الموضوع: تنظيف كربراتير سيات 133

عندى سيات 133 كانت تتاخر جدا فى الدواره حتى لو الموتور ساخن الميكانيكى اخبرنى انها محتاجه تنظيف للكربراتير وعندى بعض الاسئله : - سعه تنك البنزين تقريبا 30 ليتر المهم التنك مليان (بنزين 80) يقطع معايا حوالى 100 كيلومتر او اقل داخل المدينه فهل هذا بسبب الكربراتير. وكم من المفترض ان تقطع السيات ب 30 ليتر بنزين. - عمه الكربراتير غير موجوده فهل ضرورى شراء عمه الكربراتير بعد تنظيفه ام عدم وجودها لن يؤثر كثيرا على حاله الكربراتير بعد التنظيف. - باذن الله انا من سيقوم بتنظيف الكربراتير بنفسى ( لااقاوم محاوله التجربه ومستعد لتحمل النتائج حتى لو تصل لشراء اخر جديد) سؤالى الان ساقوم بفكه من على الموتور وفك كل قطعه وتنظيفها بالبنزين - ولا افضل استعمال اى اسبريه - هل العمليه مجرد تنظيف لاى بقايا كربون واتربه مسببه للانسداد ام انه توجد اى مكونات داخل الكربراتير قد تحتاج لتغيير و كل الشكر لكل من ساعد .

معدل استهلاك البنزين عالى جدا طبعا على عربية سيات اكيد الكارتير فيه مشكلة واضح انك لازم تروح لبتاع كربراتير يشوفه مش قصة تنضيف بس لانه اكيد محتاج اكس وباب وتغير بكات اما موضوع العمة طبعا مهم لان الفاتر اللى راكب فيها بيمنع التراب والشوائب انها تدخل الكربراتير وتسده هات لها عمة وفلتر طبعا هقولك حاجة روح اسال على الكربراتير الاستيراد بكام لو سعره كويس هات واحد على التجربة والعمة معاه واللى هندفعه هتوفره بنزين