدنيا 100 % الكمال لله
وعشان كده في حاجة اسمها ضمان لو كل شركة حلفت يمين انها ما تطلع عربية فيها عيوب وكاملة
مكانش اتعمل ضمان ولو كان اتعمل كان حيتعمل 1000 كيلو ولا حاجة كده
اللي اقدر افتي فيه ان موضوع البطارية ده من الركنة يعني لو اتركنت شهرين بدون ما حد يشغلها اكيد حتضيع
DarkMagician
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
الف مبروووووووك .. وربنا يعطيك خيرها ويكفيك شرها .. وانا معلمتش غير الواجب .. وتحت امرك وامر الاعضاء
بخصوص العربيات التيدا اللى بتتقفل فى المكسيك .. امريكا بذات نفسها .. بتاخد عربيات تيدا تقفيل مكسيكى .. ولو كان فى مشكلة .. كانت الدنيا وقفت على بعضها ..
ووارد اى عربية كانت مركتها يكون فى عيب فى التقفيل .. والله حتى كان البى ام فى .. هو طبعا بتغيظ العملاء .. وده حقهم .. بس ده وارد انه يكون فيه .. والا مكنوش عملوا خدمة ما بعد البيع
والحمد لله انها جت على قد كدا
وعلى فكرة مفروض ان كان يتغير البطارية ببطارية سائلة .. وهما غيرولك البطارية فى المركز ببطارية جافة
ودى حاجة كويسة .. تحسب ليهم .. لانك مدفعتش الفرق
فعلا حاجة محترمة والله .. بيعرفوا يقدروا العملاء .. وفعلا مع الاستمرارية بنفس النظام وبالخبرة لما تزيد .. المركز ده حيكون ليه شأن كبير جدا وسط المراكز القوية اللى بقالها فترة فى السوق
وبخصوص التزيق .. هما عملوه .. ولو لسه فيه .. حاول يبصوا عليه تانى .. بس اللى اقدر اقولك عليه .. ان متركزش معاه لسبب :
لان التيدا لطابلوه بتعها 3 قطع .. مش حتة واحدة .. وعشان 3 قطع بيكون فى بينهم فرق .. فبتسمع صوت تزيق خفيف جدا ومش متواصل مع المطبات القطط فقط .. فمتقلقش
وبخصوص النقلات .. انا معايا التيدا اليابانى .. وبحرق من الd الى 2 من غير زرار .. او من 2 الى d
لكن من 2 الى 1 بدوس على الزرار .. وده وانا ماشى .. لكن لو واقف وبكون طالع على 1 بزق الفتيس الى 2 من غير زرار
حقولك على حاجة .. اتعامل فقط من 2 .. والd كل دول يكفوا فقط .. وسيبك من 1
مرة تانية الف مليون مبروك
وتقرير مميز .. وجزاك الله خيرا على افادتك
تحياتى
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 72112
تاريخ التسجيل : 02Jun2010
المشاركات : 6,052
النوع : ذكر
الاقامة : الجيزة ... المنوفية
السيارة: Duster E2-Terios
السيارة[2]: Nissan Sunny-Tiida
دراجة بخارية: هوندا اليت
الحالة :
أولا ألف مبروك على العربية الجميلة ديه ..
ثانيا ألف ألف ألف مبروك على الصيانة .. و بتقرير حضرتك الجميل ده .. أوتوا اجيبت عليو في نظري اكتر من الاول ..
ياريت بقى حضرتك متحرمناش من مشاركاتك التحفة اللي زي ديه ..
تحياتي لحضرتك و نورت القسم ...........
رقم العضوية : 115825
تاريخ التسجيل : 21Oct2011
المشاركات : 144
النوع : ذكر
الاقامة : القاهرة
السيارة: Nissan Tida HB 2012
السيارة[2]: Kia Pikanto 2010
دراجة بخارية: none
الحالة :
الف مبروك و عقبال صيانة الالف كيلو
ربنا يديك خيرها ويكفيك شرها
بما انك معاك فتحة سقف زى عربيتى
هل بتسمع صوت زنة بسيط فى فتحة السقف وانت فى نقر ومطبات البسيطة
و على فكرة انا كان عندى صوت زنة فى التابلوه
زيك وعملتو فى اوتو ايجيبت بس رجع تانى
وبصراحة صوت التابلوه ده بيغيظ اوووى وبيبان لما تقفل الازاز
و بما انك داخل على الصيف و كده اكيد هتشغل التكييف وهتسمع المزيكا ديه
فلو هتروح صيانة الالف كيلو ياريت ننسق مع بعض
و نشوف موضوع التابلوه ده
لان مهندس هناك بيقوللى ان مشكلة دى انت اول واحد بس يشتكى منها
لقيت كذا عضو بيشتكى منها
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) صدق الله العظيم
المفضلات