الموضوع: تجارب السيلاريو.....................!!!!

موجودة فى معرض هنا فى اكتوبر واتفرجت عليها بصراحة حلوة جدا بالنسبة للكماليات الية فيها وسعرها
وسالت الراجل على الاتوماتيك قالى قدامها اسبوعين عقبال ماتنزل

المشاركة الأصلية كتبت بواسطة khalid_mostafa

عادي جداً...الفئة دي كلها شانطتها صغيرة جداً ويستثني من ذلك الهيونداي اتوس إنما موضوع الـ 3 سلندر ده محدش يخاف منه و عن تجربه انا كان معايا ماتيز 3 سلندر 800 سي سي كمان ومكنتش بحس بمشكله سواء في تحميلها او في تشغيل التكييف..بل بالعكس حتوفر معاك بنزين كمان

لا يا فندم.....حضرتك لو شوفت الشنطة حتتخض و الله........]ده الراجل بتاع المعرض بيقولي مساحة شنطتها 105 لتر...........في المقابل السبارك شنطتها 170 لتر......!!!
انا الحمد لله استقريت علي السبارك و استلمتها امبارح و انا شايفها بجد عربية جميلة في الشكل و محترمة جدا جدا في التقفيل و مفيش حاجة نقصاها.......غير كدة سعرها مناسب جدا

Thanks ya basha 3ala el efada

انا شفت العربية فى المعرض رائعة بس الواحد متردد لما يلاقى عربية زى الجيلى اسبيرو ب 54 اف وفيها كل الكماليات مانيوال 1500 سى سى حاجة تحير بجد

اسف اقصد مابل مش جيلى

روحت النهاردة عملت صيانة الألف كيلو الحمد لله والناس هناك فى فرع اسكندرية مودرن موتورز ممتازين والمهندس / كريم اللى قابلنى هناك مهندس ممتاز اهتم بجميع استفساراتى وجاوب عليها بالكامل بدون تطنيش وظبطولى العربية جوة وبرة ومية مية
ملاحظاتى بعد الالف كيلو انى لاحظت ان الفتيس ناشف شوية ولما قولتلهم قالولى دة العادى فى سوزوكى قولتلهم مثلا هو انشف من الدايو قالولى عادى كل شركة وليها نظام لكن دة مش عيب وفعلا مش عيب لكن بالنسبة لى عيب وكمان لاحظت ان فى رعشة خفيفة كدة فجه الميكانيكى وعلّى الماتور شوية فراحت الرعشة لكن المهندس قاللى لا خلّى كل حاجة زى ماهية احسن لحد مانسألأ عن الرعشة دى ونرد عليك فعجبنى الكلام وقولتله ماشى