الموضوع: تنظيف كربراتير فكترا b ب 24 جنية بس

المشاركة الأصلية كتبت بواسطة magdyelshikh

نظف كربراتير عربيتك الفكترا b بنفسك والمطلوب كالاتى :
مفك صليبه + منظف كرابرتير من اى محطه موبيل اسمه : Carb clean هذا المنظف صناعه امريكيه ثمنه 24 جنيه خالى بالك من المنتج الصينى وشكله اهو
قم اولا بحل المسامرين الصليبه المربوطين اعلى العمه الفبر السوداء وبرفق حل الكوليه المربوط فى غطاء وش التيكهات الفبر الاسود او من جهة العمه ايهما اسهل والافضل المربوط فى العمه نفسها قم بتدور الموتور للحظات حتى تستقر صوته ابدء فى رش السائل من علبة المنظف مع شد كبل الاكسرتير اى السرعه المرتبط بدواسة البنزين وكن حريص على الا يبطل الموتور منك عن طريق تزويد الضغط على كبل البنزنين استمر فى تكرار الموحولات اربع خمس مرات ولا تقلق سوف تشعر بان الموتور حيبطل زود فى البنزين وحاول توزيع الرش فى كل انحاء الكربرتير لانك سوف تجد الرشاش بالسلك الخاص به راكب فى منتصف وش الكربرتير رش عليه مرتين من السائل ثم عن يمنه وشماله بحيث يصل السائل داخل اعماق الكربراتير تقريبآ نصف العلبه او ازيد حيخلص فى التنظيفه دى لانه بيندفع بقوة وهو المطلوب حتى يصل الى كل اجزاء الكربراتير اثناء عملية التنظيف سوف يخرج عادم اسود من الجكمان دليل على عمليه ازالة الشوائب من الكربراتير وايضآ ازالة الكربون من الباساتم
بعد الانتهاء من التنظيف اترك الماتور دقائق حتى يستقر صوته ثم اعد تركيب العمه بالمسمارين وايضآ الخرطوم السابق حله من الكوليه وبذلك انتهت عمليه التنظيف .
سوف تلاحظ الاتى هدوء صوت الماتور , استقرار الارا بى ام على 900 لفة , انطلاق للسيارة فى السحب , ازالة جزء من الكربون المكون على الباساتم .
الموضوع انا مجربه بنفسى على عربيتى فكترا 98 ومشاء الله فى النتيجه .
ارجو ان اكون افت حضراتكم باسهام بسيط لانى اعلم ان فى المنتدى فطاحل الصيانه طنانى باشا والاستاذ تامر والباشمهندس فادى ادعو الله بالتوفيق للجميع

مشكور ياا مجدي كنا بس طمعانين في صورتين حضرتك عارف الصور بتشرح نفسها وبتطمن اللي عاوز يجرب بايده..انا عملت حمله النظافه دي عندي من شهرين لان عندي اوساخ علي صباب من ال8 هو مانظفش لانه عاوزروديه انما باقي دوره البنزين بقي فل الفل .تسلم ايدك ومستنيين المزيد .

المشاركة الأصلية كتبت بواسطة ahmed_lol2007

الله ينور ياباشا
وأنا فعلا لسة عامل القصة دى عندى إمبارح فى عربية فيكترا 98 بس 2000 سى سى مش 1600
وبصراحة بعدها حسيت إن العربية فاقت وبقيت حاجة تانية
بس أأنا rbm عندى على 650 تقريبا من فترة ومش عارف إيه السبب بس هو مش مسبب لى أى مشكلة
ومشكور على رغبتك فى إفادة الاخوة هنا

شيك علي جوان الايديال كونترول هتلاقيه مش محكوم كويس .

الله ينور عليك يا باشا
بجد لو شوية صور يبقى الواجب و زياده شوية
و موضوع الأر بى ام ده نفس المشكله عندى و ملهاش حل
و نضفت الأربعه ازاى يا عم احمد رشيت المنظف فين