نسي اقولكم
العربية متأمن عليها على ان ثمنها 102 الف جنية
تم خصم استهلاك 10 %
وطلع الشيك بمبلغ 90 الف جنية
عرض للطباعة
نسي اقولكم
العربية متأمن عليها على ان ثمنها 102 الف جنية
تم خصم استهلاك 10 %
وطلع الشيك بمبلغ 90 الف جنية
يا ريت التفاصيل لو سمحت
و شكرا
تفاصيل الواقعة دى
اتاجرت العربية يوم خميس من انسان مهذب جدا ومحترم وده طبعا بعد السؤال السريع عنه
طلب عربيه يسافر بيها شرم الشيخ يقضى اجازة لان عربية فى التوكيل
وتم الاتفاق على العربية الانسر .
اتصل بيا يوم السبت ( بعد يومين ) وقلى العربية فى قسم شرطة طور سيناء لانى عملت حادث قلتله انت فبن وروحتله البيت لقيته عامل عزاء لزوجته لانها توفت فى الحادث اخدت بخاطرة وسيبتله مفاتيح عربية لانوس كانت معايا ورجعت المكتب فى شدة الحزن على الى هو فيه وكمان على العربيه لانى مش عارف ايه الى حصل فيها بس كان احساس مؤكد انها total lose
سافرت تانى يوم الصبح ولقيتها فعلان كدا
واليكم الاجراءت من اول خطوة الى اخر خطوة
1- تم استخراج شهاده بيانتات للعربية حتى نتمكن من استلامها
2- تم نقل العربية الى الوكيل
3- تم المعاينه من قبل مندوب التامين
4- تم استخراج شهاده حاله من الوكيل لشركة التامين
5- تم عمل ملف للعربية فى التامين وتجمعة فيه بوليسة التامين + محضر الشرطه + تقرير التوكيل
6- تم استخراج جواب ضمان من التامين للبنك بفك الحظر على مسئوليه شركة التامين
7- تم فك الحظر
8- تم نقل ملكيه العربية لشركه التامين
9- تم استخراج شيك من التامين بمبلغ 90 الف جنيه لصالح البنك
10- تم تسوية قرض العربية مع البنك
11- تم دفع باقى المبلغ مقدم للانسر جديده 2008
12- فى انتظار استلام العربية الجديدة
----------
فى انتظار اى استفسار قبل البدء التجربه الثانية
نسيق اقولكم ان كان فى مفاوضات من قبل الشركه على التخفيض فى المبلغ او خيار اخر انى اخد العربيه ونصف التامين .
بس طبعا اتمسكت بحقى واخد حقى القانونى
استاذ analyzer
شكرا للإفادة وفي إنتظار المزيد من الخبرة وكفانا اله وإياك شر الحوادث
اولا حضرتك بتتكلم عن إي شركة تأمين؟؟؟ إسمها إية؟
إنت كنت تعرف د في الشركة علشان الإجراءات تمشي؟
الحوار دة كله أخد وقت قد إية؟ من يوم الحادثة إلى حجز السيارة الجديدة.
وشكرا
أحد معارفى مأمن على سيارته فى مصر للتأمين ، السيارة لانسر 2007 تمت سرقتها من أمام منزله (بالونش كما ذكرت من فترة) وتم الاثبات بمحضر وشهود ، الشركة الفاضلة رغم اشتراطها لمحضر الشرطة فى كل شئ إلا انها تشترط أيضا قيام موظفيها بتحرياتهم بخصوص الواقعة ، مر حتى الآن أكثر من 3 شهور ويكاد الرابع ينقضى والرجل فى حيص بيص معهم ، يسمع من داخل الشركة أنه فى حالة الكرم سيتم رد حوالى 80% من قيمة السيارة بعد 6 شهور على الأقل من السرقة، ويسمع من أحدهم أنه لو قدم رشوة لشخص ما قدرها 2000 جنيه سيتم تسهيل الأمور... ولم أسمع منه أى انطباع جيد عن هذه الشركة والله يكون فى عونه.
يا ريت فعلا نلخص الخبرات نحو شركة معينة نتفق عليها جميعا . من كل النواحى
. و شكرا
استاذ GoodWave
لا شكر على واجب
اكيد حضرتك كنت تقصد كفانا الله وليس كفانا اله
انا بتكلم عن شركة التامين الى اسمها : الجمعية المصرية للتامين التعاونى
الموضوع مشى بالشكل الطبيعى جدا والى اعرفه ده الشخص الى انا امنت معاه ودى كانت اول معرفه ليه بيه
الموضوع من الاول الى تصفيه مع البنك اخد حوالى 5 اشهر
بس فى فى الاول حوالى شهر عطلة منى انا فى موضوع نقل العربية ومحضر الشرطة
معلومات هايله جدا جدا جــــــــــــــــدا الف الف شكر ليك
اولا حضرتك لا تعتزر على الاطالة .... ( احنا بنتمنى من جميع الاعضاء المشتريكين مع شركات التأمين انهم يقوللنا تجاربهم بالتفصيل المممللللللللللللل ).... علاشان نعرف خبايا وبنود كل شركة ....
ثانيا انا بشكر حضرتك جزيل الشكر ... على ترتيبك للتفاصيل بهاذا الشكل . وضحتلنا الكثير بمشاركتك و تجربتك مع شركة كونتاكت كارز .
بس انا شايف ان طريقة التأمين عندهم مش زى ما كنا فاكرين وبالاخص البنود ( الملتوية ) .
وبعدين كتير ياخدو 500 جنية تمن السيارة البديلة بالمقارنة ان نسبة التأمين عندهم عالية , بس انا تقريبا اعرف انهم عندهم نظامين للتأمين .... فى نظام منهم ان لو العربية عطلت بيبعتو ونش يشدها .. و وفى حالة الحوادث بيدوك عربية بديلة . هل مبلغ ال500 جنية دة فى كلا النظامين ... ولا هما اساسا غيرو سياستهم ؟؟؟ لان معلوماتى دية كنت عرفتها من شركة كونتاكت نفسها بس من سنتين ..
* اكون شاكر لحضرتك جدا لعمل اسكان لبنود العقد ( لو مكانش فيها ازعاج ), ويبقى مرجع لينا للمقارنة بباقى الشركات .
-----------------------------------
-----------------------------------
استاذ analyzer الف شكر على مشاركتك ( الهامه جدا جدا جدا جدا جدا ) لانها كانت تجربة ( للاسف بشعة ) بس واقعية مع شركة التأمين ومدى جديتها فى التعامل مع الحادث . ووضحتلنا كل حاجة محتاجين نعرفها من خلال مشاركتك الدقيقه و الى ذاكر فيها كل تفاصيل الحادث .
بس عندى استفسار الاجرائات خدت اربع شهور ؟؟؟ ياترى الفترة دية كتيرة ولا ده الطبيعى ....
* حاجة اخيرة :- انا شوفت منظر العربية ... و حزنت جدا جدا على وفاه زوجة الاستاذ الى كان مؤجر العربية منك ... ربنا يرحمها ويصبر زوجها .
ربنا يكفينا جميعا شر الطريق .