استاذ FiatMomo
اربع اشهر دى مدة طويله وده كتير بس كان فى عدة اسباب لطول المدة اهمها انى اعتمده على صاحب المعرض الى اشتريت منه العربية لانه هو الى كان مخلص الاجرات مع البنك والتامين
عرض للطباعة
استاذ FiatMomo
اربع اشهر دى مدة طويله وده كتير بس كان فى عدة اسباب لطول المدة اهمها انى اعتمده على صاحب المعرض الى اشتريت منه العربية لانه هو الى كان مخلص الاجرات مع البنك والتامين
معلش في معلومة مهمة بخصوص كونتكت وهي إن 500 جنية دول تأمين يعيني بيرجعوا لو المأمن سلم العربية سليمة و حصلت معايا 3 مرات و أخذت فلوسي كاملة و في مرة اتسرقت طاسات اللانسر أخذوا مني 200 جنية و رجعولي الباقي
كمان حكاية الكوارث و الشغب و الزلازل و البراكين دي في كل شركات التأمين
يا ريت برضه يا جماعة نتفق على شركة محددة . و شكرا لكم جميعا
يا ريت يا جماعة اللى من الاسكندرية و عنده تجديد ترخيص يبص كويس فى و ثيقة التامين الاجبارى علشان الموظفين بتستهبل و تحط معاها و ثيقة اسمها حوادث شخصية ب 20 ج و دى ملهاش اى علاقة بالتامين الاجبارى و غير اجبارية و لكن المنتج المحترم اللى ماسك توكيل شركة التامين بيحطها خلسة علشان يكسب منها
واقعة ثانية
لانسر 2007
حادث من الامام ادى الى تحطم الاكصدام الفوانيس الشبكة رفرف الردياتير الكبوت والايرباج فتح
تم التصليح فى مركز خدمة معتمد من الجمعية المصرية للتامين التعاونى
ولكن النقطه هنا هى استبدال التاارة باخرى فيها ايرباج يتم بدفع 25%
فى الحقيقه طلبت منهم استبدالها باخرى من غير ايرباج ومدفعتش حاجه
مدة الاصلاح حوالى 28 يوم تقريبا
شكرا على توضيح النقطة دية ... لانى لما كنت بسأل على النيو اكسنت واتكلمت مع السيلز هناك على التأمين وان تأمين الجمعية التعاونية فى مشاكل .... قالى او العربية حصلها حاجة انتا تكلمنى وانا بظبطلك الناس جوه الشركة ... وقالى حاجة غريبة قالى ( مندوب التأمين لما يشوف الورقه ام 100 .. بتلاقية يجرى عليك جرى ويخلصلك كل حاجة ) .... ومعلقتش على كلامة كتير ساعتها .
--------------------------------------
شكرا أ- محمد على التوضيح المهم دة .... اعتقد كدة مبلغ ال500 جنية دة مش مشكلة طلاما بيرجع تانى ...
----------------------------------------
شكرا مقدما .... و حضرتك ارفعلنا صوره البنود لما تكون فاضى . مش عاوزين نعطلك:)
----------------------------------------
النقطة دية مهمة جدااااااااااااا جداااااااا وهى ان مركز التصليح المعتمد من الجمعية .... هل هو على اعلى كفائة ويوازى التوكيل ؟؟؟؟؟
يعنى انا عاوز اعرف فى عربيات زى الالفاروميو مثلا ... او سوبارو فيها تقنيات بتختلف عن باقى العربيات( زى الموتور البوكسر ) ... هل المركز المعتمد بتاعهم دة يقدر على العربيات الى ليها طريقة صيانه خاصة ؟
بس عماتا هل هما صلحو عربيت حضرتك الانسر بكفائة .. هل حسيت ان فى حاجة انتا مش راضى عنها بعد تصليحها . وياترى مكان المركز بتاعهم فين .
انا اسف ان اسألتى كتير ...:)
-----------------------------
فى حاجة اخيرة ياريت الاعضاء الى مصوتين لشركة الشرق للتأمين واليانز ومصر للتأمين والشركات الاخرى يقولولنا تجاربهم مع الشركات دية (بعد اذنكم :) ) حتى لو تقولولنا النسبة قد اية الغرض من الموضوع عرض التجارب و ليس التصويت فقط :)
وشكرا لتفاعلكم
الحالة الثالثه :
ودى لصديق صاحب مكتب ايجار
لانوس 2007
1.6 نسبة التامين
كان مامن على انها بـ 65 الف
العربية اتقلبت على الصحراوى وبقت زى الكعب
دخلت total lose
اخد فلوسة منهم بعد خصم 10 % استهلاك
بدون دفع اى رشاوى
الموضوع خلص فى شهرين
فى الحقيقة مركز الخدمة الى بتعامل معاه هو : المصيلحى
وده مكان لسه جديد كان شغال على الكيا بس ودلوقتى بقى يهونداى ودايو كمان
المركز ده معتمد من هيونداى ودايو
ومعتمد من الجمعية المصرية للتامين
وصلحنا عنده عربية يارس تبع التامين
وشوفت هناك سوبارو
هى الفكرة فى ان مركز الصيانة يكون معتمد من الوكيل معناه عدة حاجات اهمها مطابقة المكان للمواصفات المطلوبة فنيا وكذلك التجهيزات وكمان استخدام قطع غيار اصلية من الوكيل وبسعر الوكيل
يا ريت ما ننساش فى الأخر نتفق على شركة واحدة عشان يبقى الموضوع انتهى بفائدة ان شاء الله . و ما تكونش حكاوى و انتهت .
و شكرا لكم جميعا و مستنى النهاية السعيدة .